रोमी 1:4 - ल्होमी4 ॱनी खोङ् ढोङ्नरनी ॱसोम्बुल लोङ हीम्बे लम्नी हुनी धक्पर् झ्यीक्केन् धम्बे थुगी जेत्नी, को़न्ज्योक्की ॱरेबुल खोङ् ॱवङ् च्येम्मल खो़त्न यो़क्केन् बेत्। ॱनी खोङ् येशु ख्रीष्ट् हज्यरङ्गी चोव ज्यीन्दक् बेत्। Faic an caibideil |
रोमी 1:4
20 Iomraidhean Croise
जम्बुलीङ् जेङ्ल को़न्ज्योक्की ठीम् ढङ्बु च्यो़च्च्येमे ङीन् खोङ्गी स्यक्न यो़क्केन् बेत्। ठीम् दी खोङ्गी को़बे ठीम्बो़ङ्गी च्यो़क्केन् बेत्। हीगो दीम्बरङ् हीम्ब हज्यरङ् कोलीमी घयेक्की ॱह घोज्ये यो़प्पल, को़न्ज्योक्की खोङ् ढोङ्नरे ॱसनेनी ॱसोम्बुल ॱलोङ बेत् सीन्न ॱस्येप्प बेत्।
खोङ् ज्यीक्च्ये मीप्प यो़प्पे कप्ल खोङ् कुरुस्ल ताब बेत्। ॱनी हीन्न अक्, को़न्ज्योक्की ॱस्यीक्की यङ् खोङ् ॱसोम्बुल ॱलोङ्न यो़क्केन् बेत्। हुगो डस्सी खोङ्दङ् मत् ढेब यो़क्केन् झ्यीनी, ङीत् इत् ज्यीक्च्ये मीप्प यो़त्। ॱनी हीन्न अक्, खीत्रङ्गी घुङ्दु स्यप्च्यी़गी ले झ्यीप्पल ङीत् इत् को़न्ज्योक्की ॱस्यीक्की ख्रीष्ट्तङ् कङ्ज्यीक्ल ॱसोम्बुल सो़न यो़क्केन् बेत्।
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
ख्रीष्ट्की थु हुबे ॱसीम्ल स्युन, हुबल च्यप्को़ल्ल को़बे ख्रीष्ट् तीङ्ला झ्यो़न्न, दुक्स्यी ॱनजो नोङ्नी, हुनी खोङ्ल इगीनी मक्की ओ़च्च्ये तो़प्प छ्यीम्मु युङ्गेन् बेत् सीन्न तो़म्ब बेत्। ॱनी हुगो नम्गी धी़ल युङ्गेन्, घन्दुक् झ्यीबे धी़ल युङ्गेन् हीम्ब हीगो हुबे ॱह घोज्ये ॱनो़ब झ्यीब बेत्।
हुनी ङे भङ्ज्येम्ब दील छ्यक् छेबेन्। ॱनी हुगी ङल छ्यक् ॱमत् छो़लेत्। ङ को़न्ज्योक्की ॱयोक्पु, रङ् धङ् रङ्गी पी़न्ज्या डस्सी, येशुगी ढीक्ल दीम्बे केच्च्य ॱस्यो़क्केन् घयेत् डस्सीरङ् हीन्। को़न्ज्योक्लरङ् क छ्यक् छो़। येशुगी ढीक्ल दीम्बे केच्च्य ॱस्यो़क्केन् घयेत्ल कलुङ् ॱस्यो़त् छुबल धम्बे थु यो़क्केन् बेत् सीच्च्युङ्।
Sanasan