रोमी 12:6 - ल्होमी

⁶ हज्‍यरङ् रीदङ् रील को़न्‍ज्‍योक्‍की थुज्‍यी ॱनङल पीब थुज्‍यीगी कबप् दी हज्‍यरङ्‌ल रङ्‌स रङ्‌स युङ्‌गेन् बेत्। कलुङ् ॱस्‍यो़क्‍केङ्‌गी कबप् यो़प्‍प च्‍येम्‍मे रोरङ्‌गी छ्‌य स्‍यक्‍न ॱलो केन युङल डीक्‍पे छ्‌यक्‍चो़त् च्‍यीक्‍रङ् ॱस्‍यो़च्‍च्‍यीत्।

रोमी 12:6 Iomraidhean Croise

मत्‍ती 23:34

खीत्‍रङ् घयेत् च्‍याल कलुङ् ॱस्‍यो़क्‍केन्, झ्‍यी़रीक् खेबा धङ् चयेलम घयेत् ङे तोङ्‌गो़त्। ॱनी हुब घयेत् खीत्‍रङ्‌गी यरी ॱसो़क्‍केन् बेत्। यरी कुरुस्‍ल तान ॱसो़क्‍केन् बेत्। यरील छ्‌यो़गी छोगङ्‌गी नङ्‌दु डेङ्‌ज्‍यक् बेङ्‌गेन् बेत्। यरी यङ् सार् सार्नी रीदीक् ज्‍यप्‍न दीक्‍केन् बेत्।

मत्‍ती 25:22

ॱनी टलेन्‍ट् ॱङी थोब दीगी इक् ज्‍यीन्‍दक् दील टलेन्‍ट् स्‍यी तो़न्‍न, नीज्‍यरङ्‌गी ङल टलेन्‍ट् ॱङी टेत्‍न स्‍यक्‍च्‍युङ्। ङे हुगो टलेन्‍ट् स्‍यील फीदु ची़प्‍पेन्। हीगो लीर्रो झ्‍यी सीन्‍न टेप्‍प बेत्।

लुका 11:49

हीगी ढीक्‍ल को़न्‍ज्‍योक्‍की झ्‍यी़रीक्‍की केच्‍च्‍य च्‍यीक् थो़ङ्‌गेन् बेत्। ङ हुब घयेत् च्‍याल कलुङ् ॱस्‍यो़क्‍केन् धङ् ठीक्‍नल घयेत् को़न तोङ्‌गेन्। ॱनी हुगो यरी हुबे ॱसेत् तोङ्‌गेन् बेत्। यरीबल दुक्‍प अयेक्‍प तोङ्‌गेन् बेत् सीर थो़ङ्‌गेन् बेत्।

ठीक्‍नल 13:1

एन्‍टीयोक्‍की छ्‌यो़ छोदु कलुङ् ॱस्‍यो़क्‍केन् धङ् चयेलम घयेत् यो़प्‍प बेत्। हुबे मीङ् दील च्‍यीक्‍ल बार्नाबास्, च्‍यीक्‍ल शीमीयोन् नक्‍पु सीक्‍केन्, च्‍यीक्‍ल सैरेनीगी लुङ्‌बे मी लुसीयस्, च्‍यीक् पो़न् हेरोद्‌गी एल्‍लागी छ्‌यीट्‌टो मनेन् धङ् च्‍यीक् शावल् झ्‍यीनी मीरङ् ॱङ यो़प्‍प बेत्।

ठीक्‍नल 15:32

ॱनी यहुदा धङ् सीलास् हुब अक् को़न्‍ज्‍योक्‍की कलुङ् ॱस्‍यो़क्‍केङ्‌गी मी झ्‍यीनी, हुबे हुगी पी़न्‍ज्‍या घयेत्‍ल छ्‌य डम्‍दु युङ्‌ज्‍येल ॱलोप्‍स्‍यीक् युङे तम् गज्‍येन् ॱस्‍येप्‍प बेत्।

