ॱसाल्‍केत् 22:20 - ल्होमी

²⁰ हीगो कुरीक् खुङ्‌देन् हीम्‍बे पङ्‌बु जेक्‍केन् दीगी ङ ॱनी ज्‍योक्‍पु युङ्‌गेनो। हीगो गन्‍दीय बेत् ॱसुङ्‌गुगो। आमेन् चोव ज्‍यीन्‍दक् येशु झ्‍यो़र्रो झ्‍यी।

ॱसाल्‍केत् 22:20 Iomraidhean Croise

युहन्‍ना 21:25

ॱनी हील ढीन मत् स्‍यक्‍प, येशुगी ले ॱयोङ्‌म आक् गज्‍येन् जेप्‍प बेत्। ॱनी हुगो जेङ् ढीन यो़प्‍प हीन्‍न, हुगी यीगी दी म दीरङ् जम्‍बुलीङ्‌ल ॱमीत् ॱस्‍योङ यो़ट्‌टो।

१ कोरीन्‍थी 16:22

ॱनी चोव ज्‍यीन्‍दक्‍ल झ्‍यम्‍ब ॱमीत् खुर्केन् मी ॱसु यो़दङ् हुल ॱमो़त्‍मु सुक्‍ल ज्‍युक्‍च्‍यीत्। ॱवे चोव ज्‍यीन्‍दक् झ्‍यो़र्रो ॱनङ्।

२ तीमोथी 4:8

ह ठीम्‍बो़न् ढङ्‌बु चोव ज्‍यीन्‍दक् झ्‍यो़म्‍बे ङीङ्‌गी यङ्‌ल मी ढङ्‌बुल थोप्‍केन्, थोप् छ्‌यीम्‍मी़ स्‍यमुङ् दी खोङ्‌गी ङे ढीक्‍ल इगीन स्‍यक्‍न यो़क्‍केन् बेत्। ॱनी ङल छ्‌युवक् मेम्‍ब, हुगो खोङ् इगीनी मल्‍ल झ्‍यो़म्‍बल रीगो झ्‍यीन गुक्‍केन् कुरीक्‍ल थोप्‍केन् बेत्।

हीब्रु 10:37

ॱसुङ्‌रप्‍ल को़न्‍ज्‍योक्‍की हीन्‍दुक् ॱसुङ थो़ङ्‌गेन् बेत्। इगीनी मल्‍ल झ्‍यो़ङ्‌गेन् खोङ् फीन्‍दीक्‍म मेम्‍ब, ज्‍योक्‍सी झ्‍यो़ङ्‌गेन् बेत्।

हीब्रु 9:28

कोलीमी घयेक्‍की दीक्‍पे छ्‌येप्‍प दी ख्रीष्‍ट्‌की खुर्न खोङ्‌गी रोरङ्‌गी ॱरोक् च्‍येन कोलीमीगी लेमु डस्‍सी लेन् च्‍यीक् ढोङ् गो़ ॱस्‍यर बेत्। ॱनी खोङ् यङ् फीच्‍च्‍य जम्‍बुलीङ्‌ल झ्‍यो़ङ्‌गेन् बेत्। हुगो दीक्‍प धक्‍तु ची़च्‍च्‍येगी ढीक्‍ल मेम्‍ब, खोङ्‌ल गुक्‍केन् घयेत् छी थर्वल जेङ् तो़न्‍दु बेत्।

ॱसाल्‍केत् 1:18

ङ ॱसोम्‍बु यो़त्। एल्‍ला ङ ॱस्‍यीज्‍युङ्। ॱनी ह धी़ नम ज्‍यी़न्‍दु ङ ॱसोम्‍बु यो़त्। ॱनी ॱस्‍यीव धङ् ॱस्‍यीवे यी़गी च्‍यी दी ङल यो़त्।

ॱसाल्‍केत् 1:2

ॱनी को़न्‍ज्‍योक्‍की ॱसुङ्‌स्‍येत् धङ् येशु ख्रीष्‍ट्‌की ॱस्‍येप्‍पे केच्‍च्‍य घयेत् दी खुङ् हीम्‍ब हुगी थोङ्‌नी, हुगो धक्‍तेन् हीम्‍बे ढीक्‍ल हुगी पङ्‌बु झ्‍यीत् छुगेन् बेत्।

ॱसाल्‍केत् 2:16

खीत्‍रङ् हुन्‍दुक् झ्‍यीक्‍केन् घयेत् हुनी ॱसीम् ज्‍युर्च्‍यीत्। ॱसीम् मत् ज्‍युर्न ॱनी, ङ ज्‍योक्‍पु युङ्‌न खीत्‍रङ् हुन्‍दुक् झ्‍यीक्‍केन् घयेक्‍की डल लोङ्‌न ङे खल यो़प्‍पे ढी पदङ्‌गी बेङ्‌गेन्।

ॱसाल्‍केत् 22:10

यीगील ढीन यो़प्‍पे हीगी केच्‍च्‍य धङ् ॱङो़स्‍स्‍यी घयेत्‍ल धम्‍डुक् ज्‍यप्‍न मत् स्‍योक्। ह हीगो ताबे धी़ ॱस्‍यच्‍चल ॱलीत् छर बेत्।

ॱसाल्‍केत् 22:12

येशुगी ॱसुङ्‌गुगो। तेदे ङ ॱनी ज्‍योक्‍पु युङ्‌गेनो। हुनी मी रीदङ् रीगी घङ् झ्‍यीबे लेगी लेन् टो़क्‍केनो।

ॱसाल्‍केत् 22:18

हीगी यीगी हील ढीन यो़प्‍पे केच्‍च्‍य धङ् ॱङो़स्‍स्‍यी घयेत् हीगो ॱसी़ ॱह घोगो़दङ् हुल गन्‍दीक्‍म सीक्‍केनो। घन्‍ड हीन् सीन्‍न ॱसी़ हील ॱनो़म्‍ब ज्‍यक्‍को़दङ् हुगोल को़न्‍ज्‍योक्‍की इक् हील ढीन यो़प्‍पे च्‍यो़न् छ्‌यीम्‍मु घयेत् दी तोङ्‌गेन् बेत्।

ॱसाल्‍केत् 22:7

येशुगी ॱसुङ्‌गुगो। तेदे ङ ॱनी ज्‍योक्‍पु युङ्‌गेनो। हीगी यीगी हील यो़प्‍पे केच्‍च्‍य धङ् ॱङो़स्‍स्‍यी घयेत्‍ल ॱसी़ नेङ्‌गुक्‍क हुगो ॱसोदी च्‍येम्‍म युङ्‌गेन् बेत् सीन्‍न ॱस्‍येच्‍च्‍युङ्।