ॱनी हुल खोङ्गी ङे खीत्रङ्ल गन्दीय ॱस्येत् योङ्। धी़ ॱसम्ब ॱस्यर्न, कोलीमीगी ॱरेबु रोरङ्गी तो़त्वङ् च्येम्मे ओ़च्च्यल ॱवङ् च्येम्मे स्युडील जेन दो़क्केन् बेत्। ॱनी हुगी यङ्ल ङे लम्ल युङ्गेन् खीत्रङ्सो ओक् ॱवङ् च्येम्मे स्युडी च्युन्नील जेन इस्राएल्की ज्यी़त् च्युन्नीबुल ॱवङ् च्योङ्गेन् बेत्।
ॱसाल्केत् 3:21 - ल्होमी21 ङ ज्यला थो़न्न युङ्नी यप्की ॱवङ् च्येम्मे स्युडील खोङ्दङ् दल दो़च्च्ये ॱनोङ्न यो़त्। ॱनी हीगो डस्सी मी ॱसु ज्यला थो़न्न युङ्गुक्क हुगो ओक् ङे ॱवङ् च्येम्मे स्युडील ङदङ् दल दो़च्च्ये यो़प्प सोगेन्। Faic an caibideil |
ॱसाल्केत् 3:21
24 Iomraidhean Croise
हुनी ज्यीन्दक् दीगी हुल ॱस्यङ्ज्युङ्। युङेत्। रङ् ॱयोक्पु गङ्ज्येन् तेम्बर् च्येम्म दुक्। ङे रङ्ल ले च्युङेत्मु च्यीक् को़न स्यक्पल रङ्गी हुगी गेन् खुर्न तेन्देन् झ्यीन युङ्दुक्। ह रङ् हीले छ्यीयाल को़न स्योक्केन्। रङ् रङ्गी ज्यीन्दक्तङ् दल गेस झ्यीस्सल ॱस्योक् झ्यीब बेत्।
खीत्रङ् ङदङ् मत् ढेब देत्न ॱनी, खीत्रङ्ल ॱसीम् दीव युङ्गेन् बेत्। हुगो युङ्ज्येल ङे केच्च्य घयेत् हीगो ॱस्येत्न स्यक्पेन्। जम्बुलीङ् हीदु खीत्रङ्ल दुक्प अयेक्प नोङ्गेन् बेत्। ॱनी हीन्न अक्, हुल खीत्रङ् ॱलोप्स्यीक् छ्यीजो़त् झ्यीन दो़च्च्यीत्। घन्ड हीन् सीन्न जम्बुलीङ् हीले ङ ज्यला थो़न् छर बेत् झ्यीब बेत्।
हुनी हुब कुरीक् छ्य झ्यीन लुक्टुक्की डल लोङ्न ॱमक् थुक्तु डोगेन् बेत्। ॱनी ॱमक् दील लुक्टुक् ज्यला थो़न् डोगेन् बेत्। घन्ड हीन् सीन्न खोङ् चो छ्यीया घयेक्की इक् चोव ज्यीन्दक् धङ् ज्याबु घयेक्की इक् ज्याबु बेत्। ॱनी खोङ्गी दम्न भो़ब तेम्बोक्म दो़क्केन् घयेत् हुगी यङ्ल खोङ्दङ् दल ज्यला थो़न्न युङ्गेन् बेत् सीच्च्युङ्।
हीनी यङ् ङे थोङल इगीन ॱवङ् च्येम्मे स्युडी गज्येन् दुक्। ॱनी स्युडी रीदङ् रील दो़क्केन् री री दुक्। हुब घयेत्ल ठीम् च्यो़च्च्येमे ॱवङ् बीन्दुक्। हुब घयेत् येशुगी ढीक्ल दीम्बे केच्च्य ॱस्येप्पल धङ् को़न्ज्योक्की ॱसुङ्रप्की केच्च्य ॱस्यो़प्पे ढीक्ल गो दुम् तङ घयेक्की ॱसीम् दी बेत्। हुब घयेक्की हुगी ॱसीम्ज्येन् हुल छ्यक् ॱमत् छेब, हुगी डवु दील अक् छ्यक् ॱमत् छेब, थोक्कोक्ल आक् हुगी दक् मत् लीम्ब, ॱनी लक्पल अक् मत् लीम्बे मी घयेत् दी हुब बेत्। ॱनी हुब कुरीक् ॱसोम्बुल लोङ्न लोङ तोङ्डक् च्यीक् थुक् ख्रीष्ट्तङ् दल ॱवङ् च्योङ थोङ्ज्युङ्।
गोम ॱएन्स्युक्ल ॱसोम्बुल लोङ्ज्ये ॱनोङे मी घयेत् हुब ॱसोदी छ्यीम्मु च्येम्म को़न्ज्योक्की मी चङ्म हीम्ब युङ्गेन् बेत्। घन्ड हीन् सीन्न हुब घयेत् ॱस्यीव तीङ्मागी ॱवङ्गी होक्ल ॱमीत् ॱस्योर, हुब को़न्ज्योक् धङ् ख्रीष्ट्की छ्यो़प्पो़ल्ल खो़त्न, ख्रीष्ट्तङ् दल लोङ तोङ्डक् च्यीक् थुक् ॱवङ् च्योङ्ज्ये ॱनोङ्गेन् बेत्।
Sanasan