ॱसाल्केत् 6:10 - ल्होमी10 ॱनी हुब घयेक्की केत् छ्यीम्मु तो़न्न ॱवङ् छ्यीम्मु च्येम्म, धक्पर् धङ् दीम्बर् च्येम्म यो़क्केन् नीज्यरङ्गी जम्बुलीङ्गी मील नम् दी ङीक्की ठक्की लेन् दी च्येन छ्येप्प को़गेन्? सीस्सोङ्। Faic an caibideil |
ॱसाल्केत् 6:10
33 Iomraidhean Croise
झ्यम्बे दगुसो, ङेम्बे ङेल्लेन् खीत्रङ्गी ॱमत् च्यो़ज्यीत्। हुगो को़न्ज्योक्की छ्यक्तु खोङ्गी खोङ्डोक्की छ्येप्प को़ज्येल स्योक्च्यीत्। हीगी ढीक्ल चोव ज्यीन्दक्की ॱसुङ्गेन् बेत्। ङेल्लेन् च्यो़ज्येम दी ङे लक्ल यो़त्। ङेम्बे ङेल्लेन् च्यो़गेन् दी ङ हीन्। (ठीम्लु ३२:३५)
धङ्बु इस्राएल्की घुङ्दु कलुङ् जी़म ॱस्यो़क्केन् गज्येन् थो़न्न युङ बेत्। ॱनी हीगो डस्सी हुन्दो खीत्रङ्गी घुङ्न अक् चयेलम जी़म गज्येन् थो़न्न यो़क्केन् बेत्। हुबे गोङ्दामुल मीत्तल भुजुक् तोङ्ज्येमे ॱलोप्स जी़म ज्यप्नी, रोरङ्सो ओक् दीक्पनी ॱलुगेङ्गी चोव ज्यीन्दक् हुबे मेम्बल तोङ्गेन् बेत्। ॱनी हुन्दुक् झ्यीन रोरङ्सो ज्योक्पु खरप्ल डोये ले झ्यीक्केन् बेत्।
नीज्यरङ्ल खोङ्डोक् झ्यीक्केङ्गी ज्यी़त् ज्यी़त् घयेत्ल ङेल्लेन् च्यो़ज्येमे धी़ दी धङ् मी ॱस्यी छर घयेत्ल ठीम् च्यो़च्च्येमे धी़ दी ह ॱलीस्सोङ्। ॱनी नीज्यरङ्गी ॱयोक्पु कलुङ् ॱस्यो़क्केन् घयेत् धङ् नीज्यरङ्ल ज्यीब खुर्केन् नीज्यरङ्गी मी चङ्म छ्यीया च्युङा कुरीक्ल ॱल ॱनङ्ज्येमे धी़ दी धङ् जम्बुलीङ् मीत्तल तोङ्गेन् घयेत् दीब यङ् मीत्तल तोङ्ज्येमे धी़ दी ह ॱलीस्सोङ् सीन्न सीस्सोङ्।
खोङ्गी ठीम् च्येत्न छ्येप्प केब घयेत् ओ़ब दीम्ब युङ्गेन् बेत्। घन्ड हीन् सीन्न हुगी छ्येमु छ्यीम्मु हुगी छ्ये ज्युबे लेगी जम्लीङ् की़न् दीरङ् हुगी लेमु डस्सील सो़न मीत्तल तङ बेत्। हुगो झ्यीनी हुल ओ़बे छ्येप्प केन खोङ् रोरङ्गी ॱयोक्पु घयेक्की ठक्की ङेल्लेन् दी हुल च्येसोङ् सीन्न सीस्सोङ्।
हीगो फीलाडेल्फीयागी छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो धक्पर् धङ् दीम्बर् यो़क्केन्, ज्याबु दाऊद्गी च्यी थोप्न यो़प्प च्येम्मे सीगुगो झ्यीज्यीत्। हीगी गोच्च पीक्सोङ्न ॱनी, ॱसी़ इक् च्यो़त् ॱमीत् छुगेन् बेत्। ॱनी यङ् हीगी गोच्च च्येस्सोङ्न ॱनी, हुगो ॱसी़ इक् पीक् ॱमीत् छुगेन् बेत्।
Sanasan