ॱसाल्‍केत् 21:4 - ल्होमी

⁴ ॱनी हुबे ॱमीक्‍च्‍यु घयेत् दी खोङ्‌गी फीन बीन्‍न, हीनी झ्‍यीब दी हुबल ॱस्‍यीव छ्‌येप्‍प मीप्‍प, नङेन् मीप्‍प, ङुव मीप्‍प, दुक्‍प मीप्‍प, ॱएम्‍मागी लेमु घयेत् दी कुरीक् येसोङ् सीस्‍सोङ्।

ॱसाल्‍केत् 21:4 Iomraidhean Croise

मत्‍ती 24:35

तेङ् यी़ धङ् ॱस जम्‍बुलीङ् हीगो ये डोगेन् बेत्। ॱनी ङे ॱस्‍येप्‍पे केच्‍च्‍य घयेत् नम्‍ल अक् मीत् येगेन् बेत्।

१ कोरीन्‍थी 15:26

हुनी स्‍युक् थदु खोङ्‌गी ड तुज्‍येम तीङ्‌स्‍युक्‍म दी ॱस्‍यीव बेत्।

१ कोरीन्‍थी 7:31

ॱनी जम्‍बुलीङ् हीदु मी मीजील घन्‍ड लालोक् झ्‍यीन खो़गो़दङ् हुल नन्‍दक्‍की फङ मीप्‍प डस्‍सी झ्‍यीन युङ् गोगेन् बेत्। घन्‍ड हीन् सीन्‍न हन्‍देङ्‌गी जम्‍बुलीङ् हीगी छ्‌यक्‍लुङ् लेलुङ् घयेत् कुरीक् ये डोगेन् बेत्।

२ कोरीन्‍थी 5:17

मी ॱसु ख्रीष्‍ट्‌तङ् मत् ढेब दो़क्‍कुक्‍क हुगो मी ॱसम्‍ब छ्‌यादु ची़प्‍प डस्‍सी बेत्। हुगी ॱएम्‍मागी मी ॱङीङ्‌ब दी येन खुर्नी हुगो ॱसम्‍बल झ्‍युङ्‌न युङ्‌गेन् बेत्।

२ कोरीन्‍थी 6:17

हीगो झ्‍यीनी चोव ज्‍यीन्‍दक्‍की हीन्‍दुक् ॱसुङ्‌गेन् बेत्। छ्‌यी मी हुन्‍दुक् झ्‍यीब घयेत्‍तङ् ढेन भीन दो़च्‍च्‍यीत्। चङ्‌ज्‍ये मीप्‍पे ढङ् घयेत्‍नी भीन दो़च्‍च्‍यीत्। हुनी ङ च्‍याल युङल ॱसुमी़ थोप्‍केन् बेत्।

हीब्रु 12:27

ॱनी हीगी फीच्‍च्‍य यङ् लेन् च्‍यीक् सीक्‍केन् हीगो खोङ्‌गी छ्‌यादु ची़प्‍प घयेत् दी कुरीक् टुन तेनी, योक् योक् झ्‍यीक्‍केन् घयेत् दी पुर् तोङ्‌गेन् बेत्। ॱनी यङ् योक् योक् मीत् झ्‍यीक्‍केन् घयेत् दी फुगी स्‍योक्‍केन् बेत्।

२ पत्रुस् 3:10

चोव ज्‍यीन्‍दक् झ्‍यो़म्‍बे ङीन् दी थोप्‍तक् मीत्‍ल की़न्‍नक्‍प युङ डस्‍सी युङ्‌गेन् बेत्। हुगी यङ्‌ल हुरुरु हुर्ल इगी ॱनम्‍न घङ् यो़प्‍पे ढङ् घयेत् जेङ् ये डोगेन् बेत्। ॱस धङ् ॱसल यो़प्‍पे ढङ् घयेत् मी छीक्‍न खरप्‍ल डोगेन् बेत्। ॱनी ॱस धङ् ॱसदु घङ् सो़ब घयेत् दी खोरोप् छीक् डोगेन् बेत्।

१ युहन्‍ना 2:17

जम्‍बुलीङ् धङ् जम्‍बुलीङ्‌न यो़क्‍केन् धेत्‍मो़ हुन्‍दुक् झ्‍यीबे ढङ् घयेत् कुरीक् ये डोगेन् बेत्। ॱनी को़न्‍ज्‍योक्‍की थुल यो़प्‍प झ्‍यीक्‍केन् घयेत् दीरङ् क मीत् येब, धी़ ज्‍यी़न्‍दु दो़क्‍केन् बेत्।

ॱसाल्‍केत् 20:13

ॱस्‍यीवनी, ॱस्‍यीवे यी़नी धङ् छ्‌यु ज्‍यम्‍जो छ्‌यीम्‍मुनी थो़न्‍न युङे ॱस्‍यीनर घयेत् कुरीक् रीदङ् रीगी रोरङ्‌सो़ एल्‍ला घङ् झ्‍यीबे लेल तेन हुल पीबे ठीम् च्‍येस्‍सोङ्।

ॱसाल्‍केत् 20:14

हुनी ॱस्‍यीव दी धङ् ॱस्‍यीवे यी़ दी मी बर्से छो दील पुर् तङ्‌सोङ्। हुगी मी बर्से छो हुल ॱस्‍यीव तीङ्‌मा सीक्‍केन् बेत्।

ॱसाल्‍केत् 21:1

हीनी तेङ् यी़ ॱसम्‍ब धङ् ॱस जम्‍बुलीङ् ॱसम्‍ब ङे थोङ्‌ज्‍युङ्। ॱएङ्‌गी तेङ् यी़ दी धङ् ॱएङ्‌गी ॱस जम्‍बुलीङ् दी येनत्‍तुक्। छ्‌यु ज्‍यम्‍जो छ्‌यीम्‍मु उक् मीन्‍दुक्।

ॱसाल्‍केत् 22:3

हुगी सार् उन ॱमो़त्‍मु सुक्‍नरे ढङ् घन्‍ड अक् मीन्‍दुक्। को़न्‍ज्‍योक् धङ् लुक्‍टुक्‍की स्‍युडी दी उन दुक्। ॱनी को़न्‍ज्‍योक्‍की ॱयोक्‍पु घयेक्‍की को़न्‍ज्‍योक्‍ल स्‍यप्‍च्‍यी़ पुस दी उन दुक्।

ॱसाल्‍केत् 7:17

घन्‍ड हीन् सीन्‍न हीब घयेक्‍की लुक्‍चीब दी स्‍युडी ढुङ्‌न स्‍युगेङ्‌गी लुक्‍टुक् झ्‍यीनी, खोङ्‌गी हीब घयेत् छ्‌यु ॱसोम्‍बु थो़न्‍सल ठीक्‍केन् बेत्। हुनी को़न्‍ज्‍योक्‍की हीबे ॱमीक्‍च्‍यु घयेत् दी फीन तीक्‍केन् बेत् सीन्‍न सीच्‍च्‍युङ्।