ॱसाल्‍केत् 21:1 - ल्होमी

¹ हीनी तेङ् यी़ ॱसम्‍ब धङ् ॱस जम्‍बुलीङ् ॱसम्‍ब ङे थोङ्‌ज्‍युङ्। ॱएङ्‌गी तेङ् यी़ दी धङ् ॱएङ्‌गी ॱस जम्‍बुलीङ् दी येनत्‍तुक्। छ्‌यु ज्‍यम्‍जो छ्‌यीम्‍मु उक् मीन्‍दुक्।

ॱसाल्‍केत् 21:1 Iomraidhean Croise

रोमी 8:21

हुगी रीगो दी हीन घङ् छ्‌यादु ची़प्‍प घयेत् हीगो फु ॱमीत् तक्‍केङ्‌गी लक्‍नी या टेन, को़न्‍ज्‍योक्‍की भीज घयेत्‍ल थोप्‍केन् रङ्‌मो़ च्‍येम्‍मे तो़त्‍वङ् डस्‍सील युङ्‌ज्‍येगी ढीक्‍ल बेत्।

२ पत्रुस् 3:10

चोव ज्‍यीन्‍दक् झ्‍यो़म्‍बे ङीन् दी थोप्‍तक् मीत्‍ल की़न्‍नक्‍प युङ डस्‍सी युङ्‌गेन् बेत्। हुगी यङ्‌ल हुरुरु हुर्ल इगी ॱनम्‍न घङ् यो़प्‍पे ढङ् घयेत् जेङ् ये डोगेन् बेत्। ॱस धङ् ॱसल यो़प्‍पे ढङ् घयेत् मी छीक्‍न खरप्‍ल डोगेन् बेत्। ॱनी ॱस धङ् ॱसदु घङ् सो़ब घयेत् दी खोरोप् छीक् डोगेन् बेत्।

२ पत्रुस् 3:13

ॱनी हीन्‍न अक्, को़न्‍ज्‍योक्‍की ॱनङे छ्‌यो़त्‍तुम्‍ल यो़प्‍पे ढङ्‌बु च्‍येङ्‌गी ॱसज्‍य इगी तेङ् यी़ ॱसम्‍ब धङ् ॱस जम्‍बुलीङ् ॱसम्‍ब दी युङल हज्‍यरङ् गुक्‍कीन् दो़क्‍केन् बेत्।

ॱसाल्‍केत् 13:1

हुनी ङे छ्‌यु ज्‍यम्‍जो छ्‌यीम्‍मी़ नङ्‌नी ॱसीम्‍ज्‍येन् च्‍यीक् थो़म्‍ब थोङ्‌ज्‍युङ्। हुल रच्‍च्‍योक् च्‍यु धङ् गो दी़न् दुक्। ॱनी रच्‍च्‍योक् रीदङ् रील थोप् छ्‌यीम्‍मी़ ज्‍याबी़ स्‍यमुङ् री घो़न्‍दुक्। ॱनी गो घयेत् दील को़न्‍ज्‍योक्‍ल ॱमो़म्‍बी़त् तोङ्‌गेङ्‌गी मीङ् री ढीदुक्।

ॱसाल्‍केत् 20:11

हीनी यङ् ॱवङ् च्‍येम्‍मे स्‍युडी छ्‌यीम्‍मु कप्‍पु च्‍यीक्‍ल स्‍युगेन् च्‍यीक् थोङ्‌ज्‍युङ्। ॱनी खोङ्‌गी स्‍यारे ढुङ्‌नी ॱस धङ् ॱनम् ढो़न ॱसोङ्‌न हुनी मीप्‍पल येसोङ्।

ॱसाल्‍केत् 21:5

हीनी स्‍युडील स्‍युगेन् दीगी ह म दीरङ् घङ् यो़प्‍प घयेत् जेङ् ङ ॱसम्‍बल सोगेन् ॱसुङ्‌सोङ्। हुनी खोङ्‌गी ङल ङे ॱस्‍येप्‍पे केच्‍च्‍य हीगो रङ्‌गी यीगील ढीन स्‍योक्। हीगो दीम्‍ब धङ् ज्‍युरुव मीप्‍प यो़क्‍केन् बेत् ॱसुङ्‌ज्‍युङ्।

ॱसाल्‍केत् 6:14

ॱनी ॱनम् दी यङ् यीगी बुरीम चेन्‍द डीब डस्‍सी झ्‍यीन येसोङ्। ॱनी लदोक् घयेत् धङ् ज्‍यम्‍जो छ्‌यीम्‍मी़ घुङ्‌गी ॱसने घयेत् दी यङ् एल्‍ला यो़स्‍से ॱसने दीनी ॱयोङ्‌ल पो़सोङ्।