ॱसाल्केत् 5:6 - ल्होमी6 हुनी उज्येन् स्यीबु दी धङ् गोयो़प्प घयेत् दीबे घुङ्गी स्युडी ढुङ् दीन ॱरोक्ल ॱसेत् तङ हीम्ब डस्सीगी लुक्टुक् च्यीक् लोङ्न दो़प्प ङे थोङ्ज्युङ्। हुल रच्च्योक् दी़न् धङ् ॱमीक् दी़न् दुक्। ॱनी ॱमीक् दी़म्बु दी को़न्ज्योक्की जम्लीङ् की़ल्ल तङे खोङ्गी थु दी़र्रीम दी बेत्। Faic an caibideil |
ॱसाल्केत् 5:6
35 Iomraidhean Croise
ॱनी खीत्रङ् उन एशीया लुङ्बन यो़प्पे छ्यो़ छो दी़म्बुल ङ युहन्नागी हीगो ढीन तोङ्गो़त्। ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन् खोङ् च्यानी धङ् खोङ्गी ॱवङ् च्येम्मे स्युडी ढुङ्न यो़क्केन् थु दी़म्बु च्यानी धङ् थोङे केच्च्य घयेत् ज्युरुव मीप्प ॱस्यो़क्केन्, ढोङ्नी यङ् ॱसोम्बुल लोङ्गेन् ॱएन्स्युक्म, जम्बुलीङ्गी ज्याबु घयेक्की थोक्ल ॱवङ् डोगेन्, येशु ख्रीष्ट् च्यानी खीत्रङ्ल थुज्यी धङ् ॱसीम् दीव युङ्ज्ये यो़प्प तोङ्। हज्यरङ्ल झ्यम्ब जेक्केन्, हज्यरङ् दीक्पनी खोङ्गी ठक्की तो़ङ्गेन्,
हुनी हुब कुरीक् छ्य झ्यीन लुक्टुक्की डल लोङ्न ॱमक् थुक्तु डोगेन् बेत्। ॱनी ॱमक् दील लुक्टुक् ज्यला थो़न् डोगेन् बेत्। घन्ड हीन् सीन्न खोङ् चो छ्यीया घयेक्की इक् चोव ज्यीन्दक् धङ् ज्याबु घयेक्की इक् ज्याबु बेत्। ॱनी खोङ्गी दम्न भो़ब तेम्बोक्म दो़क्केन् घयेत् हुगी यङ्ल खोङ्दङ् दल ज्यला थो़न्न युङ्गेन् बेत् सीच्च्युङ्।
हुब स्यीगर्ल ॱस्योक्पक् ढुक् ढुक् दुक्। ॱनी सी़ दील म दीरङ् ॱमीक् जेक् दुक्। ॱनी ङीन् छेन् मीप्प ङे ॱमीत् ॱसोव, हुब स्यीबी़ ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन्, ॱवङ् की़न् च्येम्मे चोव ज्यीन्दक् को़न्ज्योक् धक्पर् धक्पर् धक्पर् यो़क्केन् सीन्न च्योर्न पुगुक्।
हुनी यङ् तेङ् यी़न घङ् यो़प्प घयेत्, जम्बुलीङ्न घङ् यो़प्प घयेत्, ॱसे होक्ल घङ् यो़प्प घयेत् धङ् ज्यम्जो छ्यीम्मुल घङ् यो़प्प उज्येन्गी रीस्स ज्यी़प्प कुरीक्की स्युडील स्युगेन् दील धङ् लुक्टुक्ल थु छ्यी, यस्सो, तो़त्वङ्गी ओ़च्च्य धङ् ॱवङ् छ्यीम्मु धी़ नम ज्यी़न्दु युङ् युङ युङ्ज्ये यो़प्प स्योक्च्यीत् सीर ङे ॱह घोज्युङ्।
Sanasan