रोमी 2:26 - ल्होमी

²⁶ ॱनी दक् मत् ज्‍यबे मी इक् यङ् छ्‌यो़डीम्‍गी क घयेत्‍ल चीगो़त्‍न ॱनी, हुगो दक् ज्‍यबे मीदङ् छ्‌येत्‍मीत्‍ल डोगेन् मेम्‍बेक्‍क ॱनी?

रोमी 2:26 Iomraidhean Croise

मत्‍ती 15:28

ॱनी येशुगी लेल्‍ल ॱवे भुमु रङ्‌गी छ्‌य गन्‍दीक्‍म स्‍योक्‍कुक्। रङ्‌गी ॱनो़ब दी डस्‍सीरङ् झ्‍युङ्‌ल ज्‍युक् झ्‍यीब बेत्। ॱनी हीगो सीरे छो़त् दीलरङ् हुगी ढोङ्‌गी आमे भुमु दी ढक्‍नर बेत्।

रोमी 2:25

ॱनी यहुदीगी दक् ज्‍यबे लेमु हुगो छ्‌यो़डीम्‍गी क घयेत्‍ल चीगेन् दील हुगो फेङ्‌गेन् बेत्। ॱनी छ्‌यो़डीम्‍गी क घयेत्‍ल ॱमीत् चीगेन् दील हुगो घो ॱमीत् छ्‌यो़त्‍ल डोगेन् बेत्।

रोमी 2:27

रङ् छ्‌यो़डीम् थोब च्‍येम्‍म, सी़ल दक् ज्‍यबे मी हीन्‍न अक्, दक् मत् ज्‍यबे मी ॱयोङ्‌मागी छ्‌यो़डीम्‍गी क घयेत्‍ल चीगो़त्‍न ॱनी, हुगी रङ्‌ल छ्‌यो़डीम्‍गी कल ॱमत् चीय हीम्‍बे ढीक्‍ल ठीम् च्‍यो़त् छुगेन् बेत्।

रोमी 3:30

को़न्‍ज्‍योक् च्‍यीगी च्‍यीक्‍रङ् यो़क्‍केन् बेत्। हुगो झ्‍यीनी, यहुदीगी दक् ज्‍यबे मीरङ् हीन्, मत् ज्‍यबे मीरङ् हीन्‍न अक्, हुगो ॱनम्‍बर् धक्‍प दील छ्‌य स्‍यक्‍पे लम् दीनी मेन्‍द, ॱमीत् तो़ङ्‌गेन् बेत्।

रोमी 8:4

ॱनी हीगो कोलीमी ङो़गी ली़सीम्‍दङ् डीक्‍प झ्‍यीक्‍केन् मेम्‍ब, हज्‍यरङ् धम्‍बे थुदङ् डीक्‍प झ्‍यीक्‍केन् घयेक्‍की मी मीजील छ्‌यो़डीम्‍गी कल चीन ढङ्‌बी़ ले झ्‍यीत् गोगेन् बेत् सीक्‍केन् दी डुप्‍च्‍येगी ढीक्‍ल खोङ् ढोङ बेत्।

गलाती 6:15

यहुदीगी दक् हुगो ज्‍यप्‍न अक् बेत्। मत् ज्‍यप्‍न अक् बेत्। हुगी फेन्‍दो घन्‍ड अक् मीत् युङ्‌गेन् बेत्। फेन् थोस्‍योल हज्‍यरङ्‌ल ॱसीम् ॱसम्‍ब छ्‌यादु ची़प्‍प हुगो बेत्।

एफीसस् 2:11

खीत्‍रङ् यहुदी मेम्‍ब, ज्‍यी़त् ॱयोङ् ॱयोङ्‌गी मी बेत्। यहुदीगी दक् ज्‍यबे मी घयेक्‍की खीत्‍रङ्‌ल दक् मत् ज्‍यबे मी बेत् सीन्‍न सीक्‍केन् बेत्। हुगी दक् हुगो सी़ल लक्‍पे सो़न ज्‍यक्‍केन् बेत्।

फीलीप्‍पी 3:3

घन्‍ड हीन् सीन्‍न हज्‍यरङ् धम्‍बे थुगी लम्‍नी को़न्‍ज्‍योक्‍ल धेप्‍प मो़ब झ्‍यीक्‍केन्, कोलीमी रङ्‌स्‍यीनी थो़म्‍बे लेमुल ॱलो ॱमीत् को़ब, ख्रीष्‍ट् येशुगी जेप्‍पे लेगी ङोम्‍ज्‍येत् झ्‍यीक्‍केन् दी हज्‍यरङ् बेत्। हुगो झ्‍यीनी हस्‍सो़त् दीम्‍बरङ्‌गी दक् फोक्‍पे को़न्‍ज्‍योक्‍की मी दी हज्‍यरङ् बेत्।

कलस्‍सी 2:11

खीत्‍रङ् खोङ्‌दङ् मत् ढेब यो़प्‍प हुगो यहुदीगी दक् ज्‍यब डस्‍सी बेत्। ॱनी हीगो लक्‍पे सो़न ज्‍यब मेम्‍ब, कोलीमीगी रङ्‌नङ्‌गी लेमी़ ॱवङ्‌नी ख्रीष्‍ट्‌की खीत्‍रङ् या टेन यो़क्‍केन् बेत्।