रोमी 12:9 - ल्होमी

⁹ झ्‍यम्‍ब ॱसीम्‍बे यीक्‍नी झ्‍यीत् गोगेन् बेत्। ङेम्‍बे ढङ्‌ल स्‍यीलोक्‍प झ्‍यीज्‍यीत्। गागी ढङ् ङो़ल ॱसीम्‍ब तोङ्‌ज्‍यीत्।

रोमी 12:9 Iomraidhean Croise

मत्‍ती 26:49

ॱनी हुगी यहुदा दी थो़न्‍न युङ्‌न स्‍युङ्‌ज्‍योङ् खोङ् च्‍याल फीन्‍न खोङ्‌ल रब्‍बी नीज्‍यरङ्‌ल दीव युङ स्‍योक् सीन्‍न च्‍युप् झ्‍यीब बेत्।

युहन्‍ना 12:6

हुगी टङ्‌बुल फेम्‍बे तम् लब मेम्‍ब, हुगो की़न्‍ज्‍येन् झ्‍यीनी, हीगो लब बेत्। घन्‍ड हीन् सीन्‍न हुगी ङीत् कङ्‌ज्‍यीक्‍पे पयीसक्‍की बेक् दी हुगी खुर्नी, हुगी हुनी अच्‍च्‍येत् री कुगो़प्‍प बेत्।

ठीक्‍नल 11:23

ॱनी बार्नाबास् एन्‍टीयोक्‍ल ॱलीत्‍न हुदु गन्‍दीय को़न्‍ज्‍योक्‍की थुज्‍यी ॱनङ थोङ्‌नी, हुगो गेस लङ्‌न हुब घयेत्‍ल खीत्‍रङ् घयेत् ॱसीम्‍बे यीक्‍नी चोव ज्‍यीन्‍दक्‍ल छ्‌य तेम्‍बोक्‍म स्‍यक्‍न दो़च्‍च्‍यीत् सीन्‍न ॱलोप्‍स्‍यीक् टेप्‍प बेत्।

२ कोरीन्‍थी 6:6

ॱसीम् चङ्‌म खुरल, धो़न् ॱस्‍यीबल, ङङ्‌रीन् झ्‍यीप्‍पल, गये ले झ्‍यीप्‍पल, धम्‍बे थुदङ् मत् ढेब युङल, ॱसीम्‍बे यीक्‍नी युङ् गोगेङ्‌गी झ्‍यम्‍बल,

२ कोरीन्‍थी 8:8

ॱनी हीगो म दी झ्‍यीत् गोज्‍येन् हीन् सीन्‍न ङे खक्‍को़ तोङ्‌गेन् मेन्। खीत्‍रङ्‌गी झ्‍यम्‍ब दी ॱङो़न्‍ने हीन् धङ् मेन् छो़त् तज्‍येगी ढीक्‍ल मासीडोनीयागी लुङ्‌बे छ्‌यो़ छो घयेत्‍न यो़प्‍पे धेप्‍प मो़बे पी दी तो़म्‍बेन्।

१ थीस्‍सलोनीका 2:3

खीत्‍रङ्‌ल ङीक्‍की ॱस्‍येप्‍पे केच्‍च्‍य हुगो ॱयोज्‍यी़ ठम्‍ज्‍यी़गी केच्‍च्‍य मेन्। ॱसीम् चङ्‌ज्‍ये मीप्‍प खुर्न ॱस्‍येप्‍प आक् मेन्। गो़गोर् तोङ्‌गेङ्‌गी केच्‍च्‍य आक् मेन्।

१ थीस्‍सलोनीका 5:15

ॱनी खीत्‍रङ्‌गी ॱसुल आक् ङेल्‍लेन् ॱमत् च्‍यो़ब, मी छ्‌यीनङ्‌मीत् कुरीक्‍ल छीगङ् गय झ्‍यीच्‍च्‍ये ॱनो़बे ॱसीम्‍ब खुर्च्‍यीत्।

