ॱनी हुल खोङ्गी ङे खीत्रङ्ल गन्दीय ॱस्येत् योङ्। धी़ ॱसम्ब ॱस्यर्न, कोलीमीगी ॱरेबु रोरङ्गी तो़त्वङ् च्येम्मे ओ़च्च्यल ॱवङ् च्येम्मे स्युडील जेन दो़क्केन् बेत्। ॱनी हुगी यङ्ल ङे लम्ल युङ्गेन् खीत्रङ्सो ओक् ॱवङ् च्येम्मे स्युडी च्युन्नील जेन इस्राएल्की ज्यी़त् च्युन्नीबुल ॱवङ् च्योङ्गेन् बेत्।
ॱसाल्केत् 4:4 - ल्होमी4 ॱनी हुगी स्युडी दीगी छीगल कोर खीरी स्युडी ॱयोङ्म ङीस्स्यु चप्स्यी दुक्। ॱनी हुल घो़ कप्पु धङ् ज्येल थोप्केन् थोप् छ्यीम्मी़ ॱसीर्की स्यमुङ् घो़म्ब गोयो़प्प ङीस्स्यु चप्स्यी दो़क्कुक्। Faic an caibideil |
ॱसाल्केत् 4:4
24 Iomraidhean Croise
हुगी केत् दी हुगी मी घयेत् दीबे ॱलु ॱसम्ब च्यीक् लीन्न को़न्ज्योक्की स्युडी ढुङ् धङ् उज्येन् स्यीबु दी धङ् गोयो़प्प दीबे ढुङ्दु पुगुक्। ॱनी हुगी ॱलु हुगो ॱस जम्बुलीङ्नी ॱली़बे हुगी मी तोङ्डक् ज्यदङ् स्यीप्च्यु स्यप्स्यीबु दीबे मेन्द, ॱयोङ्मागी ॱलप्न आक्, हुगो लीन् ॱमीत् ॱस्यीबेत्।
ह हुन्दो हुगी युङ्गेङ्गी दुक्प हुल खीत्रङ् ज्यीब मत् झ्यीत्। खीत्रङ्ल छो़त्लीन् तज्येल दी़क्की चो हुगी खीत्रङ् यरी यरी चो़ल्ल ॱलुक्केन् बेत्। ॱनी स्यक्पु च्युजो़त् च्यीक् थुक् दुक्प नोङ्गेन् बेत्। ॱनी ॱस्यी गो़रङ् ॱस्यर्न आक्, थीरीय दो़त्। हुनी ज्येल थोबे थोप् छ्यीम्मी़ छीये स्यमुङ् दी ङे टेत् योङ्।
हीनी यङ् ङे थोङल इगीन ॱवङ् च्येम्मे स्युडी गज्येन् दुक्। ॱनी स्युडी रीदङ् रील दो़क्केन् री री दुक्। हुब घयेत्ल ठीम् च्यो़च्च्येमे ॱवङ् बीन्दुक्। हुब घयेत् येशुगी ढीक्ल दीम्बे केच्च्य ॱस्येप्पल धङ् को़न्ज्योक्की ॱसुङ्रप्की केच्च्य ॱस्यो़प्पे ढीक्ल गो दुम् तङ घयेक्की ॱसीम् दी बेत्। हुब घयेक्की हुगी ॱसीम्ज्येन् हुल छ्यक् ॱमत् छेब, हुगी डवु दील अक् छ्यक् ॱमत् छेब, थोक्कोक्ल आक् हुगी दक् मत् लीम्ब, ॱनी लक्पल अक् मत् लीम्बे मी घयेत् दी हुब बेत्। ॱनी हुब कुरीक् ॱसोम्बुल लोङ्न लोङ तोङ्डक् च्यीक् थुक् ख्रीष्ट्तङ् दल ॱवङ् च्योङ थोङ्ज्युङ्।
हीगी ढीक्ल खीत्रङ्ल ङे ढो़ टेत् योङ्। स्यी़न्न चङ्मल सो़बे ॱसीर् ङे लक्नी नो़। हुनी खीत्रङ् दीम्बरङ्गी छ्युक्पु युङ्गेन् बेत्। खीत्रङ् ङे लक्नी घो़ कप्पु नो़। हुनी खीत्रङ् च्यरेङीय ङु छय मीप्प युङ्गेन् बेत्। ॱमीक्ल ॱही़न्ज्येमे ॱमीक्मेन् नो़। हुनी खीत्रङ्गी ॱमीक्की थोङ्गेन् बेत्।
Sanasan