रोमी 16:9 - ल्होमी

⁹ ख्रीष्‍ट्‌की ले झ्‍यीक्‍केन् ङे छ्‌यीट्‌टो उर्बानस् धङ् ङे झ्‍यम्‍बे दगु इस्‍ताकीस्‍ल ङे छ्‌यक्‍सुम् थेमु यो़दो।

रोमी 16:9 Iomraidhean Croise

रोमी 16:21

ङे ले च्‍यीक्‍की छ्‌यीट्‌टो तीमोथीगी खीत्‍रङ् घयेत्‍ल छ्‌यक्‍सुम् थेमु सीगुगो। ॱनी ङीक्‍की ज्‍यी़क्‍की मी लुसीयस्, यासोन् धङ् सोसीपेटर्की इक् खीत्‍रङ् घयेत्‍ल छ्‌यक्‍सुम् थेमु सीगुगो।

रोमी 16:7

एल्‍ला ङदङ् दल चो़ल्‍ल देप्‍पे दगु ङीक्‍की ज्‍यी़त् च्‍यीक्‍की मी एन्‍डोनीकस् धङ् युनीयस्‍ल ङे छ्‌यक्‍सुम् थेमु यो़दो। हुब ॱङीबु ङले एल्‍ला ख्रीष्‍ट् ङो़ल युङ्‌न ठीक्‍नल घयेक्‍की इक् हुब ॱङीबु गङ्‌ज्‍येन् हीम्‍ब ॱसम्‍न यो़क्‍केन् बेत्।

रोमी 16:8

चोव ज्‍यीन्‍दक्‍तङ् मत् ढेब यो़क्‍केन्, ङे झ्‍यम्‍बे दगु एम्‍पीलीयातस्‍ल ङे छ्‌यक्‍सुम् थेमु यो़दो।

रोमी 8:11

येशु ढोङ्‌नरनी ॱसोम्‍बुल ॱलोङ्‌गेन् दी को़न्‍ज्‍योक् बेत्। ॱनी खोङ्‌गी थु दी खीत्‍रङ्‌गी ॱसीम्‍बे नङ्‌ल यो़त्‍न ॱनी, ख्रीष्‍ट् ॱसोम्‍बुल ॱलोङ्‌गेन्, खीत्‍रङ्‌गी ॱसीम्‍बे नङ्‌ल यो़क्‍केन् खोङ्‌गी थु दीगी खीत्‍रङ्‌गी ॱस्‍यी डोगेङ्‌गी सी़बु दी इक् ॱसोम्‍बुल सोगेन् बेत्।

२ कोरीन्‍थी 12:2

हीगी केच्‍च्‍य हीगो झ्‍युङ्‌नी, लोङ च्‍युप्‍स्‍यी ॱसोङ्। हुगी यङ्‌ल ङे ङु ॱस्‍यीगेन् ख्रीष्‍ट्‌तङ् मत् ढेबे मी च्‍यीक् इगी तेङ् यी़ल थोक्‍क ॱसुम्‍बल ठीक्‍च्‍युङ्। ॱनी हुगी यङ्‌ल ङ सी़ दी इक् डक्‍च्‍यक् ॱलीब हीम्‍ब न मेम्‍ब हुगो ङल ॱस्‍यो़च्‍च्‍ये गन्‍दीक्‍म मीत्। को़न्‍ज्‍योक्‍ल ॱस्‍यो़च्‍च्‍ये यो़क्‍केन् बेत्।

२ कोरीन्‍थी 5:17

मी ॱसु ख्रीष्‍ट्‌तङ् मत् ढेब दो़क्‍कुक्‍क हुगो मी ॱसम्‍ब छ्‌यादु ची़प्‍प डस्‍सी बेत्। हुगी ॱएम्‍मागी मी ॱङीङ्‌ब दी येन खुर्नी हुगो ॱसम्‍बल झ्‍युङ्‌न युङ्‌गेन् बेत्।

गलाती 1:22

ॱनी हुगी यङ्‌ल यहुदीयान यो़क्‍केन्, ख्रीष्‍ट्‌की छ्‌यो़ छो घयेक्‍की मीस्‍सीर् घयेत् दीबे हीजो़त् थुक्‍ल ङे ङोरी थोङ् ॱमत् ॱनोङ बेत्।

फीलीप्‍पी 2:25

हज्‍यरङ्‌गी पी़न्‍ज्‍या ङे ले च्‍यीक्‍की छ्‌यीट्‌टो, छ्‌य च्‍यीक्‍की ॱमक्‍मी डस्‍सीगी छ्‌यीट्‌टो इपाफ्रोडीटस् ङल स्‍यप्‍च्‍यी़ ज्‍युक्‍केङ्‌गी दगु गो़ब दील खीत्‍रङ्‌गी छप्‍पुल गोत्‍त तङ्‌ज्‍युङ्। ॱनी हुन्‍दो यङ् खीत्‍रङ् च्‍याल ॱलोक्‍न तोङ् गोयेत् ॱनो़ब यो़त्।