ॱसाल्‍केत् 8:8 - ल्होमी

⁸ हीनी यङ् भङ्‌ज्‍येम्‍ब ॱङीब दीगी पालोल कङ्‌लीङ् दी भी़सोङ्। हुनी ॱनम्‍नी मल्‍ल री चो़त्‍मे मी बर डस्‍सी च्‍यीक् छ्‌यु ज्‍यम्‍जो छ्‌यीम्‍मुल छर्सोङ्। हुनी छ्‌यु ज्‍यम्‍जो छ्‌यीम्‍मु गो ॱसुम्‍ल तङे गो च्‍यीक् ठक् डस्‍सील झ्‍युङ्‌सोङ्।

ॱसाल्‍केत् 8:8 Iomraidhean Croise

मर्कुस् 11:23

ङे खीत्‍रङ्‌ल गन्‍दीय ॱस्‍येत् योङ्। मी ॱसी़ हीन्‍न अक्, लदोक् हुल रङ् डोप् भीक्‍ल छ्‌यु ज्‍यम्‍जो छ्‌यीम्‍मुल छर्ल ज्‍युक् सील्‍लोङ्‌दे हुगो युङ्‌गेन् बेत्। ॱनी रङ्‌गी झ्‍यीब दील ॱसीम्‍नी मीत् युङ्‌गो़ट्‌टो ॱनो़ब ॱमत् खुर छ्‌य थीरी स्‍योक्‍ते। हुनी रङ्‌गी ढीक्‍ल हुगो डुप्‍न युङ्‌गेन् बेत्।

ॱसाल्‍केत् 11:6

हुब ॱङीबी़ कलुङ् ॱस्‍यो़प्‍पे यङ्‌गी धी़ थुक्‍ल हुबल छ्‌येप्‍प ज्‍यक्‍तु ॱमीत् ची़क्‍केङ्‌गी ॱवङ् धङ् छ्‌यु घयेत् ठक् डस्‍सी स्‍यीलोक्‍सील तोङ्‌ज्‍येमे ॱवङ् हुबल बीन्‍न युङ्‌गेन् बेत्। ॱनी हरुङ् हुब ॱङीबी़ जम्‍बुलीङ्‌ल च्‍यो़न् घन्‍ड नम् तोङ्‌गीन् थेक्‍को़दङ् हुगो ॱनम्‍ब गज्‍येन् तोङ् छुगेन् बेत्।

ॱसाल्‍केत् 12:4

हुगी डुक्‍की ॱङम दीगी ॱनम्‍गी कर्म घयेत् गो ॱसुम्‍ल तङे गो च्‍यीक् ॱसल पुर् तङ्‌सोङ्। ॱनी डुक् दी हुगी भुमु दीगी भीज कीनी, कीलोङ् मीक्‍ल डुन सज्‍येल हुगी भुमु दीगी दोङ्‌दु गुन दो़क्‍कुक्।

ॱसाल्‍केत् 8:7

ॱनी भङ्‌ज्‍येम्‍ब धङ्‌बु दीगी भी़सोङ्। हुनी ॱसीरा, मी बरदङ् ठक् रीन ॱनम्‍नी मल्‍ल ॱसल छर्सोङ्। हुनी दोङ्‌बु, च ॱङोम्‍बी़ ढे घयेत् धङ् ॱस जम्‍बुलीङ् गो ॱसुम्‍ल तङे गो च्‍यीक् छीक्‍सोङ्।

ॱसाल्‍केत् 9:15

हुनी या टेसोङ्। ॱनी हुगी भङ्‌ज्‍येम्‍ब स्‍यीबु दी म दी जम्‍बुलीङ्‌गी मी घयेत् गो ॱसुम्‍ल तङे गो च्‍यीक् हीगी लो हीगी दव हीलरङ्, हीगी ङीन् हीलरङ्, छ्‌युजो़त् हीजो़क्‍की छो़त्‍ल ॱसो़च्‍च्‍येल ठोक्‍क झ्‍यीन को़न स्‍यक्‍तुक्।

ॱसाल्‍केत् 9:18

ॱनी हुबे खनी थो़म्‍बे च्‍यो़न् ॱनम्‍ब ॱसुम्‍बु दीगी जम्‍बुलीङ्‌गी मी गो ॱसुम्‍ल तङे गो च्‍यीक् ॱस्‍यीसोङ्।