ॱसाल्केत् 7:14 - ल्होमी14 ॱनी हीगी लेल्ल ङे नीज्यरङ्ल क ॱस्यो़च्च्ये यो़ट्टो, हुब ॱसु क बेक्क झ्यीबेन्। ॱनी हुगी लेल्ल ङल हीब घयेत् दुक्प छ्यीम्मु गुर्न थो़म्बे मी घयेत् बेत्। हीबे एल्लादु रोरङ्सो़ घो़ दी लुक्टुक्की ठक्ल टी़न, धक् छर घयेत् बेत्। Faic an caibideil |
ॱसाल्केत् 7:14
30 Iomraidhean Croise
खीत्रङ् ङदङ् मत् ढेब देत्न ॱनी, खीत्रङ्ल ॱसीम् दीव युङ्गेन् बेत्। हुगो युङ्ज्येल ङे केच्च्य घयेत् हीगो ॱस्येत्न स्यक्पेन्। जम्बुलीङ् हीदु खीत्रङ्ल दुक्प अयेक्प नोङ्गेन् बेत्। ॱनी हीन्न अक्, हुल खीत्रङ् ॱलोप्स्यीक् छ्यीजो़त् झ्यीन दो़च्च्यीत्। घन्ड हीन् सीन्न जम्बुलीङ् हीले ङ ज्यला थो़न् छर बेत् झ्यीब बेत्।
हुगी सार् ॱसुम्बु दीन येशुगी ॱलोप्टुक्ल स्युन यो़प्प घयेत्ल पावल्सो़ ॱलोप्स्यीक् टेत्न छ्य स्यक्पे लम्ल थीरी दो़च्च्यीत् सीन्न ॱस्येप्प बेत्। को़न्ज्योक्की ज्यागक्ल स्युक्पल हज्यरङ्ल दुक्स्यी गज्येन् नोङ्गेन् बेत्। ॱनी हुगी दुक्स्यी हुगो गुर्न डो गोगेन् बेत् सीन्न ॱस्येत्न स्यक्प बेत्।
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
ॱनी ङे यङ् छ्यु ज्यम्जो छ्यीम्मु डस्सी च्यीक् थोङ्ज्युङ्। हुगो ॱस्यी च्यस्सीङीय धङ् मी बर ॱरीमा च्येम्म डस्सी दुक्। ॱनी हुगी ॱसीम्ज्येङ्गी डवुल छ्यक् ॱमीत् छो़गेन्, हुगी मीङ्गी ढङ्ज्युक् मत् लीम्ब, हुगोले ज्यला थो़न्न युङे मी घयेत् दी हुगी छ्यु ज्यम्जो छ्यीम्मु डस्सी दीगी छीगन लोङ्न दो़क्कुक्। ॱनी हुब घयेत्ल को़न्ज्योक्की डम्लेङ् री री बीन्दुक्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan