रोमी 1:12 - ल्होमी

¹² ॱनी युङ् छुन, स्‍येन् ङल अक्, खीत्‍रङ्‌ल आक् च्‍यीक्‍तङ् च्‍यीक्‍की छ्‌य स्‍यक्‍प दीनी ॱलोप्‍स्‍यीक् ॱङीक्‍केन् बेत्।

रोमी 1:12 Iomraidhean Croise

ठीक्‍नल 11:23

ॱनी बार्नाबास् एन्‍टीयोक्‍ल ॱलीत्‍न हुदु गन्‍दीय को़न्‍ज्‍योक्‍की थुज्‍यी ॱनङ थोङ्‌नी, हुगो गेस लङ्‌न हुब घयेत्‍ल खीत्‍रङ् घयेत् ॱसीम्‍बे यीक्‍नी चोव ज्‍यीन्‍दक्‍ल छ्‌य तेम्‍बोक्‍म स्‍यक्‍न दो़च्‍च्‍यीत् सीन्‍न ॱलोप्‍स्‍यीक् टेप्‍प बेत्।

रोमी 1:11

खीत्‍रङ् डम्‍बोक्‍म युङ्‌ज्‍ये यो़प्‍पल धम्‍बे थुगी कबप् टो़त्‍तु सीन्‍न ङ खीत्‍रङ् च्‍याल युङ्‌गीन् थेस्‍सी झ्‍युङ्।

रोमी 1:13

ज्‍यी़त् ॱयोङ् ॱयोङ्‌गी घुङ्‌दु ङे घङ् झ्‍यीबे लेल डेबु छ्‌याब डस्‍सी खीत्‍रङ् च्‍यादु उक् युङ्‌ज्‍ये यो़प्‍पल ङ लेम्‍म गज्‍येन् खीत्‍रङ् च्‍याल युङ्‌ज्‍ये ॱनो़ब झ्‍यीबेन्। ॱनी ङल थङ्‌गक् झ्‍युङ्‌नी, हजो़त् थुक्‍ल युङ् छुमोङ्। पी़न्‍ज्‍यासो हीगो ॱह घोव झ्‍यीज्‍यीत्।

रोमी 15:24

ॱनी ङ इस्‍पेन्‍गी लुङ्‌बल डोये यङ्‌ल खीत्‍रङ् च्‍याल आक् ठेत्‍तु ॱलीत् योङ्। खीत्‍रङ् लम्‍ल ॱनेगेन् झ्‍यीनी, ङ गेसक्‍की खीत्‍रङ् च्‍यादु धोबा च्‍यीक् थुक् दो़क्‍केन्। हुनी खीत्‍रङ्‌गी ङल दगु झ्‍यीन लम् ची़क्‍को़ट्‌टो ॱनो़गुक्।

रोमी 15:32

हुनी क को़न्‍ज्‍योक्‍की थुल यो़त्‍न, ङ ॱसीम् गव झ्‍यीन खीत्‍रङ् च्‍येल्‍ल ॱलीत् योङ्। ॱनी हुदु खीत्‍रङ्‌दङ् कङ्‌ज्‍यीक्‍ल देत्‍नी, ङल ॱलोप्‍स्‍यीक् छ्‌यीदु ॱङीक्‍केन् बेत्।

२ कोरीन्‍थी 7:13

ॱनी हुगी लम्‍नी ङीत्‍ल ॱलोप्‍स्‍यीक् ॱङीच्‍च्‍युङ्। ॱनी हीगो च्‍यीक्‍पी़ ॱमीत् छेप्‍प, तीतस्‍ल यो़प्‍पे ॱसीम्‍दुक् दी हुदु खीत्‍रङ्‌गी दीदु तङ्‌न गेस लङ्‌न युङ थोङ्‌नी, ङीत्‍ल अक् गेस झ्‍युङ्।

एफीसस् 4:5

ॱनी चोव ज्‍यीन्‍दक् दी इक् च्‍यीक्, छ्‌य स्‍यक्‍पे लम् दी इक् च्‍यीक्, बप्‍तीस् दी इक् च्‍यीक् बेत्।

२ तीमोथी 1:4

एल्‍ला रङ्‌गी ॱमीक्‍च्‍यु तोङ दी ढेन्‍सो़ लङ्‌गुक्। ॱनी रङ्‌दङ् ठेच्‍च्‍ये झ्‍युङ्‌न ॱनी, ङल गेस छ्‌यीम्‍मु युङेत् ॱनो़न ढेङ्‌गुक्।

तीतस् 1:4

ङे छ्‌य च्‍यीक्‍की भु तीतस्‍रङ्‌ल हीगो ढीन तोङ्‌गो़त्। रङ्‌ल यप् को़न्‍ज्‍योक् धङ् हज्‍यरङ्‌गी च्‍यप्‍को़न् ख्रीष्‍ट् येशु च्‍यानी थुज्‍यी धङ् ॱसीम् दीव युङ्‌ज्‍ये यो़प्‍प तोङ्।

२ पत्रुस् 1:1

येशु ख्रीष्‍ट्‌की ॱयोक्‍पु धङ् ठीक्‍नल ङ शीमोन् पत्रुस्‍की ङीत्‍तङ् च्‍यीक्‍प छ्‌य स्‍योक्‍केल्‍ल झ्‍युङ्‌न यो़क्‍केन् घयेत्‍ल हीगो ढीन तोङ्‌गो़त्। ॱनी हीगी चा छ्‌यीम्‍मी़ छ्‌य स्‍यक्‍पे लेमु हीगो हज्‍यरङ्‌गी को़न्‍ज्‍योक् धङ् च्‍यप्‍को़न् येशु ख्रीष्‍ट् ढङ्‌बु हीम्‍बे लम्‍नी झ्‍युङ बेत्।

२ युहन्‍ना 1:4

ङीत्‍ल यप्‍की ॱनङे कल यो़प्‍पल नीज्‍यरङ्‌गी भीज यरी दीम्‍बे लम्‍ल डोव थोङ्‌नी, हुल ङ दो़न्‍दो़त् गुव झ्‍युङ्।

यहुदा 1:3

झ्‍यम्‍बे मीसो, हज्‍यरङ्‌गी थर्वे लम् दी च्‍यीक् बेत्। ॱनी हीगी थर्वे लम् हीगी ढीक्‍ल एल्‍लानीरङ् ङे यीगी च्‍यीक् ढीगीन् थेस्‍सी झ्‍युङ्। ॱनी हीगो को़न्‍ज्‍योक्‍की मी चङ्‌म घयेत्‍ल फुगी ढीक्‍ल ॱनङे छ्‌य स्‍यक्‍पे लम् दी खीत्‍रङ्‌गी तोर्तु ॱमत् ची़प्‍प, दक्‍पु झ्‍यीन हुल मीत् डीक्‍पे लेमु युङ्‌गेन् घयेत्‍तङ् थुक्‍च्‍यीत् सीन्‍न ॱलोप्‍स ज्‍यक्‍पे तीम्‍मल हीगो ढी गो़ झ्‍युङ्।