रोमी 3:25 - ल्होमी25 कोलीमी घयेक्की ङीबे ॱएङ्गी दीक्प घयेक्की ढीक्ल को़न्ज्योक्की छ्येप्प ॱमत् केब, हजो़त् थुक् सो़प्प खुर्न हुबे येशुल छ्य स्यक्न खोङ्गी ठक्की डीक्च्या युङ्ज्ये यो़प्पल को़न्ज्योक्की खोङ् दीक्पे ॱस्याबल ॱरोक्ल जङ्न युङ बेत्। हीन्दुक् झ्यीन को़न्ज्योक्की ठीम् ढङ्बु तेब दी तो़न्न युङ बेत्। Faic an caibideil |
रोमी 3:25
51 Iomraidhean Croise
खीत्रङ्गी हुनी ढोप्चील ॱरीक् ज्यक्च्येमे च्युर् घङ् यो़प्प घयेत् कुरीक् छ्याबे ॱस्यी़ मत् स्यक्प, तो़ल्ल पुर्। हीनी क खीत्रङ् च्युर् मत् ज्यबे ढोप्ची जीब डस्सी ॱसम्ब युङ्गेन् बेत्। ॱनी हुन्दो थुक्ल त खीत्रङ् हुन्दुक् दीरङ् यो़क्केन् बेत्। यहुदी घयेत् छ्यीबे धी़रीम्गी छ्यो़प्पल पु गोगेन् लुक्टुक् दी ख्रीष्ट् झ्युङ बेत्।
नुहल को़न्ज्योक्की एल्ला मत् युङे केच्च्य च्यीक् ॱस्येत्नी, हुनी नुह को़न्ज्योक्ल ज्यीब खुर्न रोरङ्गी मीजङ् घयेत् थर्च्ये यो़प्पल ढु छ्यीम्मु च्यीक् सो़ब बेत्। ॱनी हीगो नुहे छ्य स्यक्पे लम्नी सो़ब बेत्। हीगी छ्य स्यक्पे लेमु हीनी हुगी यङ्गी जम्बुलीङ्गी मी घयेत्ल ठीम् च्येत्न छ्येप्प केब बेत्। छ्य स्यक्पे लम्नी ॱनम्बर् धक्पल थो़ङ्गेङ्गी थर्वे फक् थोप्केन् च्यीक् नुह झ्युङ बेत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan