ॱसाल्‍केत् 3:3 - ल्होमी

³ हीगो झ्‍यीनी खीत्‍रङ्‌गी एल्‍ला ॱह घोन चीन युङे ॱलोप्‍स दी ढेन्‍सो़ झ्‍यीन हुल ॱएङ्‌गी दी डस्‍सीरङ् चीन झ्‍यीक्‍केल्‍ल ॱसीम् ज्‍युर्च्‍यीत्। हुन्‍दुक् झ्‍यीन तोक्‍स्‍यीप् झ्‍यीन मत् देत्‍न ॱनी, ङ युङ दी खीत्‍रङ्‌ल थोप्‍तक् मीत्‍ल की़न्‍ज्‍येन् युङ डस्‍सी थो़क्‍केन् बेत्।

ॱसाल्‍केत् 3:3 Iomraidhean Croise

मत्‍ती 25:13

हीगो झ्‍यीनी, हुगी छीरङ् धी़दोक् दी खीत्‍रङ्‌ल ॱस्‍यो़च्‍च्‍ये मीप्‍पल च्‍यङ्‌जो़त् झ्‍यीन दो़च्‍च्‍यीत्।

मर्कुस् 13:33

हुगी छीरङ् धी़दोक् दी नम् ॱलीक्‍को़दङ् हुगो खीत्‍रङ्‌ल ॱस्‍यो़च्‍च्‍ये मीप्‍पल च्‍यङ्‌जो़त् झ्‍यीन मत् येङ दो़च्‍च्‍यीत्।

मर्कुस् 13:36

स्‍येन् खोङ् थोप्‍तक् मीत्‍ल युङ्‌न, खीत्‍रङ् ॱङीत् लोक्‍पदङ् ठेक्‍केन् बेत्।

१ थीस्‍सलोनीका 5:2

घन्‍ड हीन् सीन्‍न चोव ज्‍यीन्‍दक् झ्‍यो़म्‍बे छीरङ् धी़दोक् दी छेम्‍मु की़न्‍ज्‍येन् युङ डस्‍सी थोप्‍तक् मीत्‍ल झ्‍यो़ङ्‌गेन् बेत् सीर खीत्‍रङ्‌ल ॱस्‍यो़च्‍च्‍ये यो़क्‍केन् बेत्।

१ तीमोथी 6:20

तीमोथी रङ्‌गी गेल्‍ल च्‍योन स्‍यक्‍पे केच्‍च्‍य घयेत् दी तोर्तु ॱमत् ची़प्‍प सुङ्‌ज्‍यीत्। मीत् धक्‍केन् धो़म्‍मीक्‍की केच्‍च्‍य धङ् ॱएलमे केच्‍च्‍य ॱस्‍येत्‍न ङीक्‍की ॱस्‍यीगो़त् सीन्‍न लेन् ज्‍यक्‍केन् हुब घयेत्‍तङ् भीन दो़च्‍च्‍यीत्।

२ तीमोथी 1:13

ख्रीष्‍ट् येशुदङ् या मत् ढेब यो़प्‍पल छ्‌य स्‍यक्‍प दी धङ् झ्‍यम्‍ब दी ॱसीम्‍बे यीक्‍ल सुङ्‌न ङ च्‍यानी एल्‍ला रङ्‌गी ॱह घोवे धक्‍पर् च्‍येम्‍मे केच्‍च्‍य घयेत् दील डीक्‍पे लेमु झ्‍यीज्‍यीत्।

हीब्रु 2:1

हुगो झ्‍यीनी थर्वे लम्‍नी हज्‍यरङ् छ्‌यी़ज्‍ये मीप्‍पल ॱरेबु च्‍यानी घोवे केच्‍च्‍य घयेत् दील गन्‍दीक्‍म नेन्‍न ॱसम् गोगेन् बेत्।

२ पत्रुस् 1:13

ङे हीगी ली़ हीगो यो़स्‍स्‍यीङ् भोर्ल हीगो खीत्‍रङ्‌ल छीगङ् ढेन्‍सो़ ॱलङ्‌न ॱसीम्‍ल छ्‌यर्तु ची़त्‍न आक्, डीक्‍को़ट्‌टो ॱनो़गुक्।

