रोमी 12:3 - ल्होमी3 ङल ॱनङे को़न्ज्योक्की थुज्यीगी लम्नी खीत्रङ् रीदङ् रील ङ हीगो सीक्केनो। खीत्रङ् ॱसोस्सोरङ् घन्दुक् झ्यीबे मी यो़दङ् उजो़त् च्यीक् मेन्द, हुले ज्यीक्पा ॱमत् ॱसम्ज्यीत्। मी ॱसोस्सोरङ्ल को़न्ज्योक्की ॱनङे छ्य स्यक्पे डेबु दील डीक्प मेन्द, हुले ज्यीक्पा ॱमत् ॱसम्ज्यीत्। Faic an caibideil |
रोमी 12:3
47 Iomraidhean Croise
पी़न्ज्यासो, ङे खीत्रङ्ल एल्ला ॱमत् तो़म्बे ॱङीङ्बु च्यीक् ॱस्येत् योङ्। हीगो ङे ॱमत् ॱस्येत्न, खीत्रङ्रङ् रङ्स्यीगी घङ् ॱस्यीब दीले ॱल्हक्मा ॱमीत् ॱस्यीगेन् बेत्। हीगो को़न्ज्योक् च्याल ज्यी़त् ॱयोङ् ॱयोङ्गी मी घयेक्की ढङ्ज्युक् दी नम् छीदेन् ॱलीत् ॱलीत् थुक्ल इस्राएली छ्यो च्यीक्की ॱसीम् दी गट्टक्प दीरङ् ॱमीत् ॱसेङ लेगेन् बेत्।
ॱनी हीन्न अक्, ङ हुन्दो घन्दुक् झ्यीबे मील झ्युङ बेक्क हुगो को़न्ज्योक्की थुज्यीगी लेगी झ्युङ बेत्। ङल खोङ्गी थुज्यी ॱनङ दी धो़म्मीत्ल ॱमत् ॱसोङ, ठीक्नल ॱयोङ्मा घयेत्ले ङे मङा कले च्येत्न युङेन्। ॱनी हुगो म दी ङे ङरङ्गी झ्यीब मेम्ब, ङे दगुल यो़क्केन् को़न्ज्योक्की थुज्यीगी जेप्पे ले बेत्।
हीगो मत् युङे एल्ला खीत्रङ् ङीब दीक्प झ्यीक्केन्, सी़ल यहुदीगी दक् मीप्प, ज्यी़त् ॱयोङ् ॱयोङ्गी मी झ्यीनी, खीत्रङ् ॱस्यीनरदङ् छ्येत्मीत् यो़क्केन् बेत्। ॱनी हीन्न अक्, खीत्रङ् येशुदङ् दल को़न्ज्योक् ङो़ल ॱसोम्बु युङल को़न्ज्योक्की खीत्रङ् ॱसोम्बुल सो़ब बेत्। हज्यरङ्गी ङीब दीक्प घयेत् को़न्ज्योक्की धक्तु ची़प्प बेत्।
हीन्दुक् झ्यीन मी ॱसी़ को़न्ज्योक् ङो़गी केच्च्य ॱस्यो़क्को़दङ् हुगी को़न्ज्योक्की ॱनङे ॱसुङ्स्येत् ॱस्यो़क्केन् हीम्ब डस्सी ॱस्यो़त् गोगेन् बेत्। ॱनी यङ् मी ॱसी़ ॱयोङ्ल फेम्बे ले झ्यीक्को़दङ् हुगी को़न्ज्योक्की ॱनङे ॱस्यीक्की झ्यीत् गोगेन् बेत्। हुन्दुक् झ्यीन क, हस्सो़त् येशु ख्रीष्ट्की लम्नी झ्यीबे लेमु घन् दीनी इक् को़न्ज्योक्ल तो़प्प युङ्गेन् बेत्। खोङ्ल तो़त्वङ् धङ् ॱवङ्ग धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
हीनी यङ् स्यो़म्बसो, खीत्रङ् छ्यो़ छोगी गोयो़प्प घयेक्की होक्ल दो़च्च्यीत्। ॱनी म दी खीत्रङ् कुरीक् च्यीक्तङ् च्यीक्ल ॱनोम्ज्युङ् झ्यीत्री चीज्यीत्। हीगी ढीक्ल ॱसुङ्रप्ल ज्यीङ्ब बोम्सी झ्यीक्केल्ल को़न्ज्योक्की ड झ्यीक्केन् बेत्। ॱनी ॱनोम्ज्युङ् झ्यीक्केल्ल यङ् थुज्यी ॱनङ्गेन् बेत् सीर थो़ङ्गेन् बेत्। (पीस्येत् ३:३४)
Sanasan