रोमी 2:1 - ल्होमी1 रङ् मी ॱसु हीन्न अक्, ॱयोङ्मे गोल थो़न्न च्यो़न्स्यो़त् तो़ङ्गुक्क हुगो रङ्गी रङ्ल ठीम् च्येत्न छ्येप्प फोक्तु ची़क्केल्ल डोगेन् बेत्। घन्ड हीन् सीन्न हुगी झ्यीब डस्सीगी ले रङ्गी इक् झ्यीक्केन् बेत्। रङ्गी हुगो फी़ ॱमीत् छुगेन् बेत्। Faic an caibideil |
रोमी 2:1
20 Iomraidhean Croise
खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। तो़न्न ॱनी, खीत्रङ्ल को़न्ज्योक्की ठीम् च्येत्न छ्येप्प को़गेन् बेत्। खीत्रङ्गी ॱयोङ्ल छ्येप्प ॱमत् को़ज्यीत्। केन ॱनी, को़न्ज्योक्की खीत्रङ्ल आक् छ्येप्प को़गेन् बेत्। खीत्रङ्ल ॱयोङ्गी ङीब झ्यीज्युङ्न, हुगो धक्तु ची़च्च्यीत्। हुनी क को़न्ज्योक्की इक् खीत्रङ्गी ङीब धक्तु ची़क्केन् बेत्।
को़न्ज्योक्की ढुङ्दु ज्यी़त् ॱयोङ्म घयेत्ले ङीत् यहुदीगी ज्यी़त् ढक्पा यो़प्प बेक्कक् ॱनी? हीगी ढीक्ल ङीत् घन्डे लेन् ॱलोक्केन्? ढक्पा ॱस्युली मेम्बेत्। मी छङ्म थम्ज्येत् यहुदीरङ् हीन्, ज्यी़त् ॱयोङ्गी मीरङ् हीन्न अक्, कुरीक् दीक्पे होक्ल ॱस्योर्न यो़प्प ङे ॱस्येत् छरेन्।
चोव ज्यीन्दक् झ्यो़न् झ्यो़न् थुक्ल खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। हुगी यङ्ल मेन्नक्ल केत्मीत्ल झ्यीब घयेत् चोव ज्यीन्दक्की मेङ्गल तो़ङ्गेन् बेत्। मी ॱसीम्बे यीक्ल यो़प्पे केच्च्य घयेत् ॱह घोवल तो़ङ्गेन् बेत्। हुनी मी रीदङ् रील ओ़बे तो़प्प को़न्ज्योक्की ॱनङ्गेन् बेत्।
खीत्रङ् पी़न्ज्या नङ्दु फालप् लप्री ॱमत् ची। पी़न् ॱयोङ्गी गोल थो़न्न फालप् लप्न च्यो़न्स्यो़त् तो़ङ्गेन् दीगी छ्यो़डीम्ल स्येन्दोङ् झ्यीन ड झ्यीबल डोगेन् बेत्। रङ्गी हुन्दुक् झ्यीन ॱनी, रङ् छ्यो़डीम्ल चीगेङ्गी मी मेम्ब, रङ् छ्यो़डीम्गी गोल थो़न्न ठीम् च्यो़क्केल्ल डोगेन् बेत्।
Sanasan