रोमी 10:6 - ल्होमी6 ॱनी छ्य स्यक्पे लुनी ॱनम्बर् धक्पल थो़म्बे ढीक्ल यङ् हीन्दुक् सीर थो़ङ्गेन् बेत्। रङ्गी ॱसीम्बे नङ्ल हीन्दुक् मत् सीर्। ॱसु दी तेङ् यी़ल ॱलीत् छुगेन्? सीर यो़क्केन् बेत्। हीगी धो़न् दी ख्रीष्ट् इगीनी मल्ल ठीक्तु युङ्गेल्ल सीक्केन् बेत्। Faic an caibideil |
रोमी 10:6
15 Iomraidhean Croise
कोलीमी घयेक्की ङीबे ॱएङ्गी दीक्प घयेक्की ढीक्ल को़न्ज्योक्की छ्येप्प ॱमत् केब, हजो़त् थुक् सो़प्प खुर्न हुबे येशुल छ्य स्यक्न खोङ्गी ठक्की डीक्च्या युङ्ज्ये यो़प्पल को़न्ज्योक्की खोङ् दीक्पे ॱस्याबल ॱरोक्ल जङ्न युङ बेत्। हीन्दुक् झ्यीन को़न्ज्योक्की ठीम् ढङ्बु तेब दी तो़न्न युङ बेत्।
धङ्बु अब्राहाम्ल को़न्ज्योक्की जम्बुलीङ् हीगो रङ्दङ्, हुनी रङ्गी ज्यी़त् घयेत्ल टेत्न दक्पु झ्यीत्तु ची़क्केन् सीरे छ्यो़त्तुम्गी केच्च्य ॱसुङ बेत्। ॱनी हीगो अब्राहाम्गी छ्यो़डीम्गी क घयेत्ल चीन युङे लम्नी मेम्ब, छ्य स्यक्न ॱनम्बर् धक्पल झ्युङे लम्नी को़न्ज्योक्की ॱसुङ बेत्।
खोङ्ल को़न्ज्योक्ल यो़प्पे तो़त्वङ्गी ओ़च्च्य दी थोङ्गेन् बेत्। खोङ् को़न्ज्योक् ठोक् यो़क्केन् बेत्। खोङ्गी ॱस्यीक् छ्यीम्मी़ ॱसुङ्स्येक्की ॱस धङ् ॱनम् हीगो जेङ् सुङ्न यो़क्केन् बेत्। दीक्प धक्तु ची़क्केङ्गी ले खोङ्गी जेत् छर्नी, खोङ् हुन्दो इगी थोरी चीदु स्युगेन्, ॱवङ् की़न् च्येम्मे ज्याबी़ ॱये छ्योन स्युन यो़क्केन् बेत्।
नुहल को़न्ज्योक्की एल्ला मत् युङे केच्च्य च्यीक् ॱस्येत्नी, हुनी नुह को़न्ज्योक्ल ज्यीब खुर्न रोरङ्गी मीजङ् घयेत् थर्च्ये यो़प्पल ढु छ्यीम्मु च्यीक् सो़ब बेत्। ॱनी हीगो नुहे छ्य स्यक्पे लम्नी सो़ब बेत्। हीगी छ्य स्यक्पे लेमु हीनी हुगी यङ्गी जम्बुलीङ्गी मी घयेत्ल ठीम् च्येत्न छ्येप्प केब बेत्। छ्य स्यक्पे लम्नी ॱनम्बर् धक्पल थो़ङ्गेङ्गी थर्वे फक् थोप्केन् च्यीक् नुह झ्युङ बेत्।
Sanasan