ॱसाल्‍केत् 20:2 - ल्होमी

² ॱनी हुगी भङ्‌ज्‍येम्‍ब दीगी ॱङो़ङ्‌गी डी़, डुक्, दी़क्‍की चो, शैतान् दी सुङ्‌न लोङ तोङ्‌डक् च्‍यीक् थुक्‍की ढीक्‍ल कीङ्‌सोङ्।

ॱसाल्‍केत् 20:2 Iomraidhean Croise

मत्‍ती 19:29

ङे मीङ्‌गी ढीक्‍ल मी ॱसी़ रोरङ्‌गी ढोङ्‌ब हीन्, पी़न् हीन्, फम हीन्, भीज हीन्, फस्‍स्‍यी मस्‍स्‍यी घन्‍ड फङ्‌न स्‍यक् यो़दङ् हुगोल हुन्‍दुक् झ्‍यीब घयेत् ज्‍यगोर् थम्‍ब ॱल्‍हक्‍मु थोप्‍केन् बेत्। ॱनी हुल फु तक्‍पे छी दी इक् थोप्‍केन् बेत्।

मत्‍ती 8:29

हुब ॱङीबी़ ओ़लोक् ज्‍यप्‍न येशुल ॱवे को़न्‍ज्‍योक्‍की ॱरेबु ङीत्‍ल घन्‍ड झ्‍यीच्‍च्‍ये ॱनो़गुक्‍क? हुन्‍दो धी़रङ् ॱमत् ॱलीबनी, ङीत्‍ल दुक्‍प अयेक्‍पे ॱनर्मी तोङ्‌दु युङ हीम्‍ब न? झ्‍यीब बेत्।

मर्कुस् 4:15

ॱसो़न् तप्‍न, लम्‍ल खीबे धो़न् दी गोम दी केच्‍च्‍य नेङ्‌गेन् बेत्। हुनी ॱस्‍यर्च्‍यक् शैतान् युङ्‌न हुबे ॱसीम्‍ल तप्‍न यो़प्‍पे केच्‍च्‍य दी तो़न्‍न पुर्केन् बेत्।

मर्कुस् 5:7

हुनी हुगी केत् छ्‌यीम्‍मु तो़न्‍न खोङ्‌ल ॱवे येशु नीज्‍यरङ् इगी थोरी चीदु स्‍युगेन् को़न्‍ज्‍योक्‍की ॱरेबु ङल घन्‍ड झ्‍यीच्‍च्‍ये ॱनो़गुक्‍क? को़न्‍ज्‍योक् पङ्‌दु स्‍यक्‍न नीज्‍यरङ्‌गी ॱन झ्‍यीन ङल दुक्‍प अयेक्‍पे ॱनर्मी तोङ्‌रो मत् झ्‍यीत् सीन्‍न स्‍युव ज्‍यब बेत्।

युहन्‍ना 12:31

हीगी जम्‍बुलीङ् हील को़न्‍ज्‍योक्‍की ठीम् च्‍यो़प्‍पे धी़ ॱलीस्‍सोङ्। हीगी जम्‍बुलीङ् हीगी चोबो़न् दी ह रोरङ्‌गी ॱवङ् च्‍येम्‍मे ठी दीनी पुर्केन् बेत्।

युहन्‍ना 16:11

जम्‍बुलीङ्‌गी चोबो़न् हुल छ्‌येप्‍प को़ज्‍येमल को़न्‍ज्‍योक्‍की ठीम् च्‍येत् छर हीम्‍ब कुरीक्‍की ॱह घोगेन् बेत्।

रोमी 16:20

स्‍यीव दीव ॱनङ्‌गेङ्‌गी को़न्‍ज्‍योक्‍की शैतान् हुगो ज्‍योक्‍सी खीत्‍रङ्‌गी तीङ्‌बे होक्‍ल ॱलुक्‍न चीर्केन् बेत्। हज्‍यरङ्‌गी चोव ज्‍यीन्‍दक् येशुगी थुज्‍यी खीत्‍रङ्‌दङ् दल युङ् युङ युङ्‌ज्‍ये यो़प्‍प स्‍योक्‍च्‍यीत्।

