ॱसाल्केत् 5:13 - ल्होमी13 हुनी यङ् तेङ् यी़न घङ् यो़प्प घयेत्, जम्बुलीङ्न घङ् यो़प्प घयेत्, ॱसे होक्ल घङ् यो़प्प घयेत् धङ् ज्यम्जो छ्यीम्मुल घङ् यो़प्प उज्येन्गी रीस्स ज्यी़प्प कुरीक्की स्युडील स्युगेन् दील धङ् लुक्टुक्ल थु छ्यी, यस्सो, तो़त्वङ्गी ओ़च्च्य धङ् ॱवङ् छ्यीम्मु धी़ नम ज्यी़न्दु युङ् युङ युङ्ज्ये यो़प्प स्योक्च्यीत् सीर ङे ॱह घोज्युङ्। Faic an caibideil |
ॱसाल्केत् 5:13
29 Iomraidhean Croise
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
हीन्दुक् झ्यीन मी ॱसी़ को़न्ज्योक् ङो़गी केच्च्य ॱस्यो़क्को़दङ् हुगी को़न्ज्योक्की ॱनङे ॱसुङ्स्येत् ॱस्यो़क्केन् हीम्ब डस्सी ॱस्यो़त् गोगेन् बेत्। ॱनी यङ् मी ॱसी़ ॱयोङ्ल फेम्बे ले झ्यीक्को़दङ् हुगी को़न्ज्योक्की ॱनङे ॱस्यीक्की झ्यीत् गोगेन् बेत्। हुन्दुक् झ्यीन क, हस्सो़त् येशु ख्रीष्ट्की लम्नी झ्यीबे लेमु घन् दीनी इक् को़न्ज्योक्ल तो़प्प युङ्गेन् बेत्। खोङ्ल तो़त्वङ् धङ् ॱवङ्ग धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
हज्यरङ्गी च्यप्को़न् को़न्ज्योक् च्यीगी च्यीक्ल हज्यरङ्गी चोव ज्यीन्दक् येशु ख्रीष्ट्की लम्नी तो़त्वङ् छ्यीम्मी़ ओ़च्च्य, ॱवङ्दा छ्यीम्मु, ॱस्यीक् धङ् ॱवङ् ॱङो़न् धङ्बी़ धी़गी एल्लानी झ्यीनी हुन्दो धङ् ॱनी धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan