ॱसाल्‍केत् 6:8 - ल्होमी

⁸ हुनी त ॱसीयलीय च्‍यीक् थो़न्‍सोङ्। हुल स्‍यो़ङ्‌गेन् दीगी मीङ् दील ॱस्‍यीव सीन्‍न तादुक्। ॱनी हुगी तीङ्‌ला ॱयोङ्‌म च्‍यीक् युङ्‌गुक्। ॱनी हुगी मीङ् दील ॱस्‍यीवे यी़ सीन्‍न तादुक्। ॱनी जम्‍बुलीङ् गो स्‍यील तङे गो च्‍यीक्‍की मी घयेत् ॱसो़त्‍रील तङ्‌न ॱस्‍यीदु ची़क्‍केन्, तोरील तङ्‌न ॱस्‍यीदु ची़क्‍केन्, नज अयेक्‍प तङ्‌न ॱस्‍यीदु ची़क्‍केन्, रीगे ॱसीम्‍ज्‍येन् घयेक्‍की खल ॱस्‍योर्न ॱस्‍यीदु ची़क्‍केङ्‌गी ॱवङ् हुब ॱङीबुल बीन्‍दुक्।

ॱसाल्‍केत् 6:8 Iomraidhean Croise

मत्‍ती 11:23

ॱवे कफर्नहुम्, खो़त् तेङ् यी़ल ते च्‍यो़गेन् बेत् ॱनो़ब ॱसम्‍गो़प्‍प? रङ् ॱस्‍यीवे यी़ल तोङ्‌गेन् बेत्। घन्‍ड हीन् सीन्‍न रङ्‌गी घुङ्‌दु तो़म्‍बे ॱस्‍यीक् छ्‌यीम्‍मी़ ले घयेत् हुगो धङ्‌बु सदोम् सार्तु तो़म्‍ब हीन्‍न, बोर हुगो हजो़त् थुक् देत् यो़ट्‌टो।

मत्‍ती 24:7

ज्‍यी़त् च्‍यीक्‍की डल ज्‍यी़त् च्‍यीक् धङ् ज्‍यागक् च्‍यीक्‍की डल ज्‍यागक् च्‍यीक् लोङ्‌गेन् बेत्। हुनी जम्‍बुलीङ्‌ल घल अक् तोरी ॱस्‍योर्केन् बेत्। घल अक् ॱसेर ज्‍यक्‍केन् बेत्।

१ कोरीन्‍थी 15:55

ॱवे ॱस्‍यीव, खो़त् ज्‍यला थो़म्‍ब दी घन ॱनी? ॱवे ॱस्‍यीव, खोक्‍की दुङ् ॱसो़ज्‍येम दी घन ॱनी? सीर यो़क्‍केन् बेत्। (होशे १३:१४)

ॱसाल्‍केत् 1:18

ङ ॱसोम्‍बु यो़त्। एल्‍ला ङ ॱस्‍यीज्‍युङ्। ॱनी ह धी़ नम ज्‍यी़न्‍दु ङ ॱसोम्‍बु यो़त्। ॱनी ॱस्‍यीव धङ् ॱस्‍यीवे यी़गी च्‍यी दी ङल यो़त्।

ॱसाल्‍केत् 12:4

हुगी डुक्‍की ॱङम दीगी ॱनम्‍गी कर्म घयेत् गो ॱसुम्‍ल तङे गो च्‍यीक् ॱसल पुर् तङ्‌सोङ्। ॱनी डुक् दी हुगी भुमु दीगी भीज कीनी, कीलोङ् मीक्‍ल डुन सज्‍येल हुगी भुमु दीगी दोङ्‌दु गुन दो़क्‍कुक्।

ॱसाल्‍केत् 9:15

हुनी या टेसोङ्। ॱनी हुगी भङ्‌ज्‍येम्‍ब स्‍यीबु दी म दी जम्‍बुलीङ्‌गी मी घयेत् गो ॱसुम्‍ल तङे गो च्‍यीक् हीगी लो हीगी दव हीलरङ्, हीगी ङीन् हीलरङ्, छ्‌युजो़त् हीजो़क्‍की छो़त्‍ल ॱसो़च्‍च्‍येल ठोक्‍क झ्‍यीन को़न स्‍यक्‍तुक्।

ॱसाल्‍केत् 9:18

ॱनी हुबे खनी थो़म्‍बे च्‍यो़न् ॱनम्‍ब ॱसुम्‍बु दीगी जम्‍बुलीङ्‌गी मी गो ॱसुम्‍ल तङे गो च्‍यीक् ॱस्‍यीसोङ्।