हीब्रु 2:14

को़न्‍ज्‍योक्‍की भीज हुब कोलीमी झ्‍यीनी, खोङ् हुब डस्‍सीरङ् कोलीमील कीन युङ बेत्। हीगो युङ्‌ज्‍ये दी ॱस्‍यीवे दक्‍पु दी़क्‍की चो हुगो खोङ् ढोङे ले हुगी खरप्‍ल तोङ्‌ज्‍येल बेत्।

१ पत्रुस् 5:8

खीत्‍रङ्‌गी ॱसीम् दी ॱनो़जो़त् घङ्‌बी़ ॱवङ्‌ल ॱमत् तोङ, च्‍यङ्‌जो़त् झ्‍यीन दो़च्‍च्‍यीत्। खीत्‍रङ्‌गी ड दी़क्‍की चो हुगी खीत्‍रङ् ॱसु रीमीक् ज्‍यक्‍च्‍ये ब अक् ॱनो़न ॱसेङ्‌गी ङर्न गीर डस्‍सी झ्‍यीक्‍केन् बेत्।

२ पत्रुस् 2:4

इगीन तेङ् यी़गी भङ्‌ज्‍येम्‍ब दीक्‍प झ्‍यीक्‍केन् घयेत् एत् त को़न्‍ज्‍योक्‍की ॱमत् तङ, ठीम्‍ज्‍यो़क्‍की ङीन् थुक्‍ल कीङ्‌न हुब मेन्‍नक् ॱनक् थीङीय ॱनलन च्‍युर्न स्‍यक्‍न यो़क्‍केन् बेत्।

यहुदा 1:6

इगीन तेङ् यी़गी भङ्‌ज्‍येम्‍ब घयेक्‍की रोरङ्‌सो़ ॱएङ्‌गी ॱवङ् च्‍योङ्‌ज्‍येमे ले दील ओ़ब मीत् झ्‍यीक्‍केन्, रोरङ्‌सो़ दो़स्‍स दी ॱलो़ तङ्‌न युङ घयेत् दी ठीम्‍ज्‍यो़क्‍की ङीन् छ्‌यीम्‍मु युङे धी़ थुक्‍ल खोङ्‌गी हुब घयेत् फु काब तोङ्‌गी ढीक्‍ल च्‍यागोङ् ज्‍यप्‍न मेन्‍नक्‍ल ॱलुक्‍न स्‍यक्‍न यो़क्‍केन् बेत्।

ॱसाल्‍केत् 12:13

हुनी हुगी डुक् दी तेङ् यी़नी मल्‍ल रोरङ् पुर् तङ दी ॱह घोनी, भुमु भु कीबे आम दी रीदीक् ज्‍यप्‍सोङ्।

ॱसाल्‍केत् 12:15

हुनी हुगी भुमु दी छ्‌यी़ ढी़त्‍तु ची़च्‍च्‍येल हुगी डी़ दीगी रोरङ्‌गी खनी छ्‌यु चङ्‌ज्‍येन् छ्‌यीम्‍मु च्‍यीक् तो़न्‍सोङ्।

ॱसाल्‍केत् 12:17

ॱनी हुगी डुक् दी भुमु दील खोङ्‌डोक् लङे, हुल छ्‌येप्‍पे ज्‍यी़त्, को़न्‍ज्‍योक्‍की क धङ् धम्‍ल चीगेन्, येशुगी ॱस्‍येप्‍पे केच्‍च्‍यल नेन्‍न थीरी दो़क्‍केन् घयेत्‍तङ् ॱमक् थुक्‍तु टप्‍सोङ्।

ॱसाल्‍केत् 12:3

हुनी यङ् तेङ् यी़दु ॱमीत् च्‍यीक्‍पे ता ॱयोङ्‌म च्‍यीक् थो़न्‍सोङ्। उन डुक् ॱमप्‍पु छ्‌यीम्‍मु च्‍यीक् दुक्। हुल गो दी़न् धङ् रच्‍च्‍योक् च्‍यु दुक्। ॱनी गो रीदङ् रील थोप् छ्‌यीम्‍मी़ ज्‍याबी़ स्‍यमुङ् री घो़न्‍दुक्।

