ॱसाल्‍केत् 22:2 - ल्होमी

² हुगी चङ्‌बु दी सार्की ॱसट्‌टक् दीनल डोगुक्। ॱनी चङ्‌बु दीगी ॱये धङ् ॱयेन् दील छीये दोङ्‌बु री री दुक्। हुगी दोङ्‌बु दील दव रीदङ् रील डलु छ्‌यागुक्। ॱनी लो च्‍यीक्‍की नङ्‌ल छ्‌यल् च्‍युन्‍नी छ्‌यागुक्। हुगी दोङ्‌बी़ लेक्‍मक् घयेत् दीगी ज्‍यी़त् ज्‍यी़क्‍की मी घयेत्‍ल ॱमेल्‍ल फेङ्‌गुक्।

ॱसाल्‍केत् 22:2 Iomraidhean Croise

लुका 4:18

ङे ज्‍यप्‍ल चोव ज्‍यीन्‍दक्‍की थु यो़त्। मी दुक्‍च्‍या घयेत्‍ल केच्‍च्‍य ॱनेम्‍बु ॱस्‍यो़च्‍च्‍येगी ढीक्‍ल ङे गोल ॱनुम् ॱही़न्‍न को़ज्‍युङ्। चो़ल्‍ल ॱस्‍योर्नर घयेत् तो़न्‍दु धङ् स्‍यर्च्‍योक् घयेत् थोङ्‌गेल्‍ल सोदु धङ् मी होक्‍ल ॱस्‍योर्नर घयेत् तो़न्‍दु

१ पत्रुस् 2:24

हज्‍यरङ् दीक्‍प ङो़नी ॱस्‍यीनरदङ् छ्‌येत्‍मीत् ढेन को़न्‍ज्‍योक् ङो़गी ढङ्‌बी़ लम्‍ल डोज्‍ये यो़प्‍पल हज्‍यरङ् घयेक्‍की दीक्‍पे छ्‌येप्‍प दी खोङ् रोरङ्‌गी कुस्‍सी़ल ॱनम्‍न कुरुस्‍ल ढोङ बेत्। खोङ् हुदु ढोङे यङ्‌ल च्‍येप्‍पे ॱम घयेत् दीगी हज्‍यरङ् ॱसो़ब बेत्।

ॱसाल्‍केत् 2:7

ॱसुल आम्‍ज्‍योक् यो़प्‍प हुगी हीगो नेन्‍ज्‍यीत्, धम्‍बे थुगी छ्‌यो़ छो घयेत्‍ल घन्‍ड सीगुक्‍क। ॱसु ज्‍यला थो़न्‍न युङ्‌गुक्‍क हुगोल ङे को़न्‍ज्‍योक्‍की ॱस्‍यीङ्‌नान यो़प्‍पे छीये दोङ्‌बी़ डलु दी सज्‍ये यो़प्‍पे क तीक्‍केन्।

ॱसाल्‍केत् 21:21

च्‍यारीगी गोच्‍च च्‍युन्‍नीबु दी रीदङ् री मुदीक् री रील सो़दुक्। ॱसट्‌टक् दी ॱसीर् चङ्‌मे सो़न ॱस्‍यी डस्‍सी च्‍यस्‍सीङीय दुक्।

ॱसाल्‍केत् 21:24

ॱनी हीगी ओ़त्‍ल जम्‍बुलीङ्‌गी ज्‍यी़त् ज्‍यी़क्‍की मी घयेत् डोगेन् बेत्। जम्‍बुलीङ्‌गी ज्‍याबु घयेक्‍की रोरङ्‌सो़ ॱनङ् छ्‌यीम्‍मी़ यप्‍च्‍य घयेत् दी हुदु खुर्न च्‍यो़दु युङ्‌गेन् बेत्।

ॱसाल्‍केत् 22:1

हीनी यङ् हुगी भङ्‌ज्‍येम्‍ब दीगी ङल छीये छ्‌यु चङ्‌बु च्‍यीक् तो़न्‍ज्‍युङ्। हुगो को़न्‍ज्‍योक् धङ् लुक्‍टुक्‍की ॱवङ् च्‍येम्‍मे स्‍युडी ढुङ् दीनी मल्‍ल थो़न्‍न युङ्‌गुक्। हुगो ॱस्‍यी डस्‍सी टक्‍सी दुक्।

ॱसाल्‍केत् 22:14

मी ॱसी़ रोरङ्‌गी घो़ टी़न युङ्‌गुक्‍क हुगो ॱसोदी च्‍येम्‍म बेगो। हुल छीये दोङ्‌बी़ डलु दी सज्‍ये ॱनोङ्‌गेन् बेत्। ॱनी हुल हुगी सार्की च्‍यारीगी गोच्‍चनी नङ्‌ल स्‍युक्‍च्‍येमे ॱहक् थोप्‍केन् बेत्।

ॱसाल्‍केत् 22:19

ॱनी यङ् ॱसी़ हीगी यीगील ढीन यो़प्‍पे केच्‍च्‍य धङ् ॱङो़स्‍स्‍यी घयेत्‍नी केच्‍च्‍य यरी तो़न्‍न पुको़र्दङ् हुगो च्‍यानी हील ढीन यो़प्‍पे छीये दोङ्‌बी़ डलु सज्‍येमे ॱहक् दी धङ् को़न्‍ज्‍योक्‍की ढीक्‍ल पी़प्‍पे हुगी सार् दीगी नङ्‌ल स्‍युक्‍च्‍येमे ॱहक् दी को़न्‍ज्‍योक्‍की ठो डोगेन् बेत्।