ॱसाल्केत् 2:7 - ल्होमी7 ॱसुल आम्ज्योक् यो़प्प हुगी हीगो नेन्ज्यीत्, धम्बे थुगी छ्यो़ छो घयेत्ल घन्ड सीगुक्क। ॱसु ज्यला थो़न्न युङ्गुक्क हुगोल ङे को़न्ज्योक्की ॱस्यीङ्नान यो़प्पे छीये दोङ्बी़ डलु दी सज्ये यो़प्पे क तीक्केन्। Faic an caibideil |
ॱसाल्केत् 2:7
36 Iomraidhean Croise
खीत्रङ् ङदङ् मत् ढेब देत्न ॱनी, खीत्रङ्ल ॱसीम् दीव युङ्गेन् बेत्। हुगो युङ्ज्येल ङे केच्च्य घयेत् हीगो ॱस्येत्न स्यक्पेन्। जम्बुलीङ् हीदु खीत्रङ्ल दुक्प अयेक्प नोङ्गेन् बेत्। ॱनी हीन्न अक्, हुल खीत्रङ् ॱलोप्स्यीक् छ्यीजो़त् झ्यीन दो़च्च्यीत्। घन्ड हीन् सीन्न जम्बुलीङ् हीले ङ ज्यला थो़न् छर बेत् झ्यीब बेत्।
हीनी तेङ् यी़नी मल्ल केत् च्यीक्ल हीन्दुक् सीच्च्युङ्। हीगो रङ्गी यीगील ढी। चोव ज्यीन्दक्तङ् या मत् ढेब दो़क्केङ्गी मी हीनी झ्यीब दी ॱसु ॱस्यीन आक्, हुगो ॱसोदी च्येम्म युङ्गेन् बेत्। धम्बे थुगी हीगो दीम्बरङ् बेत् सीगुक्। हुब घयेत् रोरङ्सो़ मीजील कप्ले च्येत्न युङे दुक्स्यी घयेत्नी या ढेन युङ्न, हुनी कीप्पु युङ्गेन् बेत्। घन्ड हीन् सीन्न हुबे झ्यीबे ले घयेक्की ॱल दी इगीदु थोप्केन् बेत् सीच्च्युङ्।
ॱनी ङे यङ् छ्यु ज्यम्जो छ्यीम्मु डस्सी च्यीक् थोङ्ज्युङ्। हुगो ॱस्यी च्यस्सीङीय धङ् मी बर ॱरीमा च्येम्म डस्सी दुक्। ॱनी हुगी ॱसीम्ज्येङ्गी डवुल छ्यक् ॱमीत् छो़गेन्, हुगी मीङ्गी ढङ्ज्युक् मत् लीम्ब, हुगोले ज्यला थो़न्न युङे मी घयेत् दी हुगी छ्यु ज्यम्जो छ्यीम्मु डस्सी दीगी छीगन लोङ्न दो़क्कुक्। ॱनी हुब घयेत्ल को़न्ज्योक्की डम्लेङ् री री बीन्दुक्।
ॱसुल आम्ज्योक् यो़प्प हुगी हीगो नेन्ज्यीत्, धम्बे थुगी छ्यो़ छो घयेत्ल घन्ड सीगुक्क। ॱसु ज्यला थो़न्न युङ्गुक्क हुगोल ॱसुल आक् ॱस्यो़च्च्ये मीप्पे मन्न च्यीक् तीक्केन्। हुनी दो कप्पु च्यीक् इक् तीक्केन्। हुगी दो दील हुगी मी हुगी मीङ् ॱसम्ब च्यीक् ढीन युङ्गेन् बेत्। हुगी मीङ् दी दो थोप्केन् दील मेन्द, ॱयोङ् ॱसुल आक् ॱस्यो़च्च्ये मीत् युङ्गेन् बेत्।
Sanasan