ॱसाल्‍केत् 7:1 - ल्होमी

¹ हीनी तेङ् यी़गी भङ्‌ज्‍येम्‍ब स्‍यी जम्‍बुलीङ्‌गी छ्‌यो स्‍यी खदक्‍ल देत्‍न जम्‍बुलीङ्‌ल छ्‌यो स्‍यीनी ॱलुङ्‌बु ज्‍यक्‍स मीप्‍प क च्‍यो़प्‍प ङे थोङ्‌ज्‍युङ्। हुनी जम्‍बुलीङ्‌ल, छ्‌यु ज्‍यम्‍जो छ्‌यीम्‍मुल धङ् दोङ्‌बु घयेत्‍ल ॱलुङ् मीप्‍प झ्‍युङ्‌सोङ्।

ॱसाल्‍केत् 7:1 Iomraidhean Croise

मत्‍ती 24:31

हुनी कङ्‌लीङ्‌गी केत् छ्‌यीम्‍मु भी़न खोङ्‌गी रोरङ्‌गी तेङ् यी़गी भङ्‌ज्‍येम्‍ब घयेत् जम्‍बुलीङ्‌गी छ्‌यो स्‍यी खदक्‍ल तङ्‌न जम्‍बुलीङ्‌ल ढज्‍यक् ढुज्‍युक्‍न यो़प्‍पे रोरङ्‌गी दम्‍बे मी घयेत् दी़क्‍केन् बेत्।

मर्कुस् 13:27

हुनी खोङ् रोरङ्‌गी तेङ् यी़गी भङ्‌ज्‍येम्‍ब घयेत् जम्‍बुलीङ्‌गी छ्‌यो स्‍यी खदक्‍ल तङ्‌न ॱस धङ् ॱनम्‍गी भर्ल ख ख ॱसोस्‍सोल यो़प्‍पे रोरङ्‌गी दम्‍बे मी घयेत् दी दी़क्‍केन् बेत्।

ॱसाल्‍केत् 20:8

हुनी शैतान् हुगो जम्‍बुलीङ्‌गी छ्‌यो स्‍यी खदक्‍ल फीन्‍न यङ् ॱयोङ्‌गोर् ज्‍यप्‍न गोग् धङ् मागोग् सीक्‍केन् दी, हुनी ज्‍यागक् ॱयोङ्‌म घयेत् छ्‌यी़दु ची़त्‍न ॱमक् थुक्‍च्‍येल ॱयोप्‍केन् बेत्। हुगी ॱमक्‍मी घयेत् दी छेत्‍मीत् ढङ्‌मीत् म दीरङ् छ्‌यु ज्‍यम्‍जो छ्‌यीम्‍मी़ झ्‍यीम डस्‍सी युङ्‌गेन् बेत्।

ॱसाल्‍केत् 6:6

हीनी हुगी उज्‍येन् स्‍यीबु दीगी घुङ्‌नी युङ डस्‍सी हीन्‍दुक् सीरे केत् च्‍यीक् ङे ॱह घोज्‍युङ्। ॱनुम् धङ् गोङ्‌ज्‍यङ्‌ल च्‍यो़न् घन्‍ड अक् ॱमत् तोङ्। ॱनी ढे पदक् दी दीनार् च्‍यीक्‍ल खेगुर् घङ् धङ् नेगी पदक् दी यङ् खेगुर् ॱसुम्‍ल पर्न स्‍योक् सीस्‍सोङ्।

ॱसाल्‍केत् 7:3

जम्‍लीङ् की़न्, छ्‌यु ज्‍यम्‍जो छ्‌यीम्‍मु धङ् दोङ्‌बु घयेत्‍ल ॱअल हुन्‍दो च्‍यो़न् ॱमत् तोङ्। हज्‍यरङ्‌गी को़न्‍ज्‍योक्‍की ॱयोक्‍पु घयेक्‍की थोक्‍कोक्‍ल ङोत्‍ता तो़त् गोगेन् बेत् सीस्‍सोङ्।

ॱसाल्‍केत् 8:7

ॱनी भङ्‌ज्‍येम्‍ब धङ्‌बु दीगी भी़सोङ्। हुनी ॱसीरा, मी बरदङ् ठक् रीन ॱनम्‍नी मल्‍ल ॱसल छर्सोङ्। हुनी दोङ्‌बु, च ॱङोम्‍बी़ ढे घयेत् धङ् ॱस जम्‍बुलीङ् गो ॱसुम्‍ल तङे गो च्‍यीक् छीक्‍सोङ्।

ॱसाल्‍केत् 9:14

ॱनी हीगी केत् दीगी छीक्‍ट दील हुगी कङ्‌लीङ् भी़क्‍केन् भङ्‌ज्‍येम्‍ब ढुक्‍प दील हीन्‍दुक् सीन्‍न ॱङासोङ्। युफ्रेटीस्‍की चङ्‌बु छ्‌यीम्‍मी़ छीगन कीङ्‌न यो़क्‍केन्, तेङ् यी़गी भङ्‌ज्‍येम्‍ब स्‍यीबु दी या टेन तोङ् सीस्‍सोङ्।

ॱसाल्‍केत् 9:4

हुनी हुब घयेत्‍ल दोङ्‌बु धङ् च ॱङोम्‍बी़ ढे घयेत्‍ल च्‍यो़न् ॱमत् तोङ, थोक्‍कोक्‍ल को़न्‍ज्‍योक्‍की ङोत्‍ता मत् ज्‍यबे मी घयेत्‍लरङ् च्‍यो़न् तोङ्‌ज्‍यीत्।