ॱसाल्केत् 20:14 - ल्होमी14 हुनी ॱस्यीव दी धङ् ॱस्यीवे यी़ दी मी बर्से छो दील पुर् तङ्सोङ्। हुगी मी बर्से छो हुल ॱस्यीव तीङ्मा सीक्केन् बेत्। Faic an caibideil |
ॱसाल्केत् 20:14
14 Iomraidhean Croise
हुगी को़न्ज्योक्की खोङ्डोक् पो़त्न युङ दी गोङ्ज्यङ् घर्पोक्म थुङ डस्सी थुङ् गो़ ॱस्यर्केन् बेत्। हुगो ङेल्लेन् च्यो़ज्येमे को़न्ज्योक्की छ्यो़स्स्याल ॱलुक्न दुक्। हुगी मी हुगोल तेङ् यी़गी भङ्ज्येम्ब चङ्म घयेत् धङ् लुक्टुक्की ढुङ्दु मी धङ् मुसी बरे नङ्ल ॱलुक्न दुक्स्यीगी ॱनर्मी नोङ्गेन् बेत्।
हुनी तबा दी ज्यला थो़न्न हुगी ॱसीम्ज्येन् दी धङ् हुगी दल यो़प्पे कलुङ् जी़म ॱस्यो़क्केन् दी सुङ् तङ्सोङ्। हुगी ॱसीम्ज्येङ्गी को़बे कलुङ् जी़म ॱस्यो़क्केन् दीगी यीक् छ्यीम्मी़ लेगी ता गज्येन् झ्यीन तो़न्नी, हुगी ॱसीम्ज्येङ्गी दक् लीङ्गेन्, हुगी डवुल छ्यक् छो़गेन् घयेत् दी हुगी ॱयोङ्गोर्ल छ्यी़नर हीङ्गो़प्प बेत्। हुनी ॱसीम्ज्येन् दी धङ् कलुङ् जी़म ॱस्यो़क्केन् दी ॱङीक्कर् ॱसोम्बु मुसी धङ् मी बर्से छोल पुर् तङ्सोङ्।
गोम ॱएन्स्युक्ल ॱसोम्बुल लोङ्ज्ये ॱनोङे मी घयेत् हुब ॱसोदी छ्यीम्मु च्येम्म को़न्ज्योक्की मी चङ्म हीम्ब युङ्गेन् बेत्। घन्ड हीन् सीन्न हुब घयेत् ॱस्यीव तीङ्मागी ॱवङ्गी होक्ल ॱमीत् ॱस्योर, हुब को़न्ज्योक् धङ् ख्रीष्ट्की छ्यो़प्पो़ल्ल खो़त्न, ख्रीष्ट्तङ् दल लोङ तोङ्डक् च्यीक् थुक् ॱवङ् च्योङ्ज्ये ॱनोङ्गेन् बेत्।
ॱनी ॱङीङ् च्युङेत्मु खुर्केन्, छ्य मीत् स्योक्केन्, स्यीलोक्सीगी ले झ्यीक्केन्, मीस्सेन्, छ्ये ज्युक्केन्, जुम्डी़ तो़ङ्गेन्, ॱल्ह धङ् कुल छ्यक् छ्यो़प्प पुगेन् धङ् ॱएजङ हुन्दुक् झ्यीब कुरीक् हुब घयेक्की दो़स्स दी मुसी धङ् मी बर्से छोल युङ्गेन् बेत्। हील ॱस्यीव तीङ्मा सीक्केन् बेत् ॱसुङ्ज्युङ्।
हुनी त ॱसीयलीय च्यीक् थो़न्सोङ्। हुल स्यो़ङ्गेन् दीगी मीङ् दील ॱस्यीव सीन्न तादुक्। ॱनी हुगी तीङ्ला ॱयोङ्म च्यीक् युङ्गुक्। ॱनी हुगी मीङ् दील ॱस्यीवे यी़ सीन्न तादुक्। ॱनी जम्बुलीङ् गो स्यील तङे गो च्यीक्की मी घयेत् ॱसो़त्रील तङ्न ॱस्यीदु ची़क्केन्, तोरील तङ्न ॱस्यीदु ची़क्केन्, नज अयेक्प तङ्न ॱस्यीदु ची़क्केन्, रीगे ॱसीम्ज्येन् घयेक्की खल ॱस्योर्न ॱस्यीदु ची़क्केङ्गी ॱवङ् हुब ॱङीबुल बीन्दुक्।
Sanasan