ॱनी हुगी यङ्ल येशु च्याल मी छेत्मीत् तोङ्डक्की ढङ्म जोम्न युङ्नी, कङ्ब पो़स्स आक् मीप्प, च्यीक्तङ् च्यीक्की कङ्बल पो़ब बेत्। ॱनी येशुगी गोम ॱएन्स्युक्ल खोङ् रोरङ्गी ॱलोप्टुक् दीबल हीन्दुक् ॱसुङ बेत्। फरीसी घयेत् हुब छ्यीलेल नङ् मत् लेब, ढोप्चील ॱरीक् ज्यक्च्येमे च्युर् डस्सी बेगो। हुबे च्युर् हुनी खीत्रङ् धोजीम् झ्यीन दो़च्च्यीत्।
ॱसाल्केत् 7:9 - ल्होमी9 हीनी यङ् ङे तेनी उन मी छेत्मीत् ढङ्ज्युक् थीप्च्यीक् थीप्ङी मीप्पे मी, ज्यी़त् रीदङ् रीनी, केच्च्योक् रीदङ् रीनी, ज्यागक् रीदङ् रीनी युङ्न दुक्। हुब कुरीक्की घो़ कप्पु री घो़न्न लक् दील ॱस्यीङ् तलेलोम री खुर्न स्युडी ढुङ् धङ् लुक्टुक्की ढुङ्न लोङ्न दुक्। Faic an caibideil |
ॱसाल्केत् 7:9
41 Iomraidhean Croise
पी़न्ज्यासो, ङे खीत्रङ्ल एल्ला ॱमत् तो़म्बे ॱङीङ्बु च्यीक् ॱस्येत् योङ्। हीगो ङे ॱमत् ॱस्येत्न, खीत्रङ्रङ् रङ्स्यीगी घङ् ॱस्यीब दीले ॱल्हक्मा ॱमीत् ॱस्यीगेन् बेत्। हीगो को़न्ज्योक् च्याल ज्यी़त् ॱयोङ् ॱयोङ्गी मी घयेक्की ढङ्ज्युक् दी नम् छीदेन् ॱलीत् ॱलीत् थुक्ल इस्राएली छ्यो च्यीक्की ॱसीम् दी गट्टक्प दीरङ् ॱमीत् ॱसेङ लेगेन् बेत्।
हुनी भङ्ज्येम्ब दी़म्ब दीगी पालोल कङ्लीङ् दी भी़सोङ्। हुनी तेङ् यी़दु केत् छ्यीम्मु च्यङ्ज्यङ्ल गज्येङ्गी हीन्दुक् सीस्सोङ्। ह जम्लीङ् की़ल्ल ज्यागक् च्योङ्गेङ्गी ॱवङ् दी हज्यरङ्गी चोव ज्यीन्दक् धङ् खोङ्गी को़बे च्यप्को़न् ख्रीष्ट्ल झ्युङ्सोङ्। हीनी झ्यीब दी धी़ नम ज्यी़न्दु खोङ्गी ॱवङ् च्योङ्गेन् बेत्।
हीगी ढीक्ल खीत्रङ्ल ङे ढो़ टेत् योङ्। स्यी़न्न चङ्मल सो़बे ॱसीर् ङे लक्नी नो़। हुनी खीत्रङ् दीम्बरङ्गी छ्युक्पु युङ्गेन् बेत्। खीत्रङ् ङे लक्नी घो़ कप्पु नो़। हुनी खीत्रङ् च्यरेङीय ङु छय मीप्प युङ्गेन् बेत्। ॱमीक्ल ॱही़न्ज्येमे ॱमीक्मेन् नो़। हुनी खीत्रङ्गी ॱमीक्की थोङ्गेन् बेत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan