ॱसाल्केत् 9:21 - ल्होमी21 हीगो छ्युवक् मेम्ब, हुब घयेक्की हरुङ् मी ॱसो़क्केन्, जुम्डी़ तो़ङ्गेन्, छ्ये ज्युक्केन् धङ् की़न्नक् कुगेन् हुन्दुक् झ्यीबे लेमु दी इक् ॱलो़ ॱमत् तङ्सोङ्। Faic an caibideil |
ॱसाल्केत् 9:21
24 Iomraidhean Croise
ङ हुदु युङ्नी, खीत्रङ्गी हुन्दुक् झ्यीबे लेमी़ झ्यीत् झ्यीक्की ङे को़न्ज्योक्की ङ ङु छदु ची़त् योङ् ॱनो़बे च्युगा दुक्। घन्ड हीन् सीन्न खीत्रङ्गी उन चङ्ज्ये मीप्प, दयम्, छ्येल ॱनक्सी झ्यीक्केन्, दीक्प झ्यीक्केन् धङ् हुन्दुक् झ्यीब घयेक्की ॱसीम् दी मत् ज्युर ठेत्न ॱसीम्दुक् लङ् योङ् ॱनो़गुक्।
घन्ड हीन् सीन्न छ्येमु बेबीलोन् हुगी छ्ये ज्युबे गोङ्ज्यङ् घर्पोक्म जम्बुलीङ्गी ज्यागक् कुरीक्ल थुङ्दु ची़त्तुक्। ॱनी जम्बुलीङ्गी ज्याबु घयेत् धङ् हुगो छ्ये गज्येन् ज्युदुक्। हुगो नोर्की भङ्जेत् च्येम्म झ्यीनी, हुगोदङ् छोङ् ज्यक्केन् जम्बुलीङ्गी छोङ्बा घयेत् एत् छ्युक्पुल बर्नत्तुक् सीस्सोङ्।
खोङ्गी ठीम् च्येत्न छ्येप्प केब घयेत् ओ़ब दीम्ब युङ्गेन् बेत्। घन्ड हीन् सीन्न हुगी छ्येमु छ्यीम्मु हुगी छ्ये ज्युबे लेगी जम्लीङ् की़न् दीरङ् हुगी लेमु डस्सील सो़न मीत्तल तङ बेत्। हुगो झ्यीनी हुल ओ़बे छ्येप्प केन खोङ् रोरङ्गी ॱयोक्पु घयेक्की ठक्की ङेल्लेन् दी हुल च्येसोङ् सीन्न सीस्सोङ्।
ॱनी ॱङीङ् च्युङेत्मु खुर्केन्, छ्य मीत् स्योक्केन्, स्यीलोक्सीगी ले झ्यीक्केन्, मीस्सेन्, छ्ये ज्युक्केन्, जुम्डी़ तो़ङ्गेन्, ॱल्ह धङ् कुल छ्यक् छ्यो़प्प पुगेन् धङ् ॱएजङ हुन्दुक् झ्यीब कुरीक् हुब घयेक्की दो़स्स दी मुसी धङ् मी बर्से छोल युङ्गेन् बेत्। हील ॱस्यीव तीङ्मा सीक्केन् बेत् ॱसुङ्ज्युङ्।
च्यो़न् ॱनम्ब ॱसुम्बु हुगोल ॱमत् ॱस्योर, ॱसो़बे मी घयेत् दीगी ॱसीम्ब दी मत् ज्युर्सोङ्। हुबे ॱनो़प्प अयेक्प घयेत् धङ् रोरङ्सो़ सो़बे ॱसीर्की कु, ॱङुगी कु, च्युक्मे कु, दोलोक्पे कु धङ् ॱस्यीङ्गी कु हुन्दुक् झ्यीबे ढङ् ॱमीक्की ॱमीत् थोङ्गेन्, आम्ज्योक्की मीत् घोगेन् धङ् कङ्ब मीत् डोगेन् हुन्दुक् झ्यीबल ॱसम्न छ्यक् छ्यो़प्प पुज्ये दी ॱलो़ ॱमत् तङ्सोङ्।
Sanasan