ॱसाल्केत् 3:1 - ल्होमी1 हीगो सार्डीस्की छ्यो़ छोगी ढीक्ल को़बे तेङ् यी़गी भङ्ज्येम्बल ढीज्यीत्। हीगो को़न्ज्योक्की थु दी़न् धङ् कर्म दी़न् यो़प्प च्येम्मे सीगुगो झ्यीज्यीत्। खीत्रङ्गी घङ् झ्यीप्पे ले घयेत् कुरीक् ङल ॱस्यो़च्च्ये यो़त्। खीत्रङ् ॱसोम्बु हीन् त कुरीक्की सीक्केन् बेत्। हुगो मेम्ब, खीत्रङ् ॱस्यीनर हीम्ब ङल ॱस्यो़च्च्ये यो़त्। Faic an caibideil |
ॱसाल्केत् 3:1
30 Iomraidhean Croise
हीगो मत् युङे एल्ला खीत्रङ् ङीब दीक्प झ्यीक्केन्, सी़ल यहुदीगी दक् मीप्प, ज्यी़त् ॱयोङ् ॱयोङ्गी मी झ्यीनी, खीत्रङ् ॱस्यीनरदङ् छ्येत्मीत् यो़क्केन् बेत्। ॱनी हीन्न अक्, खीत्रङ् येशुदङ् दल को़न्ज्योक् ङो़ल ॱसोम्बु युङल को़न्ज्योक्की खीत्रङ् ॱसोम्बुल सो़ब बेत्। हज्यरङ्गी ङीब दीक्प घयेत् को़न्ज्योक्की धक्तु ची़प्प बेत्।
ख्रीष्ट्की थु हुबे ॱसीम्ल स्युन, हुबल च्यप्को़ल्ल को़बे ख्रीष्ट् तीङ्ला झ्यो़न्न, दुक्स्यी ॱनजो नोङ्नी, हुनी खोङ्ल इगीनी मक्की ओ़च्च्ये तो़प्प छ्यीम्मु युङ्गेन् बेत् सीन्न तो़म्ब बेत्। ॱनी हुगो नम्गी धी़ल युङ्गेन्, घन्दुक् झ्यीबे धी़ल युङ्गेन् हीम्ब हीगो हुबे ॱह घोज्ये ॱनो़ब झ्यीब बेत्।
खीत्रङ् नङ्दु झ्यम्बे झ्यील्लप् सये यङ्ल खीत्रङ्गी घुङ्दु हुब छ्युल नक्तुक् स्युब डस्सी यो़क्केन् बेत्। हुब ङु छय मीप्प, सय धङ् थुङल मो़स्सक् ॱस्यो़क्केन् रोरङ् च्यीक्पु ढो़क्कोक् केङ्गेङ्गी डोक्पा डस्सी, ॱलुङ्गी खुर् डोगेन् घो ॱमीत् छ्यो़क्की ॱमुब डस्सी, तो़म्बु डलु ॱमीत् छ्यागेङ्गी दोङ्बु डस्सी धङ् चवनी पीक्न पुर् तङे दोङ्बु ॱस्यीनरदङ् छ्येत्मीक्की मी हुब बेत्।
रङ्गी थोङे ङे लक्प ॱये छ्योगी कर्म दी़म्बु दी धङ् ॱसीर्की छ्यो़त्मी दी़म्बु दीगी तीङ् सप्पोक्मे धो़न् दी हीगो बेगो। कर्म दी़म्बु दी छ्यो़ छो दी़म्बी़ ढीक्ल को़बे को़न्ज्योक्की भङ्ज्येम्ब दी़ल्ल डोगेन् बेत्। छ्यो़त्मी दी़म्बु दी छ्यो़ छो दी़ल्ल डोगेन् बेत् सीन्न सीच्च्युङ्।
ॱनी खीत्रङ् उन एशीया लुङ्बन यो़प्पे छ्यो़ छो दी़म्बुल ङ युहन्नागी हीगो ढीन तोङ्गो़त्। ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन् खोङ् च्यानी धङ् खोङ्गी ॱवङ् च्येम्मे स्युडी ढुङ्न यो़क्केन् थु दी़म्बु च्यानी धङ् थोङे केच्च्य घयेत् ज्युरुव मीप्प ॱस्यो़क्केन्, ढोङ्नी यङ् ॱसोम्बुल लोङ्गेन् ॱएन्स्युक्म, जम्बुलीङ्गी ज्याबु घयेक्की थोक्ल ॱवङ् डोगेन्, येशु ख्रीष्ट् च्यानी खीत्रङ्ल थुज्यी धङ् ॱसीम् दीव युङ्ज्ये यो़प्प तोङ्। हज्यरङ्ल झ्यम्ब जेक्केन्, हज्यरङ् दीक्पनी खोङ्गी ठक्की तो़ङ्गेन्,
खीत्रङ् घन दो़क्को़प्प हुगो ङल ॱस्यो़च्च्ये यो़त्। खीत्रङ् शैतान्गी ॱवङ् च्येम्मे स्युडी यो़स्से लुङ्बन दो़क्केन् बेत्। ॱनी हीन्न अक्, ङे मीङ् डेन्न तेन्देन् झ्यीन दो़क्कुक्। हुदु शैतान्गी ॱवङ् च्येम्मे स्युडी यो़स्सदु ङे ढीक्ल दीम्बे केच्च्य ज्युरुव मीप्प ॱस्यो़क्केन् एन्टीपास् ङे धो़न्दु ॱसेत् तोङे यङ्ल अक् खीत्रङ्गी ङ छ्य स्योक्केन् मेन् सीन्न मत् सीस्सोङ्।
छ्यो़ छो नङ्दु खीत्रङ्गी कले च्येप्प, धु च्योङ धङ् हुनी ॱयोङ्मा घङ् झ्यीप्प घयेत् कुरीक् ङल ॱस्यो़च्च्ये यो़त्। मी ङेम्ब घयेक्की खल खीत्रङ् मत् नेम्ब हीम्ब ङल ॱस्यो़च्च्ये यो़त्। हुबे ङीत् ठीक्नल हीन् सीन्न सीक्केन् बेत्। ॱनी सीन्न अक्, खीत्रङ्गी हुबल छो़त् तेन जी़म हीम्ब ॱयुव पीक् छुसोङ्।
Sanasan