रोमी 13:8 - ल्होमी

⁸ खीत्‍रङ् नङ्‌जोदु झ्‍यम्‍ब झ्‍यीत् गोगेङ्‌गी लेमु हुगो मेन्‍द, खीत्‍रङ् ॱसुल आक् भुलीन् मीप्‍प युङ झ्‍यीज्‍यीत्। मी ॱयोङ्‌ल झ्‍यम्‍ब झ्‍यीक्‍केन् हुगी छ्‌यो़डीम्‍गी क छङ्‌मल चीगेन् हीम्‍बल डोगेन् बेत्।

रोमी 13:8 Iomraidhean Croise

मत्‍ती 7:12

ॱनी खीत्‍रङ्‌गी ॱसीम्‍बे ॱयोङ् च्‍यानी घन्‍दुक् झ्‍यीबे रीगो झ्‍यीक्‍को़दङ् हुगो डस्‍सी ॱयोङ्‌मल आक् खीत्‍रङ्‌गी झ्‍यीत् गोगेन् बेत्। छ्‌यो़डीम्‍ल धङ् कलुङ् ॱस्‍यो़क्‍केन् घयेक्‍की ढीबे ॱसुङ्‌रप्‍ल ओ़ब डीक्‍पे क दी हीगो बेत्।

युहन्‍ना 13:34

खीत्‍रङ् नङ्‌दु च्‍यीक्‍तङ् च्‍यीक्‍ल झ्‍यम्‍ब झ्‍यीच्‍च्‍येगी ढीक्‍ल क ॱसम्‍ब च्‍यीक् टो़क्‍केन्। हीगो खीत्‍रङ्‌ल ङे झ्‍यम्‍ब झ्‍यीब डस्‍सी खीत्‍रङ् नङ्‌दु उक् च्‍यीक्‍तङ् च्‍यीक्‍ल झ्‍यम्‍ब झ्‍यीज्‍यीत्।

रोमी 13:10

झ्‍यम्‍ब झ्‍यीक्‍केङ्‌गी मी रोरङ्‌गी लोल यो़क्‍केङ्‌गी मी ॱसुल आक् ॱनो़त् च्‍यो़गेङ्‌गी ले घन्‍ड अक् मीत् झ्‍यीक्‍केन् बेत्। हीगो झ्‍यीनी झ्‍यम्‍ब झ्‍यीक्‍केङ्‌गी ले हुगो छ्‌यो़डीम्‍गी क छङ्‌मल चीगेन् हीम्‍बल डोगेन् बेत्।

रोमी 13:7

ॱसु ॱसुल टो़त् गोगुक्‍क हुल टो़च्‍च्‍यीत्। ॱसुल ठेम जप्‍च्‍येम दुक्‍क हुल जोप्‍च्‍यीत्। ॱसुल गोल जप्‍च्‍येम दुक्‍क हुल जोप्‍च्‍यीत्। ॱसुल ज्‍यी गोगेन् बेक्‍क हुल ज्‍यीब झ्‍यीज्‍यीत्। ॱसुल तो़प्‍प झ्‍यीत् गोगेन् बेक्‍क हुल तो़प्‍प झ्‍यीज्‍यीत्।

गलाती 5:14

छ्‌यो़डीम्‍गी क घयेत् दी़न, हुगी चव दी हीगोल डोगेन् बेत्। रङ्‌गी लोल यो़क्‍केङ्‌गी मील रङ्‌गी रङ् डस्‍सीरङ् ॱसम्‍न झ्‍यम्‍ब झ्‍यीज्‍यीत्। (लेवी १९:१८)

कलस्‍सी 3:14

ॱनी गो़स्‍योल च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्। ॱनी झ्‍यम्‍बे लम्‍नी खीत्‍रङ् छ्‌यम्‍न ॱसीम् च्‍यीक् ली़ च्‍यीक् युङ्‌गेन् बेत्।

१ तीमोथी 1:5

ङीक्‍की ॱलोप्‍स हीगो म दी हुब घयेक्‍की ॱसीम् दी चङ्‌म खुर्न ॱनोङ् मीत् युङे लेमु झ्‍यीन ॱसीम्‍बे यीक्‍नी छ्‌य स्‍यक्‍न युङे लम्‍नी झ्‍यम्‍ब झ्‍यीत्‍री ची छुज्‍ये यो़प्‍पे ढीक्‍ल सीन्‍न हीन्।

याकुब् 2:8

ॱसुङ्‌रप्‍ल थो़ङ्‌गेन् बेत्। रङ्‌गी लोल यो़क्‍केङ्‌गी मील रङ्‌गी रङ् डस्‍सीरङ् ॱसम्‍न झ्‍यम्‍ब झ्‍यीज्‍यीत् सीक्‍केङ्‌गी क ज्‍यीक्‍स्‍यो हीगोल खीत्‍रङ्‌गी गन्‍दीक्‍म चीन युङ्‌न ॱनी, खीत्‍रङ् गङ्‌ज्‍येल्‍ल थो़ङ्‌गेन् बेगो। (लेवी १९:१८)

१ युहन्‍ना 3:10

को़न्‍ज्‍योक् गुव ढङ्‌बु मीत् झ्‍यीक्‍केन् धङ् पी़न्‍ज्‍या नङ्‌दु झ्‍यम्‍ब मीत् झ्‍यीक्‍केन् ॱसु हीन्‍न अक्, हुगो को़न्‍ज्‍योक् ङो़गी मी मेम्‍बेत्। ॱनी को़न्‍ज्‍योक् ङो़गी भीज हीन् धङ् दी़क्‍की चो ङो़गी भीज हीन् दी हुनी ॱयुव पीक् छुगेन् बेत्।