रोमी 12:5 - ल्होमी

⁵ हुगो डस्‍सी हज्‍यरङ् गज्‍येन् यो़त्‍न अक्, ख्रीष्‍ट्‌तङ् मत् ढेबल हज्‍यरङ् सी़ च्‍यीक् डस्‍सी युङ्‌गेन् बेत्। ॱनी हुगी सी़ हुगी यल्‍लक् घयेत् दी हज्‍यरङ् रीदङ् रील डोगेन् बेत्।

रोमी 12:5 Iomraidhean Croise

युहन्‍ना 17:11

ङ ह जम्‍बुलीङ् हीदु गक् मीत् दो़त्। नीज्‍यरङ् च्‍याल युङ्‌गेन्। हीब हीदु ले डोगेन् बेत्। धक्‍पर् हीम्‍बे पब नीज्‍यरङ्‌गी ङल ॱनङे मी हीबल नीज्‍यरङ्‌गी छेङ्‌गी लम्‍नी छ्‌योप्‍न, हज्‍यरङ् च्‍यीक् हीम्‍ब डस्‍सी हीब घयेत् एत् ॱसीम् च्‍यीक्‍ल युङ्‌ज्‍ये यो़प्‍प जेत्‍रो ॱनङ्।

रोमी 12:4

हज्‍यरङ् रीदङ् रील सी़बु री री यो़क्‍केन् बेत्। ॱनी हुल यल्‍लक् गज्‍येन् यो़क्‍केन् बेत्। ॱनी यल्‍लक् कुरीक्‍की ले दी च्‍यीक्‍प मीत् युङ्‌गेन् बेत्।

१ कोरीन्‍थी 10:17

ढोप्‍ची हुगो च्‍यीगी च्‍यीक् हीम्‍ब डस्‍सी हज्‍यरङ् अङ् गज्‍येन् यो़त्‍न अक्, सी़ च्‍यीक् डस्‍सी बेत्। घन्‍ड हीन् सीन्‍न हज्‍यरङ् कुरीक्‍की ढोप्‍ची च्‍यीगी च्‍यीक्‍नी च्‍यक्‍न गो़न सगेन् बेत्।

१ कोरीन्‍थी 10:33

हुगो डस्‍सी ङे एक् घन्‍ड झ्‍यीत् गो़ झ्‍युङ्‌न अक्, मी कुरीक् गुदु ची़त् छुब झ्‍यीक्‍को़त्। ङे ङरङ्‌गी ढीक्‍ल मेम्‍ब, ॱयोङ्‌मा गज्‍येन् थर्च्‍ये यो़प्‍पल हुबल फेम्‍बे लेमु झ्‍यीत् छुब झ्‍यीक्‍को़त्।

१ कोरीन्‍थी 12:20

सी़ल यल्‍लक् गज्‍येन् युङ्‌गेन् बेत्। ॱनी यो़त्‍न अक्, म सी़ दी च्‍यीगी च्‍यीक्‍रङ् बेत्।

१ कोरीन्‍थी 6:15

खीत्‍रङ्‌गी ॱसोस्‍सोरङ्‌गी सी़ हुगो ख्रीष्‍ट्‌की सी़गी यल्‍लक् हीम्‍ब खीत्‍ल ॱस्‍यो़च्‍च्‍ये मीप्‍प ॱनी? ॱनी ख्रीष्‍ट्‌की यल्‍लक् हीन्‍न ॱनी, खीत् घन्‍दुक् झ्‍यीन छ्‌येमुदङ् च्‍यीक्‍प युङ्‌ज्‍येल डोगेन्? हीगो ॱस्‍युली मीत् युङ्‌गेन् बेत्।

एफीसस् 1:23

ॱनी छ्‌यो़ छो छङ्‌म खोङ्‌गी सी़ बेत्। ॱनी हीगी खोङ् छङ्‌मल सोगेन् बेत्। ॱनी म दी छङ्‌म थम्‍ज्‍येत् छङल सोगेन् दी खोङ् बेत्।

एफीसस् 4:12

ॱनी हीगो छ्‌यो़ छोगी मीस्‍सीर् घयेक्‍की रोरङ्‌सो़ स्‍यप्‍च्‍यी़गी ले दी झ्‍यीत् छुज्‍ये यो़प्‍प धङ् ख्रीष्‍ट्‌की सी़ दी ज्‍यीक्‍तु डोज्‍ये यो़प्‍पे ढीक्‍ल बेत्।

एफीसस् 4:25

हीगो झ्‍यीनी हज्‍यरङ् सी़ च्‍यीक्‍की यल्‍लक् हीम्‍बल झ्‍युङ्‌नी, हज्‍यरङ् घयेक्‍की ॱएलमे ढङ् घयेत् फङ्‌न स्‍यक्‍न नङ्‌जोदु रीदङ् रील दीम्‍बे केच्‍च्‍य लप् गोगेन् बेत्।

एफीसस् 5:23

घन्‍ड हीन् सीन्‍न ख्रीष्‍ट् छ्‌यो़ छोगी गो हीम्‍ब डस्‍सी छ्‌युङ्‌मे गो दी इक् रोरङ्‌गी छ्‌योबु युङ्‌गेन् बेत्। ॱनी ख्रीष्‍ट्‌की सी़, छ्‌यो़ छो हीगी च्‍यप्‍को़न् दी खोङ्‌रङ् बेत्।

एफीसस् 5:30

ॱनी हज्‍यरङ् कुरीक् खोङ्‌गी सी़गी यल्‍लक् बेत्।

कलस्‍सी 1:24

खीत्‍रङ्‌ल फेम्‍ब युङे ढीक्‍ल हुन्‍दो ङल यो़प्‍पे दुक्‍प हील ङ गेस दुक्। घन्‍ड हीन् सीन्‍न ख्रीष्‍ट्‌की सी़बु हीम्‍बे छ्‌यो़ छोल फेम्‍ब युङे ढीक्‍ल ख्रीष्‍ट्‌की दुक्‍स्‍यी ॱमत् छङ दी ङे ङरङ्‌गी सी़ल गुर्न छङल सोगो़त्।

कलस्‍सी 2:19

हुन्‍दुक् झ्‍यीब सी़गी गो हीम्‍बे ख्रीष्‍ट् च्‍यानी ढे छर युङ्‌गेन् बेत्। छ्‌यो़ छो सी़ छङ्‌म च्‍योङ्‌गेन् दी गो बेत्। गोनी मल्‍ल सी़बी़ छीमीक् धङ् चप्‍स्‍यी घयेत् तान युङ डस्‍सी को़न्‍ज्‍योक्‍की थुल डीक्‍पल सी़ल ओङ्‌बु छङल सोगेन् दी खोङ् बेत्।