ॱसाल्‍केत् 12:4

हुगी डुक्‍की ॱङम दीगी ॱनम्‍गी कर्म घयेत् गो ॱसुम्‍ल तङे गो च्‍यीक् ॱसल पुर् तङ्‌सोङ्। ॱनी डुक् दी हुगी भुमु दीगी भीज कीनी, कीलोङ् मीक्‍ल डुन सज्‍येल हुगी भुमु दीगी दोङ्‌दु गुन दो़क्‍कुक्।

ॱसाल्‍केत् 12:9

यी़दो़न् ज्‍यप्‍न जम्‍बुलीङ्‌ल दीत्‍न पुर् तङ्‌सोङ्। ॱनी हुगी डुक् छ्‌यीम्‍मु दीगी मीङ् दील ॱङो़न् धङ्‌बी़ डी़, दी़क्‍की चो, कोलीमी घयेत्‍ल ॱयोङ्‌गोर् ज्‍यक्‍केन् धङ् शैतान् सीन्‍न सीगुक्।

ॱसाल्‍केत् 13:2

हुगी ॱसीम्‍ज्‍येन् दी सीक् डस्‍सी दुक्। हुगी कङ्‌लक् दी धोम्‍गी डस्‍सी दुक्। हुगी ख दी ॱसेङ्‌गीगी ख डस्‍सी दुक्। ॱनी डुक् दीगी हुगो रोरङ्‌गी ॱवङ् च्‍येम्‍मे स्‍युडी दील केन रोरङ्‌गी ॱस्‍यीक् धङ् ॱवङ् छ्‌यीम्‍मु हुल बीन्‍सोङ्।

ॱसाल्‍केत् 13:4

हुगी डुक् दीगी रोरङ्‌गी ॱवङ् दी हुगी ॱसीम्‍ज्‍येन् दील बीन्‍नी, हुगी डुक् दील जम्‍लीङ् की़ङ्‌गी छ्‌यक् छो़गुक्। हुनी ॱसीम्‍ज्‍येन् दील अक् छ्‌यक् छेन हुबे हीन्‍दुक् सीगुक्। हीगी ॱसीम्‍ज्‍येन् हीगो डस्‍सी ॱयोङ् घन् दी यो़प्‍प बेक्‍क? हील ॱसु दीगी ॱमक् चो़त् छुगो़प्‍प बेक्‍क? सीस्‍सोङ्।

ॱसाल्‍केत् 20:10

हुनी ज्‍यागक् घयेत्‍ल ॱयोङ्‌गोर् ज्‍यक्‍केन् हुगी दी़क्‍की चो हुगो मुसी धङ् मी बर्से छो दील पुर् तङ्‌सोङ्। उन हुगी ॱसीम्‍ज्‍येन् दी धङ् कलुङ् जी़म ॱस्‍यो़क्‍केन् दी इक् पुर्न यो़प्‍प बेत्। हुबल हुदु ङीन् छेन् मीप्‍प धी़ नम ज्‍यी़न्‍दु दुक्‍स्‍यील सेच्‍च्‍ये मीप्‍पे ॱनर्मी नोङ्‌गेन् बेत्।

ॱसाल्‍केत् 20:7

हुनी लोङ तोङ्‌डक् च्‍यीक् दी छीनी, शैतान् हुगो रोरङ् ॱलुक्‍से चो़न् दीनी तोङ्‌गेन् बेत्।

ॱसाल्‍केत् 9:11

हुब घयेक्‍की ज्‍याबु दी हुगी खीस मीप्‍पे ॱसेङ्‌दोङ दीनी थो़म्‍बे भङ्‌ज्‍येम्‍ब च्‍यीक् दुक्। हुगी मीङ् दी हीब्रुगी केच्‍च्‍यल एबाडोन् सीगुक्। ग्रीक्‍की केच्‍च्‍यल अपोल्‍लीयोन् सीगुक्।