१ थीस्‍सलोनीका 5:21

कुरीक् घन्‍डल अक् नम् च्‍येत्‍न तेन गागी ढङ् घयेत् दी च्‍यग झ्‍यीज्‍यीत्।

१ तीमोथी 1:5

ङीक्‍की ॱलोप्‍स हीगो म दी हुब घयेक्‍की ॱसीम् दी चङ्‌म खुर्न ॱनोङ् मीत् युङे लेमु झ्‍यीन ॱसीम्‍बे यीक्‍नी छ्‌य स्‍यक्‍न युङे लम्‍नी झ्‍यम्‍ब झ्‍यीत्‍री ची छुज्‍ये यो़प्‍पे ढीक्‍ल सीन्‍न हीन्।

हीब्रु 1:9

ढङ्‌बी़ लेल नीज्‍यरङ् गस्‍सी छोर्न युङ बेत्। ॱनी छ्‌यो़डीम्‍ल ङीबे लेल मक्‍का लङ बेत्। हुगो झ्‍यीनी नीज्‍यरङ्‌गी को़न्‍ज्‍योक्‍की नीज्‍यरङ्‌ल गवे ॱनुम् ॱही़न्‍न ॱयोङ्‌म घयेत्‍ले नीज्‍यरङ् छ्‌यीस्‍स्‍योल को़न स्‍यक्‍न यो़क्‍केन् बेत्। (ॱसुङ्‌रप्‍की गुल्‍लु ४५:६-७)

हीब्रु 12:14

खीत्‍रङ् मी छङ्‌म थम्‍ज्‍येत्‍तङ् छ्‌यम्‍ब डीक्‍प झ्‍यीन दो़त् छुज्‍ये यो़प्‍प धङ् खीत्‍रङ्‌गी मीजीगी छ्‌यलुल धक्‍पर् युङ् छुब झ्‍यीज्‍यीत्। धक्‍पर् मत् युङे मी ॱसी़ इक् चोव ज्‍यीन्‍दक् ज्‍या ॱमीत् छुगेन् बेत्।

याकुब् 3:17

ॱनी तेङ् यी़नी मल्‍ल युङे झ्‍यी़रीक् दी ॱएन्‍स्‍युक्‍ल हुगो चङ्‌म, हुनी थी़म्‍बोक्‍म, हुनी घी़न् थेक्‍पोक्‍म, थी़न्‍डीक्, ॱङीङ्‌ज्‍यी छ्‌यीम्‍मु च्‍येम्‍म, गये डेबु च्‍येम्‍म, दम्‍ङीत् मीत् झ्‍यीक्‍केन् धङ् ॱसीम् सङ्‌बु च्‍येम्‍म युङ्‌गेन् बेत्।

१ पत्रुस् 1:22

खीत्‍रङ् पी़न्‍ज्‍या नङ्‌जोदु धक्‍तेङ्‌गी झ्‍यम्‍ब युङे ढीक्‍ल खीत्‍रङ् दीम्‍बे कल चीन युङ्‌नी, खीत्‍रङ्‌गी ॱसीम् दी चङ्‌मल ॱसोङ्‌न यो़क्‍केन् बेत्। हुगो झ्‍यीनी खीत्‍रङ् ॱसीम् चङ्‌म खुर्न च्‍यीक्‍तङ् च्‍यीक्‍ल ॱसीम्‍बे यीक्‍नी झ्‍यम्‍ब झ्‍यीज्‍यीत्।

१ पत्रुस् 4:8

ॱनी गो़स्‍योल खीत्‍रङ् नङ्‌जोदु च्‍यीक्‍तङ् च्‍यीक्‍ल ॱसीम्‍बे यीक्‍नी झ्‍यम्‍ब झ्‍यीत् गोगेन् बेत्। झ्‍यम्‍ब झ्‍युङ्‌न ॱनी, घन्‍दुक्‍मे दीक्‍परङ् यो़त्‍न अक्, हुगो ये डोगेन् बेत्।