ठीक्‍नल 2:17

को़न्‍ज्‍योक्‍की ॱसुङल स्‍युक् थमे धी़ल कोलीमी घयेत्‍ल ङे धम्‍बे थु इगीनी मल्‍ल योन टो़क्‍केन्। हुनी खीत्‍रङ्‌गी भु भुमु घयेक्‍की कलुङ् ॱस्‍यो़क्‍केन् बेत्। मी स्‍यो़म्‍ब घयेक्‍की थोङ्‌नङ् थोङ्‌गेन् बेत्। गेम्‍बा घयेत्‍ल ॱङीनम्‍ल तो़ङ्‌गेन् बेत्।

ठीक्‍नल 21:9

ॱनी फीलीप्‍ल कलुङ् ॱस्‍यो़त् छुबे कबप् थोबे भुमु नज्‍युङ्‌म स्‍यी यो़प्‍प बेत्।

रोमी 1:11

खीत्‍रङ् डम्‍बोक्‍म युङ्‌ज्‍ये यो़प्‍पल धम्‍बे थुगी कबप् टो़त्‍तु सीन्‍न ङ खीत्‍रङ् च्‍याल युङ्‌गीन् थेस्‍सी झ्‍युङ्।

रोमी 12:3

ङल ॱनङे को़न्‍ज्‍योक्‍की थुज्‍यीगी लम्‍नी खीत्‍रङ् रीदङ् रील ङ हीगो सीक्‍केनो। खीत्‍रङ् ॱसोस्‍सोरङ् घन्‍दुक् झ्‍यीबे मी यो़दङ् उजो़त् च्‍यीक् मेन्‍द, हुले ज्‍यीक्‍पा ॱमत् ॱसम्‍ज्‍यीत्। मी ॱसोस्‍सोरङ्‌ल को़न्‍ज्‍योक्‍की ॱनङे छ्‌य स्‍यक्‍पे डेबु दील डीक्‍प मेन्‍द, हुले ज्‍यीक्‍पा ॱमत् ॱसम्‍ज्‍यीत्।

१ कोरीन्‍थी 12:18

हुन्‍दुक् मेम्‍ब, सी़गी यल्‍लक् घयेत्‍ल को़न्‍ज्‍योक्‍की थुल ॱनो़बल रङ् रङ् ॱसोस्‍सोल ले को़न स्‍यक्‍न यो़क्‍केन् बेत्।

१ कोरीन्‍थी 13:2

ङल कलुङ् ॱस्‍यो़त् छुबे कबप्‍रङ् यो़त्, यङ् ॱङीङ्‌बी़ धो़न् घयेत् ॱस्‍यो़च्‍च्‍येरङ् यो़त्, यङ् छङ्‌म थम्‍ज्‍येत् ॱस्‍यीगेर्रङ् हीन्, यङ् लदोक्‍रङ् डुन पुर् छुगेङ्‌गी छ्‌य स्‍योक् छुगेन् यो़त्‍न अक्, ङल झ्‍यम्‍ब दी मीत्‍न ॱनी, ङ घन्‍ड अक् मेम्‍बेत्।

१ कोरीन्‍थी 14:1

झ्‍यम्‍ब झ्‍यीच्‍च्‍ये ॱनो़बे ॱसीम्‍ब खुर्च्‍यीत्। धम्‍बे थुगी कबप् घयेत् ॱसीम्‍बे यीक्‍नी लीन्‍ज्‍ये ॱनो़बे ॱसीम् खुर्च्‍यीत्। ॱनी हरुङ् मङ्‌स्‍योल कलुङ् ॱस्‍यो़त् छुबे कबप् लीन्‍ज्‍ये ॱनो़बे ॱसीम् खुर्च्‍यीत्।

१ कोरीन्‍थी 14:24

ॱनी हुगो मेम्‍ब, कुरीक्‍की कलुङ् ॱस्‍येत्‍न ॱनी, उन छ्‌य मीत् स्‍योक्‍केङ्‌गी मी धङ् ॱस्‍यो़च्‍च्‍ये मीप्‍पे मी युङ्‌न यो़त्‍न ॱनी, कलुङ् ॱस्‍येप्‍पे केच्‍च्‍य घयेत् दीगी हुगी ॱसीम्‍ल रोरङ्‌ल छ्‌येप्‍प फोक्‍कुक् ॱनो़न दीक्‍च्‍येन् हीम्‍ब छोर्तु ची़क्‍केन् बेत्।

