ॱसाल्केत् 2:26 - ल्होमी26 ॱसु ज्यला थो़न्न युङ्गुक्क ॱसी़ स्युक् थम थुक् ङे ॱनो़बे ले झ्यीगुक्क हुल जम्बुलीङ्गी ज्यी़त् कुरीक्की थोक्ल डोगेङ्गी ॱवङ् टो़क्केन्। Faic an caibideil |
ॱसाल्केत् 2:26
32 Iomraidhean Croise
ॱनी हुल खोङ्गी ङे खीत्रङ्ल गन्दीय ॱस्येत् योङ्। धी़ ॱसम्ब ॱस्यर्न, कोलीमीगी ॱरेबु रोरङ्गी तो़त्वङ् च्येम्मे ओ़च्च्यल ॱवङ् च्येम्मे स्युडील जेन दो़क्केन् बेत्। ॱनी हुगी यङ्ल ङे लम्ल युङ्गेन् खीत्रङ्सो ओक् ॱवङ् च्येम्मे स्युडी च्युन्नील जेन इस्राएल्की ज्यी़त् च्युन्नीबुल ॱवङ् च्योङ्गेन् बेत्।
हुगी ड हुब एल्ला हज्यरङ्दङ् कङ्ज्यीक्ल देप्प बेत्। ॱनी हुब हज्यरङ् ङो़गी मेम्बल हुन्दो हुब भीन टप्सोङ्। हुब गन्दीय हज्यरङ् ङो़गी हीन्न ॱनी, हज्यरङ्दङ् दल दो़प्पेत् क ॱनी। हुब हुन्दुक् झ्यीन ॱसोङे ले हुगी हुब हज्यरङ् ङो़गी च्यीगी च्यीक् मेम्बेत् ॱनो़ब हज्यरङ्गी ॱह घोगेन् बेत्।
ॱसुल आम्ज्योक् यो़प्प हुगी हीगो नेन्ज्यीत्, धम्बे थुगी छ्यो़ छो घयेत्ल घन्ड सीगुक्क। ॱसु ज्यला थो़न्न युङ्गुक्क हुगोल ॱसुल आक् ॱस्यो़च्च्ये मीप्पे मन्न च्यीक् तीक्केन्। हुनी दो कप्पु च्यीक् इक् तीक्केन्। हुगी दो दील हुगी मी हुगी मीङ् ॱसम्ब च्यीक् ढीन युङ्गेन् बेत्। हुगी मीङ् दी दो थोप्केन् दील मेन्द, ॱयोङ् ॱसुल आक् ॱस्यो़च्च्ये मीत् युङ्गेन् बेत्।
हीनी यङ् ङे थोङल इगीन ॱवङ् च्येम्मे स्युडी गज्येन् दुक्। ॱनी स्युडी रीदङ् रील दो़क्केन् री री दुक्। हुब घयेत्ल ठीम् च्यो़च्च्येमे ॱवङ् बीन्दुक्। हुब घयेत् येशुगी ढीक्ल दीम्बे केच्च्य ॱस्येप्पल धङ् को़न्ज्योक्की ॱसुङ्रप्की केच्च्य ॱस्यो़प्पे ढीक्ल गो दुम् तङ घयेक्की ॱसीम् दी बेत्। हुब घयेक्की हुगी ॱसीम्ज्येन् हुल छ्यक् ॱमत् छेब, हुगी डवु दील अक् छ्यक् ॱमत् छेब, थोक्कोक्ल आक् हुगी दक् मत् लीम्ब, ॱनी लक्पल अक् मत् लीम्बे मी घयेत् दी हुब बेत्। ॱनी हुब कुरीक् ॱसोम्बुल लोङ्न लोङ तोङ्डक् च्यीक् थुक् ख्रीष्ट्तङ् दल ॱवङ् च्योङ थोङ्ज्युङ्।
ॱसु ज्यला थो़न्न युङ्गुक्क हुगो ङे को़न्ज्योक् स्युसे छ्यो़गङ्गी का च्यीक्ल सो़न, हुनी हुगो नम्ल अक् छ्यील थो़न् मीत् गो़ब युङ्गेन् बेत्। हुनी हुल ङे को़न्ज्योक्की छेन् धङ् को़न्ज्योक् च्यानी इगी तेङ् यी़नी मल्ल भप्न युङ्गेन् ङे को़न्ज्योक्की सार् यरुशलेम् ॱसम्बे मीङ् धङ् ङरङ्गी मीङ् ॱसम्ब च्यीक् हुल ढीन स्योक्केन्।
Sanasan