रोमी 15:3 - ल्होमी

³ ख्रीष्‍ट्‌की इक् रोरङ् गुवे ले मत् झ्‍येब बेत्। हील डीक्‍केङ्‌गी केच्‍च्‍य ॱसुङ्‌रप्‍ल ढीन यो़क्‍केन् बेत्। को़न्‍ज्‍योक् नीज्‍यरङ्‌ल ॱमो़म्‍बी़त् तङ दी ङल फोक्‍च्‍युङ्। (ॱसुङ्‌रप्‍की गुल्‍लु ६९:९)

रोमी 15:3 Iomraidhean Croise

मत्‍ती 10:25

हीगो झ्‍यीनी ॱलोप्‍टुक्‍ल चयेलमजो़त् झ्‍युङल धङ् ॱयोक्‍पुल ज्‍यीन्‍दक्‍चो़त् झ्‍युङ्‌न युङल ॱलो दीय झ्‍यीज्‍यीत्। ढोङ्‌बे दक्‍पुल त मी ॱयोङ्‌मागी बाल्‍जीबुल् सीक्‍केल्‍ल ॱनी हुगी मीजङ्‌ल ॱसुम्‍ब हुले दुक्‍पा सीक्‍केन् बेत्।

मत्‍ती 26:39

खोङ् रोरङ् फच्‍चो़त् च्‍यीक्‍ल फीम्‍ब बेत्। ॱनी हुदु खेबुक्‍ल ॱसल नान हीन्‍दुक् सीन्‍न ॱसुव तब बेत्। ङे पब, झ्‍युङ्‌न, दुक्‍स्‍यी च्‍येम्‍मे फोप्‍प हीनी थुङ् मीत् गो़ब, या टो़रो झ्‍यी। ॱनी म दी ङे ॱनो़ब मेम्‍ब, नीज्‍यरङ्‌गी थुल यो़प्‍प दी युङ्‌ज्‍ये यो़प्‍प तोङ् सीन्‍न झ्‍यीब बेत्।

मत्‍ती 26:42

हुनी फीच्‍च्‍य यङ् खोङ् फच्‍चो़त् च्‍यीक् फीन्‍न हीन्‍दुक् सीन्‍न ॱसुव तब बेत्। ङे पब हीगी फोप्‍प हीनी ङे ॱमत् थुङल मीत् युङ्‌गो़त्‍न ॱनी, नीज्‍यरङ्‌गी थुल यो़प्‍प दीरङ् युङ्‌ज्‍ये यो़प्‍प तोङ् सीन्‍न झ्‍यीब बेत्।

मत्‍ती 27:44

ॱनी खोङ्‌दङ् दल कुरुस्‍ल ताबे झ्‍यक्‍पा ॱङीबु दीगी इक् हुन्‍दुक् दीरङ् झ्‍यीन खोङ्‌ल ॱङीन्‍जीन् ज्‍यब बेत्।

युहन्‍ना 15:10

ङे यप्‍की क घयेत्‍ल ङे चीन ङ खोङ्‌गी ॱङीङ्‌दु ॱस्‍योङ झ्‍यीन युङेन्। ॱनी हीगो डस्‍सी खीत्‍रङ् ॱअङ् ङे क घयेत्‍ल चीन युङ्‌न ॱनी, ङे ॱङीङ्‌दु ॱस्‍योङ युङ्‌गेन् बेत्।

युहन्‍ना 15:24

हुब घयेक्‍की घुङ्‌दु मी ॱसी़ इक् नम्‍ल अक् मत् झ्‍यीबे ले ङे गज्‍येन् झ्‍यीन तो़म्‍बेन्। हीगो ॱमत् तो़म्‍ब हीन्‍न, हुबल घन्‍डे दीक्‍पे ङीब युङ ॱनी? हुबे ङे झ्‍यीबे ले घयेत् थोङ्‌न आक्, ङ धङ् ङे यप्‍ल ॱङीङ्‌मदुक् झ्‍ये झ्‍येब दो़क्‍केन् बेत्।

युहन्‍ना 4:34

ॱनी येशुगी हुबल ङे सम दी ङ तोङ्‌गेङ्‌गी थुल यो़प्‍पल नेन्‍न डुब झ्‍यीन ॱनी, हुगो बेत्।

युहन्‍ना 5:30

ङे ङरङ् च्‍यीक्‍पी़ घन्‍ड अक् मीत् झ्‍यीप्‍प यो़त्। यप्‍की घङ् ॱङाबल तेन ङे ठीम् च्‍यो़क्‍को़त्। हीगो ङे ङरङ्‌गी रङ्‌स्‍यीगी मेम्‍ब, ङ तोङ्‌गेङ्‌गी थुल डीक्‍पे ठीम् च्‍यो़क्‍केन् झ्‍यीनी, हीगो ढङ्‌बु युङ्‌गेन् बेत्।

युहन्‍ना 6:38

घन्‍ड हीन् सीन्‍न ङ ङरङ्‌गी ॱनो़बे ले झ्‍यीत्‍तु युङ मेम्‍ब, ङ तोङ्‌गेङ्‌गी थुल यो़प्‍प घयेत् डुप्‍तु तेङ् यी़नी मल्‍ल युङेन्।

युहन्‍ना 8:29

ङ तोङ्‌गेन् खोङ् ङदङ् दल यो़क्‍केन् बेत्। ङे छीगङ् खोङ् गुवे ले झ्‍यीक्‍केन् झ्‍यीनी, खोङ्‌गी ङ च्‍यीगी च्‍यीक्‍पु मीत् स्‍योक्‍केन् बेत् झ्‍यीब बेत्।

२ कोरीन्‍थी 8:9

हज्‍यरङ्‌गी चोव ज्‍यीन्‍दक् येशु ख्रीष्‍ट्‌की थुज्‍यी खीत्‍रङ्‌ल ॱस्‍यो़च्‍च्‍ये यो़ट्‌टो। खोङ् एल्‍ला छ्‌युक्‍पु हीन्‍ज्‍यङ्, यङ् टङ्‌बुल झ्‍युङ्‌न युङ बेत्। हुन्‍दुक् झ्‍यीन खोङ् टङ्‌बुल झ्‍युङ्‌न युङे लम्‍नी खीत्‍रङ् छ्‌युक्‍पुल सो़ब बेत्।

फीलीप्‍पी 2:5

ख्रीष्‍ट् येशुगी थुदङ् छ्‌येत्‍मीत् खीत्‍रङ्‌गी ॱसीम् दी इक् युङ् गोगेन् बेत्।

फीलीप्‍पी 2:8

हुन्‍दुक् झ्‍यीन खोङ् मादु भप्‍न युङ्‌न कुरुस्‍ल ढोङ् ढोङ् थुक्‍ल को़न्‍ज्‍योक्‍की क धङ् धम्‍ल चीन युङ बेत्।