रोमी 1:14 - ल्होमी14 ज्यी़त् छ्यीया ग्रीक्की मील हीन्, ज्यी़त् ॱयोङ्गी मील हीन्, च्यङाल हीन्, घुवाल हीन् ॱसुलरङ् हीन्न अक्, मी कुरीक्ल ढील्लेन् च्यो़ज्येमे गेन् दी ङल यो़त्। Faic an caibideil |
रोमी 1:14
31 Iomraidhean Croise
हुगी यङ्ल धम्बे थुगी येशुल गेस छ्यीम्मु लङ्न खोङ्गी को़न्ज्योक्ल हीन्दुक् ॱसुङ बेत्। तेङ् यी़ धङ् ॱस जम्बुलीङ्गी चोव ज्यीन्दक्, पब, नीज्यरङ्गी हीगो मी खेबा धङ् ॱस्यीब च्येम्म घयेत्ल ॱमत् तो़म्ब, भीज डस्सी झ्यीबे मी घयेत्ल तो़न्न युङ बेत्। हीगी ढीक्ल नीज्यरङ्ल थु छ्यी, थु छ्यी। हीगो पब नीज्यरङ्गी थुल ॱसोङ्न यो़क्केन् बेत् सीन्न ॱसुङ बेत्।
पी़न्ज्यासो, ङे खीत्रङ्ल एल्ला ॱमत् तो़म्बे ॱङीङ्बु च्यीक् ॱस्येत् योङ्। हीगो ङे ॱमत् ॱस्येत्न, खीत्रङ्रङ् रङ्स्यीगी घङ् ॱस्यीब दीले ॱल्हक्मा ॱमीत् ॱस्यीगेन् बेत्। हीगो को़न्ज्योक् च्याल ज्यी़त् ॱयोङ् ॱयोङ्गी मी घयेक्की ढङ्ज्युक् दी नम् छीदेन् ॱलीत् ॱलीत् थुक्ल इस्राएली छ्यो च्यीक्की ॱसीम् दी गट्टक्प दीरङ् ॱमीत् ॱसेङ लेगेन् बेत्।
रोरङ्सो़ रोरङ्ल तो़क्केन् हुब घयेत् डस्सी ङीक्की मीत् झ्यीप्प यो़त्। ङीत् धङ् हुब ॱसु गय यो़प्प बेक्क हुगी ढीक्ल ङीत् नम् च्येत्न ॱमीत् त। घन्डे घुवे मी हुब रोरङ्सो़ रोरङ्सोल डीक्पे ॱनो़च्च्य सो़न ॱस्योक्क ज्यप्न हुबे रोरङ्सो गलो़त् यो़त्, रोरङ्सो़रङ् तेन नम् च्यो़क्केन् बेत्।
हीगी ढीक्ल यहुदी हीन्, यङ् ज्यी़त् ॱयोङ्गी मी हीन्, यहुदीगी दक् ज्यबे मी हीन्, यङ् मत् ज्यबे मी हीन्, छ्योनी युङे मी हीन्, यङ् री़ब च्युङागी मी हीन्, रङ्मो़ मीप्पे ॱयोक्पु हीन्, रङ्मो़ च्येम्मे मी हीन्न अक्, हीगो घन्ड अक् मेम्बेत्। ॱनी म चा छ्यीस्स्यो दी ख्रीष्ट् बेत्। खोङ् कुरीक्तङ् दल घदु उक् युङ् छुगेन् बेत्।
Sanasan