ॱसाल्‍केत् 20:11 - ल्होमी

¹¹ हीनी यङ् ॱवङ् च्‍येम्‍मे स्‍युडी छ्‌यीम्‍मु कप्‍पु च्‍यीक्‍ल स्‍युगेन् च्‍यीक् थोङ्‌ज्‍युङ्। ॱनी खोङ्‌गी स्‍यारे ढुङ्‌नी ॱस धङ् ॱनम् ढो़न ॱसोङ्‌न हुनी मीप्‍पल येसोङ्।

ॱसाल्‍केत् 20:11 Iomraidhean Croise

मत्‍ती 11:22

सार् ॱङीबु खीत्‍रङ्‌ल ङे ॱस्‍येत् योङ्। ठीम् च्‍यो़प्‍पे ङीङ्‌गी यङ्‌ल खीत्‍रङ्‌ल नोङ्‌गेङ्‌गी दुक्‍प हुले त टायर् धङ् सीदोन्‍ल फोक्‍पे छ्‌येप्‍प हुगो गुर् थेक्‍पा युङ्‌गेन् बेत्।

मत्‍ती 24:35

तेङ् यी़ धङ् ॱस जम्‍बुलीङ् हीगो ये डोगेन् बेत्। ॱनी ङे ॱस्‍येप्‍पे केच्‍च्‍य घयेत् नम्‍ल अक् मीत् येगेन् बेत्।

मत्‍ती 25:31

कोलीमीगी ॱरेबु रोरङ्‌गी तो़त्‍वङ् च्‍येम्‍मे ओ़च्‍च्‍यल तेङ् यी़गी खोङ् रोरङ्‌गी भङ्‌ज्‍येम्‍ब घयेत्‍तङ् दल युङ्‌न खोङ् रोरङ्‌गी तो़त्‍वङ् च्‍येम्‍मे स्‍युडील स्‍युगेन् बेत्।

रोमी 2:5

रङ्‌गी ॱसीम् दी मत् ज्‍युर, हुन्‍दुक् दीरङ् गट्‌टक्‍प खुर्न देत्‍न ॱनी, को़न्‍ज्‍योक्‍की ठीम् ढङ्‌बु च्‍येत्‍न खोङ्‌गी खोङ्‌डोक्‍की छ्‌येप्‍प युङे ङीन् थुक्‍ल रङ्‌गी हुगी खोङ्‌डोक् हुगो ॱसान स्‍यक्‍पल डोगेन् बेत्।

२ पत्रुस् 3:7

ॱनी हुन्‍दो इगीन घङ् यो़प्‍प घयेत् धङ् हीगी ॱस जम्‍बुलीङ् हीगो को़न्‍ज्‍योक्‍की ॱसुङे ॱसुङ्‌स्‍येक्‍की मील ॱहेक्‍च्‍येल ठोक्‍क झ्‍यीन स्‍यक्‍न यो़क्‍केन् बेत्। हीगो को़न्‍ज्‍योक् ॱमीत् ॱसम्‍गेन् घयेत्‍ल ठीम् च्‍येत्‍न खरप्‍ल तोङे ङीन् ॱलीब थुक्‍की ढीक्‍ल स्‍यक्‍न यो़क्‍केन् बेत्।

ॱसाल्‍केत् 12:8

ॱनी डुक् दी फम्‍न खुर्नी, हुगो धङ् हुगी होक्‍की लेङेन् घयेत् दी तेङ् यी़दु दो़त्‍तु ॱमत् ची़प्‍प,

ॱसाल्‍केत् 16:20

हुनी छ्‌यु ज्‍यम्‍जो छ्‌यीम्‍मी़ घुङ्‌गी ॱसने घयेत् धङ् ल घयेत् येसोङ्।

ॱसाल्‍केत् 19:11

हीनी तेङ् यी़ म दीरङ् घुङ् स्‍याल भीन, हुनी त कप्‍पुल स्‍यो़म्‍बे तबा च्‍यीक् थो़म्‍ब ङे थोङ्‌ज्‍युङ्। हुगी तबा दील ज्‍युरुव मीप्‍प धङ् दीम्‍ब सीन्‍न सीगुक्। ॱनी खोङ्‌गी ॱमक् थुक्‍केङ्‌गी ले हुगो धङ् ठीम् च्‍यो़प्‍पे ले हुगो ढङ्‌बु युङ्‌गेन् बेत्।

ॱसाल्‍केत् 20:2

ॱनी हुगी भङ्‌ज्‍येम्‍ब दीगी ॱङो़ङ्‌गी डी़, डुक्, दी़क्‍की चो, शैतान् दी सुङ्‌न लोङ तोङ्‌डक् च्‍यीक् थुक्‍की ढीक्‍ल कीङ्‌सोङ्।

ॱसाल्‍केत् 21:1

हीनी तेङ् यी़ ॱसम्‍ब धङ् ॱस जम्‍बुलीङ् ॱसम्‍ब ङे थोङ्‌ज्‍युङ्। ॱएङ्‌गी तेङ् यी़ दी धङ् ॱएङ्‌गी ॱस जम्‍बुलीङ् दी येनत्‍तुक्। छ्‌यु ज्‍यम्‍जो छ्‌यीम्‍मु उक् मीन्‍दुक्।

ॱसाल्‍केत् 21:5

हीनी स्‍युडील स्‍युगेन् दीगी ह म दीरङ् घङ् यो़प्‍प घयेत् जेङ् ङ ॱसम्‍बल सोगेन् ॱसुङ्‌सोङ्। हुनी खोङ्‌गी ङल ङे ॱस्‍येप्‍पे केच्‍च्‍य हीगो रङ्‌गी यीगील ढीन स्‍योक्। हीगो दीम्‍ब धङ् ज्‍युरुव मीप्‍प यो़क्‍केन् बेत् ॱसुङ्‌ज्‍युङ्।

ॱसाल्‍केत् 4:2

हुनी ङ ॱरीप् घङ्‌ल धम्‍बे थुगी ॱवङ्‌ल फीन्‍ज्‍युङ्। हुनी इगी तेङ् यी़न ॱवङ् च्‍येम्‍मे स्‍युडी च्‍यीक् दुक्। ॱनी हुल स्‍युगेन् च्‍यीक् ङे थोङ्‌ज्‍युङ्।

ॱसाल्‍केत् 6:14

ॱनी ॱनम् दी यङ् यीगी बुरीम चेन्‍द डीब डस्‍सी झ्‍यीन येसोङ्। ॱनी लदोक् घयेत् धङ् ज्‍यम्‍जो छ्‌यीम्‍मी़ घुङ्‌गी ॱसने घयेत् दी यङ् एल्‍ला यो़स्‍से ॱसने दीनी ॱयोङ्‌ल पो़सोङ्।