रोमी 2:25 - ल्होमी

²⁵ ॱनी यहुदीगी दक् ज्‍यबे लेमु हुगो छ्‌यो़डीम्‍गी क घयेत्‍ल चीगेन् दील हुगो फेङ्‌गेन् बेत्। ॱनी छ्‌यो़डीम्‍गी क घयेत्‍ल ॱमीत् चीगेन् दील हुगो घो ॱमीत् छ्‌यो़त्‍ल डोगेन् बेत्।

रोमी 2:25 Iomraidhean Croise

ठीक्‍नल 7:51

ॱवे खीत्‍रङ् ॱअप्‍स्‍यी़त् मीप्‍पे मी घयेस्‍सो। कगो़त् धम्‍स्‍यक् ॱसम्‍बे दक् दी खीत्‍रङ्‌गी ॱसीम् धङ् आम्‍ज्‍योक्‍ल मत् स्‍युबेत्। पुबु ॱमुमु घयेत् डस्‍सीरङ् खीत्‍रङ् ॱअङ् छीगङ् डल लोङ्‌न धम्‍बे थुगी ले क च्‍यो़क्‍केन् बेत्।

रोमी 2:13

ॱनी यङ् को़न्‍ज्‍योक्‍की ढुङ्‌दु ॱनम्‍बर् धक्‍प दील छ्‌यो़डीम् ॱस्‍यीगो़त् सीक्‍केन् घयेत् मेम्‍ब, छ्‌यो़डीम्‍गी कल चीगेन् घयेत् दी तो़ङ्‌गेन् बेत्।

रोमी 2:23

रङ्‌गी छ्‌यो़डीम् यो़प्‍पे ङोम्‍ज्‍येत् ॱलोङ्‌गेन्, ॱनी छ्‌यो़डीम्‍गी क दील रङ् यङ् ॱमत् चीय, हुन्‍दुक् झ्‍यीन को़न्‍ज्‍योक्‍ल ॱमो़म्‍बी़त् युङ्‌गेङ्‌गी लेमु झ्‍यीक्‍केन् बेत्।

रोमी 2:26

ॱनी दक् मत् ज्‍यबे मी इक् यङ् छ्‌यो़डीम्‍गी क घयेत्‍ल चीगो़त्‍न ॱनी, हुगो दक् ज्‍यबे मीदङ् छ्‌येत्‍मीत्‍ल डोगेन् मेम्‍बेक्‍क ॱनी?

रोमी 2:27

रङ् छ्‌यो़डीम् थोब च्‍येम्‍म, सी़ल दक् ज्‍यबे मी हीन्‍न अक्, दक् मत् ज्‍यबे मी ॱयोङ्‌मागी छ्‌यो़डीम्‍गी क घयेत्‍ल चीगो़त्‍न ॱनी, हुगी रङ्‌ल छ्‌यो़डीम्‍गी कल ॱमत् चीय हीम्‍बे ढीक्‍ल ठीम् च्‍यो़त् छुगेन् बेत्।

रोमी 2:28

ॱनी छ्‌यीनी तेबल थोङ्‌गेन् हुगो यहुदी खुङ्‌देन् मेम्‍बेत्। छ्‌यीनी तेबल सी़ल ॱस्‍यीदागी दक् ज्‍यब हुगो खुङ्‌देङ्‌गी दक् ज्‍यबल मीत् डोगेन् बेत्।

१ कोरीन्‍थी 7:19

दक् ज्‍यप्‍नी, घन्‍ड। मत् ज्‍यप्‍नी, घन्‍ड। हुगो घन्‍ड अक् मेम्‍बेत्। गो़स्‍योल को़न्‍ज्‍योक्‍की छ्‌यो़डीम्‍गी कल चीगेङ्‌गी लेमु हुगो बेत्।

गलाती 6:13

ॱनी दक् ज्‍यक् गोगेन् बेत् सीक्‍केन् हुबे हीगी क हीलरङ् चीनी, छ्‌यो़डीम्‍गी क ॱयोङ्‌म घयेत्‍ल हुबे ॱमीत् चीगेन् बेत्। हुबे दक् ज्‍यक्‍च्‍येगी ले हुगो डुप् छुन, रोरङ्‌सोल तम्‍दो़त् ॱस्‍यो़च्‍च्‍ये ॱनोङ्‌गो़ट्‌टो ॱनो़ब खुर्केन् बेत्।

गलाती 6:15

यहुदीगी दक् हुगो ज्‍यप्‍न अक् बेत्। मत् ज्‍यप्‍न अक् बेत्। हुगी फेन्‍दो घन्‍ड अक् मीत् युङ्‌गेन् बेत्। फेन् थोस्‍योल हज्‍यरङ्‌ल ॱसीम् ॱसम्‍ब छ्‌यादु ची़प्‍प हुगो बेत्।