ॱसाल्केत् 22:9 - ल्होमी9 हुनी खोङ्जो़ ङल छ्यक् ॱमत् छो़लेत्। ङ को़न्ज्योक्की ॱयोक्पु, रङ् धङ् रङ्गी पी़न्ज्या, कलुङ् ॱस्यो़क्केन् घयेत् धङ् हीगी यीगील यो़प्पे केच्च्यल नेङ्गेन् घयेत् डस्सीरङ् हीन्। को़न्ज्योक्लरङ् क छ्यक् छो़। Faic an caibideil |
ॱसाल्केत् 22:9
19 Iomraidhean Croise
को़न्ज्योक्की ॱरेबु झ्यो़न्नी क, हस्सो़त् हज्यरङ्ल दीम्बरङ्गी को़न्ज्योक् ङु ॱस्यीज्ये यो़प्पे ॱसीम् ॱनङ हीम्ब हज्यरङ्ल ॱस्यो़च्च्ये यो़क्केन् बेत्। हज्यरङ् दीम्ब ङो़ल खोङ्गी ॱरेबु येशु ख्रीष्ट्तङ् मत् ढेब यो़क्केन् बेत्। ॱनी खोङ् क दीम्बरङ्गी को़न्ज्योक् दी धङ् फु तक्पे छी दी बेत्।
ह ज्योबा घन्ड हीन्न अक्, युङ्गेङ्गी केच्च्य घयेत् कुरीक् को़न्ज्योक्की येशु ख्रीष्ट्ल खोङ् रोरङ्गी ॱयोक्पु घयेत्ल तो़न् सीन्न तो़म्बे केच्च्य घयेत् दी हीन्दुक् झ्यीन युङ्गेन् बेत्। खोङ् रोरङ्गी ॱयोक्पु युहन्ना च्येल्ल तेङ् यी़गी भङ्ज्येम्ब च्यीक् तङ्न युङ्न हुगी केच्च्य घयेत् दी कुरीक् क तो़म्ब बेत्।
ॱनी हुगी केत् छ्यीम्मु तो़न्न हीन्दुक् सीस्सोङ्। कोलीमी घयेत् को़न्ज्योक्ल ज्यीब झ्यीन खोङ्ल तो़प्प पु। घन्ड हीन् सीन्न ह को़न्ज्योक्की ठीम् च्यो़प्पे धी़ दी ॱलीस्सोङ्। तेङ् यी़, ॱस जम्बुलीङ्, छ्यु ज्यम्जो छ्यीम्मु धङ् छ्यु थो़न्स घयेत् जेङ् सोगेन् खोङ्ल छ्यक् छो़ज्यीत्।
चोव ज्यीन्दक् नीज्यरङ्ल ज्यीब मीत् झ्यीक्केन् ॱसु दी यो़प्प? नीज्यरङ्गी छेल्ल तो़प्प ॱमीत् पुगेन् ॱसु दी यो़प्प? धक्पर् च्येम्म दी ॱनी नीज्यरङ् मेन्द, ॱयोङ् ॱसु उक् मीप्प बेत्। ज्यी़त् ज्यी़क्की मी घयेत् नीज्यरङ्ल छ्यक् छो़दु युङ्गेन् बेत्। घन्ड हीन् सीन्न नीज्यरङ्गी जेप्पे ले घयेत् दी ढङ्बु हीम्ब हुबे ॱह घोन यो़क्केन् बेत्।
हुनी ङे भङ्ज्येम्ब दील छ्यक् छेबेन्। ॱनी हुगी ङल छ्यक् ॱमत् छो़लेत्। ङ को़न्ज्योक्की ॱयोक्पु, रङ् धङ् रङ्गी पी़न्ज्या डस्सी, येशुगी ढीक्ल दीम्बे केच्च्य ॱस्यो़क्केन् घयेत् डस्सीरङ् हीन्। को़न्ज्योक्लरङ् क छ्यक् छो़। येशुगी ढीक्ल दीम्बे केच्च्य ॱस्यो़क्केन् घयेत्ल कलुङ् ॱस्यो़त् छुबल धम्बे थु यो़क्केन् बेत् सीच्च्युङ्।
च्यो़न् ॱनम्ब ॱसुम्बु हुगोल ॱमत् ॱस्योर, ॱसो़बे मी घयेत् दीगी ॱसीम्ब दी मत् ज्युर्सोङ्। हुबे ॱनो़प्प अयेक्प घयेत् धङ् रोरङ्सो़ सो़बे ॱसीर्की कु, ॱङुगी कु, च्युक्मे कु, दोलोक्पे कु धङ् ॱस्यीङ्गी कु हुन्दुक् झ्यीबे ढङ् ॱमीक्की ॱमीत् थोङ्गेन्, आम्ज्योक्की मीत् घोगेन् धङ् कङ्ब मीत् डोगेन् हुन्दुक् झ्यीबल ॱसम्न छ्यक् छ्यो़प्प पुज्ये दी ॱलो़ ॱमत् तङ्सोङ्।
Sanasan