१ कोरीन्‍थी 14:29

ॱनी कलुङ् ॱस्‍यो़क्‍केन् घयेक्‍की मीरङ् ॱङीजो़त् ॱसुम्‍जो़त् च्‍यीक्‍कीरङ् ॱस्‍यो़च्‍च्‍यीत्। ॱनी ॱयोङ्‌म घयेत् दीबे हुल नम् च्‍येत्‍न तो़ज्‍यीत्।

१ कोरीन्‍थी 3:5

अपोल्‍लोस् घन्‍ड बेक्‍क? पावल् घन्‍ड बेक्‍क? ङीत् चोव ज्‍यीन्‍दक्‍की ॱनङे ले रीदङ् री झ्‍यीक्‍केर्रङ् हीन्। ङीत् च्‍येन्‍नी क खीत्‍रङ् छ्‌य स्‍योक्‍केल्‍ल झ्‍युङ बेत्। ङीत् हुन्‍दुक् झ्‍यीक्‍केन् को़न्‍ज्‍योक्‍की ॱयोक्‍पुरङ् क हीन्।

१ कोरीन्‍थी 7:7

झ्‍युङ्‌न ॱनी, मी कुरीक् ङ डस्‍सी देत्‍न, गा युङेत् ॱनो़गुक्। ॱनी हीन्‍न अक्, मी ॱसोस्‍सोरङ्‌ल को़न्‍ज्‍योक्‍की थुज्‍यीगी कबप् री री ॱनङ्‌न यो़क्‍केन् बेत्।

२ कोरीन्‍थी 8:12

रङ्‌ल घङ् यो़प्‍पल पीब रङ्‌गी ॱसीम्‍नी धेप्‍प मो़बे फो़त्‍न टेप्‍पे लेमुल को़न्‍ज्‍योक् गुगेन् बेत्। ॱनी टो़च्‍च्‍ये मीत्‍न ॱनी, हुल खेरक् मीत् युङ्‌गेन् बेत्।

एफीसस् 3:5

ॱङो़न् धङ्‌बुनी कोलीमी घयेत्‍ल ॱमत् तो़म्‍बे ॱङीङ्‌बु हुगो धी़ धीङ्‌सङ्‌रङ् खोङ्‌गी ठीक्‍नल धङ् कलुङ् ॱस्‍यो़क्‍केन् चङ्‌म घयेत्‍ल धम्‍बे थुगी तो़न्‍न ॱसल्‍तु ची़त्‍न यो़क्‍केन् बेत्।

एफीसस् 4:11

ॱनी खोङ्‌गी यरी ठीक्‍नलल, यरी कलुङ् ॱस्‍यो़क्‍केल्‍ल, यरी केच्‍च्‍य ॱनेम्‍बु ॱस्‍येत्‍न टोम्‍गेल्‍ल, यरी छ्‌यो़ छोगी लुक्‍चीबल धङ् यरी चयेलमल को़न यो़क्‍केन् बेत्।

फीलीप्‍पी 3:15

खीत्‍रङ् उन फी़न्‍सुम् छङ च्‍येम्‍म ॱसु ॱसु यो़दङ् हुबे हीगो डस्‍सीगी ॱसम्‍ल तोङ्‌गो़ट्‌टो। ॱनी यङ् हीगो डस्‍सीगी ॱसम्‍ल ॱमीत् तोङ्‌गेङ्‌गी मील तीङ्‌ला को़न्‍ज्‍योक्‍की तो़न्‍न ॱह घोदु ची़क्‍केन् बेत्।

१ थीस्‍सलोनीका 5:20

कबप् च्‍येम्‍मे कलुङ् ॱस्‍येप्‍पे केच्‍च्‍यल मक्‍का मत् झ्‍यीज्‍यीत्।

२ पत्रुस् 1:20

ॱनी गो़स्‍योल हीगो ॱह घो गो़गेन् बेत्। ॱसुङ्‌रप्‍ल थो़ङ्‌गेन् ॱङो़स्‍स्‍यी घङ्‌गो दी इक् कलुङ् ॱस्‍यो़क्‍केन् हुगी रोरङ् रङ्‌स्‍यीगी धो़न् थोन तो़न्‍न ॱस्‍येप्‍प मेम्‍बेत्।