ॱवे खीत्रङ्सो, घन्डल हीन्दुक् झ्यीक्केन्। ङीत् इत् खीत्रङ् डस्सीगी मीरङ् हीन्। हीन्दुक् झ्यीब घो ॱमीत् छ्यो़क्की ले च्यम् स्योक्। तेङ् यी़, जम्बुलीङ्, छ्यु ज्यम्जो छ्यीम्मु धङ् घङ् यो़प्प घयेत् छ्यादु ची़क्केन् ॱसोम्बु हीम्बे को़न्ज्योक् च्याल लोक् छुज्ये यो़प्पल खीत्रङ्ल केच्च्य ॱनेम्बु ॱस्यो़त्तु ङीत् युङ हीन्।
ॱसाल्केत् 4:11 - ल्होमी11 चोव ज्यीन्दक् ङीक्की को़न्ज्योक् नीज्यरङ्ल तो़प्प, यस्सो धङ् ॱवङ् थोप् ओ़ब यो़क्केन् बेत्। घन्ड हीन् सीन्न छङ्म थम्ज्येत् छ्यादु ची़क्केन् दी नीज्यरङ् बेत्। हीगी घङ् यो़प्प घयेत् हीगो जेङ् नीज्यरङ्गी थुल ॱनो़बल छ्यादु ची़प्प बेत्। Faic an caibideil |
ॱसाल्केत् 4:11
31 Iomraidhean Croise
तेङ् यी़ धङ् उन घङ् यो़प्प घयेत्, ॱस जम्बुलीङ् धङ् उन घङ् यो़प्प घयेत्, छ्यु ज्यम्जो छ्यीम्मु धङ् उन घङ् यो़प्प घयेत् जेङ् छ्यादु ची़क्केन्, धी़ नम ज्यी़न्दु ॱसोम्बु यो़क्केन् खोङ्गी छेन् डेन्न रोरङ्गी केच्च्य दी खुङ् हीन् धङ् मेल्ल हुगी ॱन झ्यीन हीन्दुक् सीस्सोङ्। ह भङ्ज्येम्ब दी़म्बी़ पालोल कङ्लीङ् भी़क्केन् बेत्। हुगी यङ्ल को़न्ज्योक्की खोङ् रोरङ्गी ॱयोक्पु कलुङ् ॱस्यो़क्केन् घयेत्लरङ् क तो़न्न टेप्पे खोङ्गी ढो़ तीङ् सप्पोक्म दी डुप्केन् बेत्। हीगी धी़ हीगो ज्यङ्न मीत् स्योक्केन् बेत् सीस्सोङ्।
ॱनी हुगी केत् छ्यीम्मु तो़न्न हीन्दुक् सीस्सोङ्। कोलीमी घयेत् को़न्ज्योक्ल ज्यीब झ्यीन खोङ्ल तो़प्प पु। घन्ड हीन् सीन्न ह को़न्ज्योक्की ठीम् च्यो़प्पे धी़ दी ॱलीस्सोङ्। तेङ् यी़, ॱस जम्बुलीङ्, छ्यु ज्यम्जो छ्यीम्मु धङ् छ्यु थो़न्स घयेत् जेङ् सोगेन् खोङ्ल छ्यक् छो़ज्यीत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan