ॱसाल्‍केत् 6:6 - ल्होमी

⁶ हीनी हुगी उज्‍येन् स्‍यीबु दीगी घुङ्‌नी युङ डस्‍सी हीन्‍दुक् सीरे केत् च्‍यीक् ङे ॱह घोज्‍युङ्। ॱनुम् धङ् गोङ्‌ज्‍यङ्‌ल च्‍यो़न् घन्‍ड अक् ॱमत् तोङ्। ॱनी ढे पदक् दी दीनार् च्‍यीक्‍ल खेगुर् घङ् धङ् नेगी पदक् दी यङ् खेगुर् ॱसुम्‍ल पर्न स्‍योक् सीस्‍सोङ्।

ॱसाल्‍केत् 6:6 Iomraidhean Croise

मत्‍ती 24:7

ज्‍यी़त् च्‍यीक्‍की डल ज्‍यी़त् च्‍यीक् धङ् ज्‍यागक् च्‍यीक्‍की डल ज्‍यागक् च्‍यीक् लोङ्‌गेन् बेत्। हुनी जम्‍बुलीङ्‌ल घल अक् तोरी ॱस्‍योर्केन् बेत्। घल अक् ॱसेर ज्‍यक्‍केन् बेत्।

ॱसाल्‍केत् 4:6

ॱनी स्‍युडी ढुङ् दीन ॱस्‍यीलीङ् डस्‍सी च्‍यस्‍सीङीय च्‍येम्‍मे छ्‌यु ज्‍यम्‍जो छ्‌यीम्‍मु डस्‍सी च्‍यीक् दुक्। ॱनी स्‍युडी दीगी छ्‌यो स्‍यीन उज्‍येन् स्‍यी दो़क्‍कुक्। हुब स्‍यीगर्ल तक्‍ल आक्, दोङ्‌ल अक् ॱमीक् जेक् दुक्।

ॱसाल्‍केत् 4:8

हुब स्‍यीगर्ल ॱस्‍योक्‍पक् ढुक् ढुक् दुक्। ॱनी सी़ दील म दीरङ् ॱमीक् जेक् दुक्। ॱनी ङीन् छेन् मीप्‍प ङे ॱमीत् ॱसोव, हुब स्‍यीबी़ ॱङो़न्‍दु उक् यो़क्‍केन्, हुन्‍दो ओक् यो़क्‍केन्, तीङ्‌ला आक् झ्‍यो़ङ्‌गेन्, ॱवङ् की़न् च्‍येम्‍मे चोव ज्‍यीन्‍दक् को़न्‍ज्‍योक् धक्‍पर् धक्‍पर् धक्‍पर् यो़क्‍केन् सीन्‍न च्‍योर्न पुगुक्।

ॱसाल्‍केत् 7:3

जम्‍लीङ् की़न्, छ्‌यु ज्‍यम्‍जो छ्‌यीम्‍मु धङ् दोङ्‌बु घयेत्‍ल ॱअल हुन्‍दो च्‍यो़न् ॱमत् तोङ्। हज्‍यरङ्‌गी को़न्‍ज्‍योक्‍की ॱयोक्‍पु घयेक्‍की थोक्‍कोक्‍ल ङोत्‍ता तो़त् गोगेन् बेत् सीस्‍सोङ्।

ॱसाल्‍केत् 9:4

हुनी हुब घयेत्‍ल दोङ्‌बु धङ् च ॱङोम्‍बी़ ढे घयेत्‍ल च्‍यो़न् ॱमत् तोङ, थोक्‍कोक्‍ल को़न्‍ज्‍योक्‍की ङोत्‍ता मत् ज्‍यबे मी घयेत्‍लरङ् च्‍यो़न् तोङ्‌ज्‍यीत्।