ॱसाल्‍केत् 8:5 - ल्होमी

⁵ ॱनी उन छ्‌यो़प्‍प पुसन यो़प्‍पे मीरोक् घयेत् दी हुगी भङ्‌ज्‍येम्‍ब दीगी पो़बर् दील टेक् ॱलुक्‍सोङ्। हुनी पो़बर् दीदङ् डक्‍च्‍यक् जम्‍बुलीङ्‌ल पुर् तङ्‌सोङ्। हीनी जम्‍बुलीङ्‌ल डुक्‍की च्‍यीला तो़न्‍न डुक्‍केक्‍की हुट्‌ट धङ् ॱसेर ज्‍यप्‍सोङ्।

ॱसाल्‍केत् 8:5 Iomraidhean Croise

मत्‍ती 24:7

ज्‍यी़त् च्‍यीक्‍की डल ज्‍यी़त् च्‍यीक् धङ् ज्‍यागक् च्‍यीक्‍की डल ज्‍यागक् च्‍यीक् लोङ्‌गेन् बेत्। हुनी जम्‍बुलीङ्‌ल घल अक् तोरी ॱस्‍योर्केन् बेत्। घल अक् ॱसेर ज्‍यक्‍केन् बेत्।

लुका 12:49

ङ ॱनी ॱस जम्‍बुलीङ्‌ल मी ॱङक्‍तु युङ हीन्। ङे हीगो स्‍येन् ज्‍योक्‍पु ङागो़ट्‌टो ॱनो़बे रीगो झ्‍यीबेन्।

ठीक्‍नल 16:26

हुनी थोप्‍तक् मीक्‍ल म दीरङ् ॱसेर छ्‌यीम्‍मु ज्‍यप्‍न चो़ङ्‌गङ्‌गी ॱसप्‍तेन् दीरङ् भीर् भीर् झ्‍यीन गोच्‍चेक् घयेत् दी ॱहदङ् मदङ् भीक्‍नर बेत्। ॱनी चो़म्‍बा घयेत्‍ल ज्‍यबे च्‍यागोङ् घयेत् दी इक् नुक्‍रङ् स्‍यीक्‍नर बेत्।

ठीक्‍नल 4:31

हुन्‍दुक् झ्‍यीन ॱसुव दी तप् छर्नी, रोरङ्‌सो घयेत् जोम्‍से ॱसने दी म दीरङ् भीरीरी भीर् झ्‍यीन हुब कुरीक्‍ल धम्‍बे थु स्‍युन घेङ्‌न युङ बेत्। हुनी हुब कुरीक् ज्‍यीब मीप्‍प, को़न्‍ज्‍योक्‍की केच्‍च्‍य ॱस्‍येप्‍प बेत्।

ॱसाल्‍केत् 11:13

हुनी ॱस्‍यर्च्‍यक् ॱसेर छ्‌यीम्‍मु ज्‍यप्‍सोङ्। हुनी हुगी सार् दी गो च्‍युल तङे गो च्‍यीक् रुम्‍सोङ्। ॱनी मीरङ् तोङ्‌डक् दी़न् हुदु ॱस्‍यीसोङ्। ॱनी हुदु ॱमत् ॱस्‍यीय यो़प्‍प घयेत् दी टक्‍प सेत्‍न ज्‍यीबे, हुनी क तेङ् यी़गी को़न्‍ज्‍योक्‍ल तो़प्‍प पुसोङ्।

ॱसाल्‍केत् 11:19

हुनी तेङ् यी़गी को़न्‍ज्‍योक् स्‍युसे छ्‌यो़गङ् दी भीसोङ्। ॱनी हुगी नङ् दीन कगो़त् धम्‍स्‍यक् च्‍येम्‍मे गम् दी ङे थोङ्‌ज्‍युङ्। हुनी डुक्‍की च्‍यीला तो़न्‍न डुक्‍केक्‍की हुट्‌ट, ॱसीरा धङ् ॱसेर ज्‍यप्‍सोङ्।

ॱसाल्‍केत् 4:5

ॱनी हुगी स्‍युडी दीनी मल्‍ल डुक्‍की च्‍यीला तो़न्‍न युङ्‌न डुक्‍केक्‍की हुट्‌ट डस्‍सी युङ्‌गुक्। ॱनी स्‍युडी ढुङ् दीन बत्‍ती बर्केन् दी़न् दुक्। हुगो को़न्‍ज्‍योक्‍की थु दी़र्रीम दी बेत्।

ॱसाल्‍केत् 6:12

हीनी यङ् थीजी ढुक्‍प दी लुक्‍टुक्‍की च्‍यक्‍सोङ्। हुनी ॱसेर छ्‌यीम्‍मु ज्‍यप्‍सोङ्। ङीमल ओ़त् मीप्‍प घो़ नक्‍पु डस्‍सील ज्‍युर्सोङ्। दच्‍च्‍य दी ठक् डस्‍सी ॱमप्‍पुल ज्‍युर्सोङ्।

ॱसाल्‍केत् 8:3

हीनी यङ् स्‍युडी ढुङ्‌न यो़प्‍पे ॱसीर्की छ्‌यो़प्‍प पुसे दोङ् दीदु भङ्‌ज्‍येम्‍ब ॱयोङ्‌म च्‍यीक्‍की ॱसीर्की पो़बर् खुर्न लोङ्‌न दो़क्‍कुक्। ॱनी हुल को़न्‍ज्‍योक्‍की मी चङ्‌म घयेक्‍की ॱसुव तब घयेत्‍तङ् दल पुज्‍येम हुगी भङ्‌ज्‍येम्‍ब दील पो़गर् गज्‍येन् बीन्‍सोङ्।