ॱसाल्केत् 3:7 - ल्होमी7 हीगो फीलाडेल्फीयागी छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो धक्पर् धङ् दीम्बर् यो़क्केन्, ज्याबु दाऊद्गी च्यी थोप्न यो़प्प च्येम्मे सीगुगो झ्यीज्यीत्। हीगी गोच्च पीक्सोङ्न ॱनी, ॱसी़ इक् च्यो़त् ॱमीत् छुगेन् बेत्। ॱनी यङ् हीगी गोच्च च्येस्सोङ्न ॱनी, हुगो ॱसी़ इक् पीक् ॱमीत् छुगेन् बेत्। Faic an caibideil |
ॱसाल्केत् 3:7
38 Iomraidhean Croise
को़न्ज्योक्की ॱरेबु झ्यो़न्नी क, हस्सो़त् हज्यरङ्ल दीम्बरङ्गी को़न्ज्योक् ङु ॱस्यीज्ये यो़प्पे ॱसीम् ॱनङ हीम्ब हज्यरङ्ल ॱस्यो़च्च्ये यो़क्केन् बेत्। हज्यरङ् दीम्ब ङो़ल खोङ्गी ॱरेबु येशु ख्रीष्ट्तङ् मत् ढेब यो़क्केन् बेत्। ॱनी खोङ् क दीम्बरङ्गी को़न्ज्योक् दी धङ् फु तक्पे छी दी बेत्।
ॱनी हुब घयेक्की लुक्टुक्की ॱलु च्यीक् हीन्दुक् सीन्न लीन्सोङ्। हुगो को़न्ज्योक्की ॱयोक्पु मोशागी इक् लीम्ब बेत्। ॱवङ् की़न् च्येम्मे चोव ज्यीन्दक् को़न्ज्योक् नीज्यरङ्गी जेप्पे ले घयेत् यीक् छ्यीम्मु ॱह लेसी दुक्। नीज्यरङ् ज्यागक् घयेक्की थोक्ल यो़क्केन् ज्याबु बेत्। नीज्यरङ्गी थुगी लेमु घयेत् कुरीक् ढङ्बु धङ् दीम्ब यो़क्केन् बेत्।
खोङ्गी ठीम् च्येत्न छ्येप्प केब घयेत् ओ़ब दीम्ब युङ्गेन् बेत्। घन्ड हीन् सीन्न हुगी छ्येमु छ्यीम्मु हुगी छ्ये ज्युबे लेगी जम्लीङ् की़न् दीरङ् हुगी लेमु डस्सील सो़न मीत्तल तङ बेत्। हुगो झ्यीनी हुल ओ़बे छ्येप्प केन खोङ् रोरङ्गी ॱयोक्पु घयेक्की ठक्की ङेल्लेन् दी हुल च्येसोङ् सीन्न सीस्सोङ्।
हुब स्यीगर्ल ॱस्योक्पक् ढुक् ढुक् दुक्। ॱनी सी़ दील म दीरङ् ॱमीक् जेक् दुक्। ॱनी ङीन् छेन् मीप्प ङे ॱमीत् ॱसोव, हुब स्यीबी़ ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन्, ॱवङ् की़न् च्येम्मे चोव ज्यीन्दक् को़न्ज्योक् धक्पर् धक्पर् धक्पर् यो़क्केन् सीन्न च्योर्न पुगुक्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan