ॱसाल्केत् 5:9 - ल्होमी9 हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्। Faic an caibideil |
ॱसाल्केत् 5:9
41 Iomraidhean Croise
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
धङ्बु इस्राएल्की घुङ्दु कलुङ् जी़म ॱस्यो़क्केन् गज्येन् थो़न्न युङ बेत्। ॱनी हीगो डस्सी हुन्दो खीत्रङ्गी घुङ्न अक् चयेलम जी़म गज्येन् थो़न्न यो़क्केन् बेत्। हुबे गोङ्दामुल मीत्तल भुजुक् तोङ्ज्येमे ॱलोप्स जी़म ज्यप्नी, रोरङ्सो ओक् दीक्पनी ॱलुगेङ्गी चोव ज्यीन्दक् हुबे मेम्बल तोङ्गेन् बेत्। ॱनी हुन्दुक् झ्यीन रोरङ्सो ज्योक्पु खरप्ल डोये ले झ्यीक्केन् बेत्।
ॱनी हुब घयेक्की लुक्टुक्की ॱलु च्यीक् हीन्दुक् सीन्न लीन्सोङ्। हुगो को़न्ज्योक्की ॱयोक्पु मोशागी इक् लीम्ब बेत्। ॱवङ् की़न् च्येम्मे चोव ज्यीन्दक् को़न्ज्योक् नीज्यरङ्गी जेप्पे ले घयेत् यीक् छ्यीम्मु ॱह लेसी दुक्। नीज्यरङ् ज्यागक् घयेक्की थोक्ल यो़क्केन् ज्याबु बेत्। नीज्यरङ्गी थुगी लेमु घयेत् कुरीक् ढङ्बु धङ् दीम्ब यो़क्केन् बेत्।
Sanasan