ॱसाल्‍केत् 7:17 - ल्होमी

¹⁷ घन्‍ड हीन् सीन्‍न हीब घयेक्‍की लुक्‍चीब दी स्‍युडी ढुङ्‌न स्‍युगेङ्‌गी लुक्‍टुक् झ्‍यीनी, खोङ्‌गी हीब घयेत् छ्‌यु ॱसोम्‍बु थो़न्‍सल ठीक्‍केन् बेत्। हुनी को़न्‍ज्‍योक्‍की हीबे ॱमीक्‍च्‍यु घयेत् दी फीन तीक्‍केन् बेत् सीन्‍न सीच्‍च्‍युङ्।

ॱसाल्‍केत् 7:17 Iomraidhean Croise

मत्‍ती 2:6

ॱवे यहुदीयागी बेथ्‍लेहेम् रङ् नन्‍दक्‍की दुक्‍परङ् मेम्‍बेत्। रङ् च्‍येन्‍नी ङे मीस्‍सीर् इस्राएली घयेत्‍ल तगेन् ॱवङ् च्‍योङ्‌गेन् च्‍यीक् थो़ङ्‌गेन् बेत्। (मीका ५:२)

मत्‍ती 5:4

ॱसीम्‍ल दुक्‍पे च्‍योय यो़प्‍प घयेत् ॱसोदी च्‍येम्‍मल ॱनेगेन् बेगो। घन्‍ड हीन् सीन्‍न हुबल को़न्‍ज्‍योक्‍की ॱसीम्‍स तोङ्‌गेन् बेत्।

युहन्‍ना 10:11

लुक्‍चीब गङ्‌ज्‍येन् दी ङ हीन्। लुक् घयेक्‍की ढीक्‍ल ङ ङरङ्‌गी ॱरोक् दीरङ् च्‍यो़गेन्।

युहन्‍ना 10:14

लुक्‍चीब गङ्‌ज्‍येन् दी ङ हीन्। यप्‍की ङ ङु ॱस्‍यीब धङ् ङे यप् ङु ॱस्‍यीब डस्‍सी ङे ङरङ्‌गी लुक् घयेत् ङु ॱस्‍यीगो़त्। ॱनी लुक् घयेक्‍की इक् ङ ङु ॱस्‍यीगेन् बेत्। ॱनी लुक् घयेक्‍की ढीक्‍ल ङ ङरङ्‌गी ॱरोक् दीरङ् च्‍यो़गेन्।

युहन्‍ना 4:10

ॱनी येशुगी हुल को़न्‍ज्‍योक्‍की ॱनङ्‌ज्‍येत् धङ् रङ्‌ल तम् सीक्‍केन् हीगो ॱसु बेक्‍क हुगो रङ्‌ल ॱस्‍यो़च्‍च्‍ये झ्‍युङ्‌न ॱनी, रङ्‌गी क एल्‍ला छुल्‍लोक्‍ल लीन्‍न, रङ्‌ल मी हीगी छ्‌यु ॱसोम्‍बु टेत् यो़ट्‌टो सीन्‍न झ्‍यीब बेत्।

युहन्‍ना 4:11

ॱनी भुमु दीगी लेम्‍बुल नुक्‍मे तीङ्‌रीङे इनर्नी नीज्‍यरङ्‌ल च्‍यक्‍च्‍येमे ॱनो़च्‍च्‍य दीरङ् मीप्‍पे, घनी दी छ्‌यु ॱसोम्‍बु तो़न्‍न तीक्‍केन् सीक्‍केन्?

युहन्‍ना 4:14

ङे टो़क्‍केङ्‌गी छ्‌यु दी हीगो डस्‍सी मेम्‍बेत्। हुगो थुङ्‌गेङ्‌गी मील नम् नम्‍ल अक् कोम्‍ब मीत् युङ्‌गेन् बेत्। ॱनी हीगो ॱसी़ थुङ्‌गुक्‍क हुगी नङ्‌दु छ्‌यु ॱसबुक्‍म ज्‍यी़न्‍दु थो़न् थो़म्‍ब डस्‍सी फु तक्‍पे छी हुल युङ्‌गेन् बेत् सीन्‍न झ्‍यीब बेत्।

ठीक्‍नल 20:28

खीत्‍रङ् ॱसोस्‍सोरङ् च्‍यङ्‌जो़त् झ्‍यीन दो़च्‍च्‍यीत्। धम्‍बे थुगी खीत्‍रङ् गोयो़प्‍पल को़न खीत्‍रङ्‌गी गेल्‍ल स्‍यक्‍पे लुक् घयेत्‍ल च्‍यङ्‌जो़त् झ्‍यीन तो़ज्‍यीत्। को़न्‍ज्‍योक्‍की खोङ् रोरङ्‌गी ठक्‍की ॱली़बे छ्‌यो़ छोल तगेङ्‌गी लुक्‍चीब खीत्‍रङ् झ्‍यीज्‍यीत्।

