ॱसाल्‍केत् 21:12 - ल्होमी

¹² हुगी सार् दीगी छ्‌यी खोर्ल च्‍यारी गर्चम थोन्‍दीम दुक्। हुगी छ्‌यो स्‍यील गोच्‍च च्‍युन्‍नी दुक्। ॱनी गोच्‍च रीदङ् रीन तेङ् यी़गी भङ्‌ज्‍येम्‍ब री री दो़क्‍कुक्। ॱनी गोच्‍च च्‍युन्‍नीबु दील रीदङ् रील इस्राएल्‍की पुबु च्‍युन्‍नीबी़ मीङ् दी ढीन दुक्।

ॱसाल्‍केत् 21:12 Iomraidhean Croise

मत्‍ती 18:10

ॱनी हीगी भीज हीब डस्‍सी मी च्‍युङेत्‍मु च्‍यीगी च्‍यीक्‍ल आक् खीत्‍रङ्‌गी हुगो ॱनङ्‌ज्‍युङ्‌ल ॱमत् तोङ्‌ज्‍यीत्। तोक्‍स्‍यीप् झ्‍यीज्‍यीत्। घन्‍ड हीन् सीन्‍न हीबे ढीक्‍ल को़न यो़प्‍पे तेङ् यी़गी भङ्‌ज्‍येम्‍ब घयेत् तेङ् यी़न स्‍युगेन् ङे यप्‍की ढुङ्‌दु छीगङ् दो़क्‍केन् बेत्।

लुका 15:10

ङे खीत्‍रङ्‌ल ॱस्‍येत् योङ्। हुगो डस्‍सीरङ् दीक्‍च्‍येन् च्‍यीक् ॱसीम् ज्‍युर्न युङ्‌न ॱनी, इगीदु को़न्‍ज्‍योक्‍की भङ्‌ज्‍येम्‍ब घयेत् हुगी ढीक्‍ल गेस झ्‍यीक्‍केन् बेत् सीन्‍न ॱसुङ बेत्।

लुका 16:22

ॱनी तीङ्‌ला हुगी टङ्‌बु दी ॱस्‍यीन खुर्नी, तेङ् यी़गी भङ्‌ज्‍येम्‍ब घयेक्‍की हुगो इगीदु अब्राहाम् झ्‍यीस्‍सल च्‍ये स्‍यक्‍प बेत्। ॱनी छ्‌युक्‍पु दी इक् ॱस्‍यीन खुर्नी, हुगो रो बेक्‍सल ॱलुक् स्‍यक्‍प बेत्।

ठीक्‍नल 26:7

ङीत् यहुदी ज्‍यी़त् च्‍युन्‍नीबी़ मी घयेत् कुरीक् ङीन् छेन् मीप्‍प ॱसीम्‍बे यीक्‍नी को़न्‍ज्‍योक्‍ल छ्‌यक् छ्‌यो़प्‍प पुन हुगी छ्‌यो़त्‍तुम् जेप्‍प दी डुप्‍च्‍ये यो़प्‍पल रीगो झ्‍यीन दो़क्‍केन् बेत्। ज्‍याबु अग्रीपाला, हीगी रीगो हीगी ढीक्‍ल क यहुदी घयेक्‍की ङल ङीब कोप्‍कुक्।

हीब्रु 1:14

को़न्‍ज्‍योक्‍ल स्‍यप्‍च्‍यी़ ज्‍युक्‍केन्, तेङ् यी़गी भङ्‌ज्‍येम्‍ब ॱस्‍यस्‍सी़ मीप्‍प हुब इगीनी मल्‍ल तङ्‌न युङ्‌न थर्वे लम्‍ल डोगेन् घयेत्‍ल स्‍यप्‍च्‍यी़ ज्‍युक्‍केन् बेत्।

ॱसाल्‍केत् 21:13

ॱनी ॱस्‍यर् छ्‌योल गोच्‍च ॱसुम्, झ्‍यङ् छ्‌योल गोच्‍च ॱसुम्, ॱल्‍हो छ्‌योल गोच्‍च ॱसुम्, नुप् छ्‌योल गोच्‍च ॱसुम् दुक्।

ॱसाल्‍केत् 21:15

ॱनी ङदङ् तम्‍स्‍यु लप्‍केन् भङ्‌ज्‍येम्‍ब दील हुगी सार् दी धङ् हुगी च्‍यारी दी, हुनी च्‍यारीगी गोच्‍च घयेत् दील छेत् ज्‍यक्‍च्‍येमे ॱसीर्की तोक्‍लङ् च्‍यीक् दुक्।

ॱसाल्‍केत् 21:25

हुदु छीगङ् नम् ॱरो़ज्‍ये मीप्‍प युङ्‌गेन् बेत्। ॱनी च्‍यारीगी गोच्‍च घयेत् दी फुगी ॱमीत् च्‍यो़प्‍प स्‍योक्‍केन् बेत्।

ॱसाल्‍केत् 22:14

मी ॱसी़ रोरङ्‌गी घो़ टी़न युङ्‌गुक्‍क हुगो ॱसोदी च्‍येम्‍म बेगो। हुल छीये दोङ्‌बी़ डलु दी सज्‍ये ॱनोङ्‌गेन् बेत्। ॱनी हुल हुगी सार्की च्‍यारीगी गोच्‍चनी नङ्‌ल स्‍युक्‍च्‍येमे ॱहक् थोप्‍केन् बेत्।