२ पत्रुस् 3:1

झ्‍यम्‍बे दगुसो, खीत्‍रङ्‌ल ङे हीगो यीगी ॱङीब ढीगेन् हीनो। ॱनी ङे यीगी ॱङीब हीगो ढीज्‍येगी धो़न् दी ॱएङ्‌गी केच्‍च्‍य दी ढेन्‍सो़ ॱलङ्‌न, खीत्‍रङ्‌गी ॱसीम्‍ल ॱनो़रीक् चङ्‌म छ्‌यर्च्‍ये यो़प्‍पल ढीब हीन्।

२ पत्रुस् 3:10

चोव ज्‍यीन्‍दक् झ्‍यो़म्‍बे ङीन् दी थोप्‍तक् मीत्‍ल की़न्‍नक्‍प युङ डस्‍सी युङ्‌गेन् बेत्। हुगी यङ्‌ल हुरुरु हुर्ल इगी ॱनम्‍न घङ् यो़प्‍पे ढङ् घयेत् जेङ् ये डोगेन् बेत्। ॱस धङ् ॱसल यो़प्‍पे ढङ् घयेत् मी छीक्‍न खरप्‍ल डोगेन् बेत्। ॱनी ॱस धङ् ॱसदु घङ् सो़ब घयेत् दी खोरोप् छीक् डोगेन् बेत्।

ॱसाल्‍केत् 16:15

येशुगी हीन्‍दुक् ॱसुङ्‌गेन् बेत्। तेदे ङ थोप्‍तक् मीत्‍ल की़न्‍ज्‍येन् युङ डस्‍सी युङ्‌गेन्। ॱनी ॱसी़ रोरङ्‌गी घो़ दक्‍पु झ्‍यीन च्‍यङ्‌जो़त् झ्‍यीन दो़क्‍को़दङ् हुगो ॱसोदी च्‍येम्‍म युङ्‌गेन् बेत्। स्‍येन् हुगो च्‍यरेङीय थो़न्‍न मी घयेत्‍ल ङु छय युङ्‌गेन् बेत्।

ॱसाल्‍केत् 2:5

हुगो झ्‍यीनी खीत्‍रङ् घनी हुन्‍दुक् झ्‍यीबल झ्‍युङ हुगो ढेन्‍सो़ झ्‍यीन ॱङर्की ॱसीम्‍बल ज्‍युर्न ॱएङ्‌गी लेमु डस्‍सीरङ् झ्‍यीज्‍यीत्। हुन्‍दुक् मत् झ्‍येन ॱनी, ङ युङ्‌न हुनी छ्‌यो़त्‍मी दीरङ् तोर् तोङ्‌गेन्।

ॱसाल्‍केत् 22:7

येशुगी ॱसुङ्‌गुगो। तेदे ङ ॱनी ज्‍योक्‍पु युङ्‌गेनो। हीगी यीगी हील यो़प्‍पे केच्‍च्‍य धङ् ॱङो़स्‍स्‍यी घयेत्‍ल ॱसी़ नेङ्‌गुक्‍क हुगो ॱसोदी च्‍येम्‍म युङ्‌गेन् बेत् सीन्‍न ॱस्‍येच्‍च्‍युङ्।

ॱसाल्‍केत् 3:11

ङ ज्‍योक्‍पु युङ्‌गेन् हीनो। रङ्‌ल ज्‍ये थोप्‍केन् थोप् छ्‌यीम्‍मी़ स्‍यमुङ् दी ॱसी़ इक् ठोन डो छुज्‍ये मीप्‍पल हुन्‍दो रङ्‌गी ॱसीम्‍ल घङ् यो़प्‍पे लेमु दी तेम्‍बोक्‍म सुङ्‌ज्‍यीत्।

ॱसाल्‍केत् 3:19

ङे ॱसुल झ्‍यम्‍ब झ्‍यीगुक्‍क हुल लप्‍स्‍य तङ्‌न छर्की च्‍यो़क्‍केन्। ढङ्‌मीन् ढोम्‍मील्‍ल मेम्‍ब, दीम्‍बरङ् ॱसीम् ज्‍युर्न लोक्‍च्‍यीत्।

ॱसाल्‍केत् 3:2

ह लोङ्। लोङ्‌ल च्‍यङ्‌जो़त् झ्‍यीन खीत्‍रङ्‌ल उ ॱयम् ॱयम् यो़प्‍प दी सुङ्। घन्‍ड हीन् सीन्‍न खीत्‍रङ्‌गी झ्‍यीबे लेल ङे को़न्‍ज्‍योक् मीत् गुव थोङ्‌ज्‍युङ्।