ॱसाल्‍केत् 20:9 - ल्होमी

⁹ ॱनी हुब ॱस घल अक् छेत्‍मीत् ढम्‍न युङ्‌न को़न्‍ज्‍योक्‍की मी चङ्‌म यो़स्‍स खोङ्‌गी झ्‍यम्‍बे सार्ल हुबे थागोर् ज्‍यप्‍सोङ्। हुनी थागोर् ज्‍यक्‍केन् घयेत् दील तेङ् यी़नी मल्‍ल मी बर छर्न युङ्‌न, हुब कुरीक् छीक्‍सोङ्।

ॱसाल्‍केत् 20:9 Iomraidhean Croise

लुका 17:29

ॱनी सदोम्‍नी लोत् थो़न्‍न डोये यङ्‌ल अक् इगी तेङ् यी़नी मल्‍ल मी बर धङ् मुसी बर छर्न युङ्‌न, हुब कुरीक् खरप्‍ल तङ् तङ बेत्।

लुका 19:43

ह हीन्‍दुक् झ्‍यीबे धी़ रङ्‌ल युङ्‌गेन् बेत्। रङ्‌गी ड घयेत् युङ्‌न रङ्‌ल तीक् खीरी थगोर् ज्‍यक्‍केन् बेत्। हुनी रङ् ॱनुप्‍च्‍येल च्‍यारीगी छ्‌यीनी यल्‍ल च्‍यारीदङ् डस्‍सीगी ॱस चीन युङ्‌गेन् बेत्।

लुका 21:20

यरुशलेम् ॱमक्‍कक्‍की तीक् खीरी तुम्‍ब खीत्‍रङ्‌गी थोङ्‌गेन् बेत्। हुनी हुगो ह ज्‍योक्‍पु ॱरुम् तोङ्‌गेन् बेत् ॱनो़ब खीत्‍रङ्‌गी ॱह घो छुगेन् बेत्।

लुका 9:54

ॱनी हीगो ॱह घोनी ॱलोप्‍टुक् याकुब् दी धङ् युहन्‍ना दीगी येशुल चोव ज्‍यीन्‍दक् ङीक्‍की इगी तेङ् यी़नी मल्‍ल मीरोक् पप्‍न हीगी युबा घयेत् हीब छीक्‍तु ची़त्‍न, हीगो नीज्‍यरङ्‌गी थुल युङेक्‍कक्? सीन्‍न ढीब बेत्।

हीब्रु 13:13

हुगो डस्‍सी हज्‍यरङ् अङ् खोङ्‌दङ् छ्‌येत्‍मीत् दीरनी छ्‌यील थो़न्‍न हज्‍यरङ्‌ल अयेक्‍प झ्‍यीब घयेत् दी हुदु गुर्तु डो।

ॱसाल्‍केत् 11:5

हुब ॱङीबुल च्‍यो़न् तोङ्‌गेन् ॱसु युङ्‌न अक्, हुबे खनी मी बरे मीज्‍ये तङ्‌न ड दीब ॱसेत् तोङ्‌गेन् बेत्। हुगो झ्‍यीनी च्‍यो़न् तोङ्‌गेन् ॱयोङ् ॱसु युङ्‌न अक्, हुगो हुन्‍दुक् दीरङ् झ्‍यीन ॱस्‍यी डोगेन् बेत्।

ॱसाल्‍केत् 13:13

ॱनी ॱसीम्‍ज्‍येन् तीङ्‌मा हीगी यीक् छ्‌यीम्‍मी़ लेगी ता गज्‍येन् तो़न्‍न मी घयेक्‍की थोङ्‌सल ॱनम्‍नी मल्‍ल मी बर्केन् पप्‍न तो़ङ्‌गुक्।