ॱसाल्केत् 3:12 - ल्होमी12 ॱसु ज्यला थो़न्न युङ्गुक्क हुगो ङे को़न्ज्योक् स्युसे छ्यो़गङ्गी का च्यीक्ल सो़न, हुनी हुगो नम्ल अक् छ्यील थो़न् मीत् गो़ब युङ्गेन् बेत्। हुनी हुल ङे को़न्ज्योक्की छेन् धङ् को़न्ज्योक् च्यानी इगी तेङ् यी़नी मल्ल भप्न युङ्गेन् ङे को़न्ज्योक्की सार् यरुशलेम् ॱसम्बे मीङ् धङ् ङरङ्गी मीङ् ॱसम्ब च्यीक् हुल ढीन स्योक्केन्। Faic an caibideil |
ॱसाल्केत् 3:12
26 Iomraidhean Croise
ॱनी को़न्ज्योक्की थुज्यीगी ङ घन्दुक्मे लेल को़ब बेक्क हुगो चो छ्यीया छ्यो़ छोगी का धोम्बु डस्सील ॱसम्न यो़क्केन् याकुब्, पत्रुस् धङ् युहन्ना झ्यीबे हुनी क ॱह घोसोङ्। खोबसो यहुदी घयेत् च्येल्ल डोवल धङ् यङ् ङदङ् बार्नाबास् ज्यी़त् ॱयोङ् ॱयोङ्गी मी च्याल डोवल छ्य च्यीक्की मी हीम्ब ॱसम्न ङीत्ल खोबसो़ लक्प ॱयेब तङ्न थी़न्डीक् झ्यीज्युङ्।
हुनी हुब कुरीक् छ्य झ्यीन लुक्टुक्की डल लोङ्न ॱमक् थुक्तु डोगेन् बेत्। ॱनी ॱमक् दील लुक्टुक् ज्यला थो़न् डोगेन् बेत्। घन्ड हीन् सीन्न खोङ् चो छ्यीया घयेक्की इक् चोव ज्यीन्दक् धङ् ज्याबु घयेक्की इक् ज्याबु बेत्। ॱनी खोङ्गी दम्न भो़ब तेम्बोक्म दो़क्केन् घयेत् हुगी यङ्ल खोङ्दङ् दल ज्यला थो़न्न युङ्गेन् बेत् सीच्च्युङ्।
ॱसुल आम्ज्योक् यो़प्प हुगी हीगो नेन्ज्यीत्, धम्बे थुगी छ्यो़ छो घयेत्ल घन्ड सीगुक्क। ॱसु ज्यला थो़न्न युङ्गुक्क हुगोल ॱसुल आक् ॱस्यो़च्च्ये मीप्पे मन्न च्यीक् तीक्केन्। हुनी दो कप्पु च्यीक् इक् तीक्केन्। हुगी दो दील हुगी मी हुगी मीङ् ॱसम्ब च्यीक् ढीन युङ्गेन् बेत्। हुगी मीङ् दी दो थोप्केन् दील मेन्द, ॱयोङ् ॱसुल आक् ॱस्यो़च्च्ये मीत् युङ्गेन् बेत्।
Sanasan