ॱनी हुल खोङ्गी ङे खीत्रङ्ल गन्दीय ॱस्येत् योङ्। धी़ ॱसम्ब ॱस्यर्न, कोलीमीगी ॱरेबु रोरङ्गी तो़त्वङ् च्येम्मे ओ़च्च्यल ॱवङ् च्येम्मे स्युडील जेन दो़क्केन् बेत्। ॱनी हुगी यङ्ल ङे लम्ल युङ्गेन् खीत्रङ्सो ओक् ॱवङ् च्येम्मे स्युडी च्युन्नील जेन इस्राएल्की ज्यी़त् च्युन्नीबुल ॱवङ् च्योङ्गेन् बेत्।
ॱसाल्केत् 20:4 - ल्होमी4 हीनी यङ् ङे थोङल इगीन ॱवङ् च्येम्मे स्युडी गज्येन् दुक्। ॱनी स्युडी रीदङ् रील दो़क्केन् री री दुक्। हुब घयेत्ल ठीम् च्यो़च्च्येमे ॱवङ् बीन्दुक्। हुब घयेत् येशुगी ढीक्ल दीम्बे केच्च्य ॱस्येप्पल धङ् को़न्ज्योक्की ॱसुङ्रप्की केच्च्य ॱस्यो़प्पे ढीक्ल गो दुम् तङ घयेक्की ॱसीम् दी बेत्। हुब घयेक्की हुगी ॱसीम्ज्येन् हुल छ्यक् ॱमत् छेब, हुगी डवु दील अक् छ्यक् ॱमत् छेब, थोक्कोक्ल आक् हुगी दक् मत् लीम्ब, ॱनी लक्पल अक् मत् लीम्बे मी घयेत् दी हुब बेत्। ॱनी हुब कुरीक् ॱसोम्बुल लोङ्न लोङ तोङ्डक् च्यीक् थुक् ख्रीष्ट्तङ् दल ॱवङ् च्योङ थोङ्ज्युङ्। Faic an caibideil |
ॱसाल्केत् 20:4
40 Iomraidhean Croise
हुगी फ धङ् भु छ्यम्दु ची़क्केन् बेत्। क धङ् धम्ल ॱमीत् चीगेन् घयेत्ल धो़र्रीक् टेत्न ढङ्बी़ लम्ल ॱलोक्केन् बेत्। मीमङ् घयेत् चोव ज्यीन्दक् झ्यो़म्बल गुन ठोक्क झ्यीन दो़क्केल्ल सोगेन् बेत्। धङ्बु एलीयाल थोबे ॱस्यीक् डस्सी धम्बे थुगी ॱस्यीक् हुल ॱनङ्न हुगो चोव ज्यीन्दक्की ढीक्ल एल्ला एल्ला गीर्न डोगेन् युङ्गेन् बेत् सीन्न ॱस्येप्प बेत्।
खीत्रङ्गी पी़न्ज्या ङ युहन्ना येशुदङ् मत् ढेब यो़प्पल खोङ्गी ढीक्ल दुक्प धङ् खोङ्गी ज्यागक्की मीस्सीर् हीम्बल धङ् गुर् थेक्पल खीत्रङ्दङ् कीदुक् च्यीक्प यो़त्। को़न्ज्योक्की केच्च्य धङ् येशुगी ढीक्की केच्च्य ॱस्येप्पे ढीक्ल ङ छ्यु ज्यम्जो छ्यीम्मी़ घुङ्गी ॱसने पत्मोस् झ्यीस्स च्यीक्तु च्येज्युङ्।
हुनी भङ्ज्येम्ब दी़म्ब दीगी पालोल कङ्लीङ् दी भी़सोङ्। हुनी तेङ् यी़दु केत् छ्यीम्मु च्यङ्ज्यङ्ल गज्येङ्गी हीन्दुक् सीस्सोङ्। ह जम्लीङ् की़ल्ल ज्यागक् च्योङ्गेङ्गी ॱवङ् दी हज्यरङ्गी चोव ज्यीन्दक् धङ् खोङ्गी को़बे च्यप्को़न् ख्रीष्ट्ल झ्युङ्सोङ्। हीनी झ्यीब दी धी़ नम ज्यी़न्दु खोङ्गी ॱवङ् च्योङ्गेन् बेत्।
ॱनी ङे यङ् छ्यु ज्यम्जो छ्यीम्मु डस्सी च्यीक् थोङ्ज्युङ्। हुगो ॱस्यी च्यस्सीङीय धङ् मी बर ॱरीमा च्येम्म डस्सी दुक्। ॱनी हुगी ॱसीम्ज्येङ्गी डवुल छ्यक् ॱमीत् छो़गेन्, हुगी मीङ्गी ढङ्ज्युक् मत् लीम्ब, हुगोले ज्यला थो़न्न युङे मी घयेत् दी हुगी छ्यु ज्यम्जो छ्यीम्मु डस्सी दीगी छीगन लोङ्न दो़क्कुक्। ॱनी हुब घयेत्ल को़न्ज्योक्की डम्लेङ् री री बीन्दुक्।
रङ्गी थोङे ॱसीम्ज्येन् हुगो एल्ला झ्युङ बेत्। ॱनी हुन्दो मीप्प बेत्। ॱनी हुगो यङ् खीस मीप्पे ॱसेङ्दोङ दीगी नङ्नी थो़ङ्गेन् बेत्। थो़न्नी, यङ् हुगो खरप्ल टप् डोगेन् बेत्। ॱस धङ् ॱनम् छ्यादु ची़प्पनी झ्यीनी छीये थोल मीङ् मत् ढीबे मी घयेत् दी हुगी ॱसीम्ज्येन् हुगो थो़म्ब थोङ्नी, ॱह लेगेन् बेत्। घन्ड हीन् सीन्न एल्ला हुगो झ्युङ बेत्। हुनी यङ् मीप्प बेत्। ॱनी यङ् तीङ्ला थो़ङ्गेन् बेत्।
गोम ॱएन्स्युक्ल ॱसोम्बुल लोङ्ज्ये ॱनोङे मी घयेत् हुब ॱसोदी छ्यीम्मु च्येम्म को़न्ज्योक्की मी चङ्म हीम्ब युङ्गेन् बेत्। घन्ड हीन् सीन्न हुब घयेत् ॱस्यीव तीङ्मागी ॱवङ्गी होक्ल ॱमीत् ॱस्योर, हुब को़न्ज्योक् धङ् ख्रीष्ट्की छ्यो़प्पो़ल्ल खो़त्न, ख्रीष्ट्तङ् दल लोङ तोङ्डक् च्यीक् थुक् ॱवङ् च्योङ्ज्ये ॱनोङ्गेन् बेत्।
Sanasan