१ पत्रुस् 5:2

खीत्‍रङ्‌गी गेल्‍ल यो़प्‍पे को़न्‍ज्‍योक्‍की लुक् घयेत् ॱसो़ज्‍यीत्। हीगो खेरक्‍की झ्‍यीत् गोगो़त् ॱनो़ब मेम्‍ब, को़न्‍ज्‍योक्‍की थुल यो़प्‍पल ॱसम्‍न ॱलो़लङ्‌गी झ्‍यीज्‍यीत्। लोप् झ्‍यीन पयीसक् ॱसक्‍च्‍ये ॱनो़बे ढीक्‍ल मेम्‍ब, ॱसीम्‍बे यीक्‍नी झ्‍यीच्‍च्‍ये ॱनो़ब ॱसम्‍न झ्‍यीज्‍यीत्।

ॱसाल्‍केत् 14:4

हुब घयेत् ज्‍यीक्‍तेन् मत् झ्‍यीब, भुमुदङ् डीस मत् युङ चङ्‌म, लुक्‍टुक्‍की लम्‍ल तेम्‍बोक्‍म डोगेङ्‌गी मी घयेत् बेत्। ॱनी हुब को़न्‍ज्‍योक् धङ् लुक्‍टुक्‍ल फी़त्‍ल युङ्‌ज्‍येल मी घयेक्‍की छीक्‍नी दम्‍न ॱली़दुक्।

ॱसाल्‍केत् 21:22

ॱनी उन छ्‌यो़गङ् थोङ्‌मोङ्। घन्‍ड हीन् सीन्‍न छ्‌यो़गङ्‌गी छप्‍पुल ॱवङ् की़न् च्‍येम्‍मे चोव ज्‍यीन्‍दक् को़न्‍ज्‍योक् धङ् लुक्‍टुक् दुक्।

ॱसाल्‍केत् 21:23

ॱनी हुदु ङीम धङ् दच्‍च्‍ये ओ़क्‍की गो़ज्‍येत् मीन्‍दुक्। घन्‍ड हीन् सीन्‍न को़न्‍ज्‍योक्‍की तो़त्‍वङ्‌गी ओ़त् धङ् लुक्‍टुक्‍की ओ़क्‍की हुदु च्‍यवलीय युङ्‌गुक्।

ॱसाल्‍केत् 21:4

ॱनी हुबे ॱमीक्‍च्‍यु घयेत् दी खोङ्‌गी फीन बीन्‍न, हीनी झ्‍यीब दी हुबल ॱस्‍यीव छ्‌येप्‍प मीप्‍प, नङेन् मीप्‍प, ङुव मीप्‍प, दुक्‍प मीप्‍प, ॱएम्‍मागी लेमु घयेत् दी कुरीक् येसोङ् सीस्‍सोङ्।

ॱसाल्‍केत् 21:6

हीनी खोङ्‌गी यङ् ङल ह ॱमरोक् कोरोक् ढुप्‍सोङ्। ङ ॱनी अल्‍फा धङ् ओमेगा, गोम ॱङो़न् धङ् थम दी हीन्। ॱनी ॱसु ख कोम्‍न युङ्‌गुक्‍क हुल नुक्‍रङ्‌ल छीये छ्‌यु थो़न्‍सनी छ्‌यु तीक्‍केन्।

ॱसाल्‍केत् 22:1

हीनी यङ् हुगी भङ्‌ज्‍येम्‍ब दीगी ङल छीये छ्‌यु चङ्‌बु च्‍यीक् तो़न्‍ज्‍युङ्। हुगो को़न्‍ज्‍योक् धङ् लुक्‍टुक्‍की ॱवङ् च्‍येम्‍मे स्‍युडी ढुङ् दीनी मल्‍ल थो़न्‍न युङ्‌गुक्। हुगो ॱस्‍यी डस्‍सी टक्‍सी दुक्।

ॱसाल्‍केत् 4:11

चोव ज्‍यीन्‍दक् ङीक्‍की को़न्‍ज्‍योक् नीज्‍यरङ्‌ल तो़प्‍प, यस्‍सो धङ् ॱवङ् थोप् ओ़ब यो़क्‍केन् बेत्। घन्‍ड हीन् सीन्‍न छङ्‌म थम्‍ज्‍येत् छ्‌यादु ची़क्‍केन् दी नीज्‍यरङ् बेत्। हीगी घङ् यो़प्‍प घयेत् हीगो जेङ् नीज्‍यरङ्‌गी थुल ॱनो़बल छ्‌यादु ची़प्‍प बेत्।

ॱसाल्‍केत् 5:6

हुनी उज्‍येन् स्‍यीबु दी धङ् गोयो़प्‍प घयेत् दीबे घुङ्‌गी स्‍युडी ढुङ् दीन ॱरोक्‍ल ॱसेत् तङ हीम्‍ब डस्‍सीगी लुक्‍टुक् च्‍यीक् लोङ्‌न दो़प्‍प ङे थोङ्‌ज्‍युङ्। हुल रच्‍च्‍योक् दी़न् धङ् ॱमीक् दी़न् दुक्। ॱनी ॱमीक् दी़म्‍बु दी को़न्‍ज्‍योक्‍की जम्‍लीङ् की़ल्‍ल तङे खोङ्‌गी थु दी़र्रीम दी बेत्।