रोमी 1:1 - ल्होमी1 को़न्ज्योक्की केच्च्य ॱनेम्बु ॱस्यो़क्केल्ल दम्न ठीक्नलल भो़न यो़क्केन् ख्रीष्ट् येशुगी ॱयोक्पु ङ पावल्की हीगो ढीन तोङ्गो़त्। Faic an caibideil |
रोमी 1:1
73 Iomraidhean Croise
ङ ज्यी़त् ॱयोङ् ॱयोङ्गी मी घयेक्की ढीक्ल ख्रीष्ट् येशुगी ॱयोक्पुल खो़त्न यो़त्। ॱनी ज्यी़त् ॱयोङ् ॱयोङ्गी मी घयेत् धम्बे थुगी धक्पर् हीम्बल सो़न हुब घयेत् को़न्ज्योक् थु गुवे छ्यो़प्प डस्सील युङ्ज्ये यो़प्पल को़न्ज्योक्की केच्च्य ॱनेम्बु ॱस्यो़क्केन्, ङ छ्यो़प्पो़न् डस्सी हीन्।
ॱनी हुले एल्ला फीलीप्पी सार्तु ङीत्ल मी घयेक्की घन्दुक्मे दुक्प तङ्न ॱम पब बेक्क हुगो ओक् खीत्रङ्ल ॱस्यो़च्च्ये यो़क्केन् बेत्। ॱनी खीत्रङ् च्येल्ल ॱलीत्नी, हुदु उक् ङीक्की डल मी गज्येन् लोङ्ज्युङ्। ॱनी हीन्न अक्, हज्यरङ्गी को़न्ज्योक्की दगु जेत्नी, खोङ्गी केच्च्य ॱनेम्बु ज्यीक्टक् मीप्प, ङीक्की खीत्रङ्ल ॱस्यो़त् छुज्युङ्।
खीत्रङ्ल ङीक्की च्यीब झ्यम्ब झ्यीक्कीन् थेच्च्युङ्। हुगो झ्यीनी खीत्रङ्ल को़न्ज्योक्की केच्च्य ॱनेम्बु दी ॱसीम् गव झ्यीन ॱस्यो़च्च्ये ॱनो़ब छ्युवक् मेम्ब, ङीक्की ली़सीम् दीरङ् जेङ् खीत्रङ्ल टो़त् गो़ ॱस्यर्न आक्, टो़त् छुबे ॱसीम् झ्युङ्। घन्ड हीन् सीन्न खीत्रङ् ङीक्की झ्यम्बे मील झ्युङ बेत्।
ह को़न्ज्योक्की ठीम् च्येत्न छ्येप्प को़बे धी़ ॱलीत् छर बेत्। खोङ्गी ठीम् दी गोम रोरङ्गी मीजङ्नी झ्यीन च्यो़क्केन् बेत्। ॱनी खोङ्गी ठीम् दी हज्यरङ्नी एल्ला झ्यीन च्यो़क्को़त्न ॱनी, को़न्ज्योक्की ॱसुङ्रप् ॱनेम्बुल मीत् नेङ्गेन् घयेत्ल ॱसुम्ब तीङ्ला घन्दुक् झ्यीबे गोल ॱलीक्को़दङ्?
ह ज्योबा घन्ड हीन्न अक्, युङ्गेङ्गी केच्च्य घयेत् कुरीक् को़न्ज्योक्की येशु ख्रीष्ट्ल खोङ् रोरङ्गी ॱयोक्पु घयेत्ल तो़न् सीन्न तो़म्बे केच्च्य घयेत् दी हीन्दुक् झ्यीन युङ्गेन् बेत्। खोङ् रोरङ्गी ॱयोक्पु युहन्ना च्येल्ल तेङ् यी़गी भङ्ज्येम्ब च्यीक् तङ्न युङ्न हुगी केच्च्य घयेत् दी कुरीक् क तो़म्ब बेत्।
हीनी यङ् हुगी भङ्ज्येम्ब दीगीरङ् ङल हीगी केच्च्य घयेत् हीगो दीम्ब धङ् ज्युरुव मीप्प यो़क्केन् बेत्। ह ज्योक्पा घन्ड घन्ड युङ्गेन् बेक्क हुगी केच्च्य हुगो खोङ् रोरङ्गी ॱयोक्पु घयेत्ल तो़न्न ॱस्यो़त्तु कलुङ् ॱस्यो़क्केन् घयेत्ल खोङ् रोरङ्गी धम्बे थु ॱनङ्गेन् चोव ज्यीन्दक् को़न्ज्योक्की भङ्ज्येम्ब ङ तङ्न युङ बेत्।
Sanasan