ॱसाल्‍केत् 19:18 - ल्होमी

¹⁸ ज्‍याबु घयेक्‍की ॱस्‍य, ॱमक्‍पो़न् छ्‌यीम्‍मु घयेक्‍की ॱस्‍य, मी ज्‍यीक्‍पा घयेक्‍की ॱस्‍य, त घयेक्‍की ॱस्‍य, तबा घयेक्‍की ॱस्‍य, रङ्‌वङ् च्‍येम्‍मे मी घयेक्‍की ॱस्‍य, रङ्‌मो़ मीप्‍पे ॱयोक्‍पु घयेक्‍की ॱस्‍य धङ् मी छ्‌यीया च्‍युङा कुरीक्‍की ॱस्‍य सदु ॱस्‍योक् सीस्‍सोङ्।

ॱसाल्‍केत् 19:18 Iomraidhean Croise

मत्‍ती 24:28

घन रो ॱस्‍यीगोरोक् यो़दङ् हुदु झ्‍यक्‍को़त् घयेत् जोम्‍गेन् बेत्।

लुका 17:37

ॱनी हीगी ढीक्‍ल ॱलोप्‍टुक् दीबे खोङ्‌ल चोव ज्‍यीन्‍दक् हीगो घनल युङ्‌गेन् बेक्‍क ॱनी? सीन्‍न ढीब बेत्। ॱनी हील खोङ्‌गी घन रो ॱस्‍यीगोरोक् यो़दङ् हुदु झ्‍यक्‍को़त् घयेत् जोम्‍गेन् बेत् सीन्‍न ॱसुङ बेत्।

ॱसाल्‍केत् 11:18

नीज्‍यरङ्‌ल खोङ्‌डोक् झ्‍यीक्‍केङ्‌गी ज्‍यी़त् ज्‍यी़त् घयेत्‍ल ङेल्‍लेन् च्‍यो़ज्‍येमे धी़ दी धङ् मी ॱस्‍यी छर घयेत्‍ल ठीम् च्‍यो़च्‍च्‍येमे धी़ दी ह ॱलीस्‍सोङ्। ॱनी नीज्‍यरङ्‌गी ॱयोक्‍पु कलुङ् ॱस्‍यो़क्‍केन् घयेत् धङ् नीज्‍यरङ्‌ल ज्‍यीब खुर्केन् नीज्‍यरङ्‌गी मी चङ्‌म छ्‌यीया च्‍युङा कुरीक्‍ल ॱल ॱनङ्‌ज्‍येमे धी़ दी धङ् जम्‍बुलीङ् मीत्‍तल तोङ्‌गेन् घयेत् दीब यङ् मीत्‍तल तोङ्‌ज्‍येमे धी़ दी ह ॱलीस्‍सोङ् सीन्‍न सीस्‍सोङ्।

ॱसाल्‍केत् 13:16

हुनी मी छ्‌यीया च्‍युङा धङ् छ्‌युक्‍पु टङ्‌बु धङ् मी रङ्‌वङ् च्‍येम्‍म धङ् रङ्‌मो़ मीप्‍पे ॱयोक्‍पु कुरीक्‍ल यरील लक्‍प ॱयेबल, यरील थोक्‍कोक्‍ल खेरक्‍की दक् ज्‍यक्‍तु ची़स्‍सोङ्।

ॱसाल्‍केत् 17:16

ॱनी यङ् रङ्‌गी थोङे रच्‍च्‍योक् च्‍युबु दी धङ् ॱसीम्‍ज्‍येन् दी हुगी छ्‌येमु दीगी डल लोङ्‌न, हुगो च्‍यरोक् कोरोक् तङ्‌न च्‍यरेङी सो़ तोङ्‌गेन् बेत्। हुनी हुगी ॱस्‍य दीरङ् सेन हुनी हुगो मील ॱहे तोङ्‌गेन् बेत्।

ॱसाल्‍केत् 19:5

हुनी यङ् स्‍युडी ढुङ् दीनी केत् च्‍यीक् थो़न्‍सोङ्। हुगी केत् दील हज्‍यरङ्‌गी को़न्‍ज्‍योक्‍ल ज्‍यीब खुर्न दो़क्‍केन्, खोङ्‌गी ॱयोक्‍पु छ्‌यीया च्‍युङा घयेस्‍सो को़न्‍ज्‍योक्‍ल यस्‍सो पु सीस्‍सोङ्।

ॱसाल्‍केत् 6:15

हुनी ज्‍याबु, मी ढक्‍पा, ॱमक्‍पो़न्, छ्‌युक्‍पु, ज्‍यीक्‍पा, रङ्‌मो़ मीप्‍पे ॱयोक्‍पु, रङ्‌मो़ च्‍येम्‍म धङ् जम्‍बुलीङ्‌गी मी घयेत् हुगी यङ्‌ल ढक् उक्‍ल धङ् लदोक् घयेक्‍की होक्‍ल स्‍युन गोङ्‌सोङ्।